'അന്ന് അദ്ദേഹത്തെ എനിക്ക് അറിയില്ല, ആദ്യ വിവാഹമോചനത്തിന് കാരണം ഞാനല്ല'; ഭർത്താവിനെ കുറിച്ച് റാണി മുഖർജി

പിന്നീട് താരം തിരികെ എത്തിയത് ഹിച്ച്കി എന്ന സിനിമയിൽ നായികയായികൊണ്ടാണ്. യഷ് രാജ് ഫിലിംസിന്റെ ബാനറിൽ മനീഷ് ശർമ നിർമിച്ച് സിദ്ധാർത്ഥ് മൽഹോത്ര സംവിധാനം ചെയ്ത ചിത്രം ശ്രദ്ധിക്കപ്പെട്ടിരുന്നു. 2014ൽ ആണ് റാണി മുഖർജി വിവാഹിതയായത്. സംവിധായകൻ ആദിത്യ ചോപ്രയെയാണ് റാണി വിവാഹം ചെയ്തത്. ആദിത്യയുടെ രണ്ടാമത്തെ വിവാഹമായിരുന്നു റാണിയുമായി നടന്നത്. ആദ്യം പായൽ ഖന്നയായിരുന്നു ആദിത്യയുടെ ഭാര്യ. 2000ത്തിൽ വിവാഹിതരായ ഇവർ 2009ൽ വിവാഹമോചിതരായി. ആദിത്യയുടെ ഒന്നാം വിവാഹം പരാജയമാകാൻ കാരണം റാണി മുഖർജിയാണെന്ന തരത്തിൽ നിരവധി ​ഗോസിപ്പുകൾ റാണി-ആദിത്യ വിവാഹത്തിന് മുമ്പും ശേഷവും ബോളിവുഡിൽ പ്രചരിക്കുന്നുണ്ട്. സംഭവം ശ്രദ്ധയിൽപ്പെട്ട റാണി മുഖർജി ​ഗോസിപ്പുകൾ പ്രചരിപ്പിക്കുന്നവരുടെ വായടിപ്പിക്കുന്ന മറുപടിയുമായി എത്തിയിരിക്കുകയാണ്.

ഇന്ത്യാ ഫോറവുമായുള്ള ഒരു സംഭാഷണത്തിലാണ് അടുത്തിടെ റാണി വിവാഹവുമായി ബന്ധപ്പെട്ട കിംവദന്തികളെല്ലാം തച്ചുടച്ചത്. ഒരു നിർമാതാവുമായി ബന്ധം പുലർത്തി നടക്കുന്ന അഭിനേത്രിയല്ല താനെന്നും റാണി മുഖർജി വ്യക്തമാക്കി. 'എല്ലാ കിംവദന്തികളും നുണയാണ്. ആദിത്യ ചോപ്ര വിവാഹമോചനം നേടിയശേഷം മാത്രമാണ് ഞാൻ അദ്ദേഹത്തെ കാണാൻ തുടങ്ങിയത്. നിർ‌മാതാവുമായി ഡേറ്റിങ് നടത്തുക എന്നത് എന്റെ രീതിയല്ല. ഞാൻ അദ്ദേഹത്തോടൊപ്പം സിനിമകൾ ചെയ്യാതിരുന്നപ്പോഴാണ് അദ്ദേഹത്തെ പരിചയപ്പെട്ടതും കാണാൻ തുടങ്ങിയതും. ഇതെല്ലാം ചലി അജണ്ടകളുടെ ഭാ​ഗമായി വരുന്ന റൂമറുകളാണ്. ഇതിനോട് മുമ്പ് പ്രതികരിക്കാതിരുന്നതിനും കാരണമുണ്ട്. എന്റെ പ്രതിച്ഛായയ്ക്ക് കോട്ടം തട്ടും എന്നതിലുപരി എന്നെ ചുറ്റിപറ്റി കഴിയുന്നവരെ കുറിച്ചാണ് ഞാൻ ചിന്തിച്ചിട്ടുള്ളത്' റാണി മുഖർജി പറയുന്നു.

റാണിയ്ക്കും ആദിത്യയും 2015ൽ ആണ് മകൾ ആദിര പിറന്നത്. മകളുടെ സ്വകാര്യത സംരക്ഷിക്കുന്നതിനായി ഇരുവരും മകളെ മാധ്യമങ്ങൾക്ക് മുമ്പിൽ കാണിച്ചിരുന്നില്ല. ദമ്പതികൾ തങ്ങളുടെ ഓഫ് സ്ക്രീൻ ജീവിതവും വളരെ സ്വകാര്യമായിട്ടാണ് കൊണ്ടുനടക്കുന്നത്. ബണ്ടി ഓർ ബബ്ലി 2 ആണ് ഏറ്റവും അവസാനം റിലീസ് ചെയ്ത റാണി മുഖർജി സിനിമ. സെയ്ഫ് അലി ഖാനാണ് ചിത്രത്തിൽ നായകനായത്. സിനിമയ്ക്ക് പ്രേക്ഷകർക്കിടയിൽ നിന്ന് സമ്മിശ്ര പ്രതികരണമാണ് ലഭിച്ചത്. മിസിസ് ചാറ്റർജി വേഴ്സസ് നോർവേ എന്ന ചിത്രമാണ് ഇനി റാണിയുടേതായി പുറത്തിറങ്ങാനുള്ള സിനിമ. ആഷിമ ചിബ്ബർ സംവിധാനം ചെയ്ത ചിത്രം സീ സ്റ്റുഡിയോസും എമ്മെ എന്റർടെയ്ൻമെന്റും ചേർന്നാണ് സിനിമ നിർമിച്ചിരിക്കുന്നത്. 2022 മെയ് 20ന് ചിത്രം റിലീസ് ചെയ്യും.