ഫോണിൽ പോലും സംസാരിക്കാറില്ല: ഐശ്വര്യ റായ് റാണി മുഖർജിയുമായി തെറ്റിപ്പിരിഞ്ഞതിന് കാരണം ഇതോ?

സിനിമാരംഗത്ത് സ്ഥിരമായ ശത്രുക്കളോ മിത്രങ്ങളോ ഇല്ലെന്നാണ് വിശ്വാസം. ഹിന്ദി സിനിമാ രംഗത്തേക്ക് വന്നാൽ, രണ്ട് നായികമാർ തമ്മിൽ ഒരിക്കലും സൗഹൃദമുണ്ടാവില്ലെന്നാണ് പരക്കെയുള്ള വിശ്വാസം. ബോളിവുഡിലെ ഈ വിശ്വാസം ശരി വയ്ക്കുന്നത് പോലെ, അടുത്ത സുഹൃത്തുക്കളായിരുന്നു പല താര നായികമാരും കാലക്രമേണ തമ്മിൽ കണ്ടാൽ മിണ്ടാത്ത അവസ്ഥയിലായി തീർന്നു. അങ്ങനെ അവസാനിച്ച സൗഹൃദമാണ് ഐശ്വര്യ റായ് ബച്ചന്റെയും റാണി മുഖർജിയുടെയും ബന്ധം.

എന്നാൽ അതിന് കാരണം റാണി പ്രണയിച്ചിരുന്നതായി പറയപ്പെടുന്ന, പിൽക്കാലത്ത് ഐശ്വര്യയുടെ ഭർത്താവായി തീർന്ന അഭിഷേക് ബച്ചൻ അല്ല എന്നതാണ് സത്യം. ബോളിവുഡിലെ താര സുന്ദരികൾ തമ്മിലുള്ള സൗഹൃദം അവസാനിക്കാൻ കാരണമായത്, ഷാരൂഖ് ഖാൻ നായകനായ ചൽത്തേ ചൽത്തേ എന്ന സിനിമയും, അതിനെ ചുറ്റിപ്പറ്റി നടന്ന വിവാദങ്ങളുമാണ്. സൗഹൃദങ്ങൾ കാലക്രമേണ മാറാം, ചിലപ്പോൾ ഏറ്റുമുട്ടലുകളില്ലാതെ.

Photo Credit: Filmibeat

ഐശ്വര്യ റായ് ബച്ചനുമായുള്ള തന്റെ ബന്ധത്തിൽ വന്ന മാറ്റങ്ങളെ കുറിച്ച് റാണി മുഖർജി ഒരിക്കൽ സംസാരിച്ചു. ഒരിക്കൽ ദൃഢമായിരുന്ന ആ സൗഹൃദം ഒടുവിൽ അവസാനിപ്പിച്ചതെങ്ങനെയെന്നും താരം ഓർമ്മിച്ചു. പ്രശസ്ത ടോക്ക് ഷോ ആയ കോഫി വിത്ത് കരണിന്റെ പഴയൊരു എപ്പിസോഡിൽ കരീന കപൂറിനൊപ്പം റാണി മുഖർജി പ്രത്യക്ഷപ്പെട്ടപ്പോൾ, ഐശ്വര്യ റായ് ബച്ചനുമായുള്ള നടിയുടെ സൗഹൃദം അവസാനിച്ചതിനെ കുറിച്ച് അവതാരകൻ കരൺ ജോഹർ ചോദിച്ചു. "നിങ്ങൾക്കും ഐശ്വര്യയ്ക്കും ഇടയിൽ ഒരു വലിയ മാനസിക അടുപ്പവും, സൗഹൃദവും ഉണ്ടായിരുന്നല്ലോ. ഇന്ന് അത് നിലവിലില്ല," അദ്ദേഹം പറഞ്ഞു. അതിന് റാണി മറുപടി പറഞ്ഞു: "അതെ, അതിനുള്ള കാരണങ്ങൾ നിങ്ങൾക്കറിയാമല്ലോ."

തനിക്ക് ഒന്നും അറിയില്ലെന്ന് കരൺ ജോഹർ പറഞ്ഞപ്പോൾ, റാണി മുഖർജി വിശദീകരിച്ചു. "ചൽത്തേ-ചൽത്തേ എന്നോട് പറഞ്ഞോളൂ," ഷാരൂഖ് ഖാനോടൊപ്പം റാണി അഭിനയിച്ച ചൽത്തേ ചൽത്തേ എന്ന ചിത്രത്തെക്കുറിച്ച് പരാമർശിച്ചുകൊണ്ട് അദ്ദേഹം പറഞ്ഞു. ആ സിനിമയിൽ ഐശ്വര്യ റായ് ബച്ചനായിരുന്നു ആദ്യം നായിക. അവർ ഷാരൂഖിനൊപ്പം നിരവധി രംഗങ്ങൾ ചിത്രീകരിച്ചിരുന്നു. എന്നാൽ, സൽമാൻ ഖാൻ സെറ്റിൽ ബഹളമുണ്ടാക്കി എന്ന റിപ്പോർട്ടുകളാണ് പിന്നീട് പുറത്തു വന്നത്. തുടർന്ന് നായികയുടെ സ്ഥാനത്ത് നിന്നും ഐശ്വര്യയെ മാറ്റുകയും, പകരം റാണി മുഖർജി ആ വേഷം ഏറ്റെടുക്കുകയും ചെയ്തു.

Photo Credit: Filmibeat

"ഇല്ല, എനിക്ക് ആരുമായും ഒരു പ്രശ്‌നവുമില്ല, എനിക്ക് ഇപ്പോഴും ഐഷുമായി വ്യക്തിപരമായ ഒരു പ്രശ്‌നവുമില്ല. ഒരുപക്ഷേ ഐഷിന് അത് ഉണ്ടായിരുന്നിരിക്കാം," സംവിധായകന്റെ ചോദ്യത്തിന് മറുപടിയായി റാണി പറഞ്ഞു. ഐശ്വര്യയ്ക്ക് റാണിയോട് എന്തെങ്കിലും പ്രശ്‌നമുണ്ടെന്ന് കരുതുന്നുണ്ടോ എന്ന് ചോദിച്ചു. "ഞങ്ങൾ ഫോണിൽ പോലും സംസാരിക്കാറില്ല ഇപ്പോൾ. ഞാൻ അവളെ പൊതു ഇടങ്ങളിൽ എവിടെയും വച്ച് കണ്ടിട്ടില്ല. പക്ഷേ ഇനി തമ്മിൽ കണ്ടുമുട്ടുമ്പോൾ, ഞങ്ങൾ പരസ്പരം വളരെ സൗഹാർദ്ദപരമായി പെരുമാറുമെന്ന് ഞാൻ കരുതുന്നു. രണ്ട് നടിമാർക്ക് സുഹൃത്തുക്കളാകാൻ കഴിയുമെങ്കിൽ, അവർക്ക് സുഹൃത്തുക്കളാകാൻ കഴിയും. അവർക്ക് കഴിയില്ല എന്നല്ല. നമ്മുടെ മനസ്സിൽ വ്യക്തത ഉണ്ടായിരിക്കണം, അരക്ഷിതാവസ്ഥ ഉണ്ടാകേണ്ടതില്ല... നമുക്ക് നമ്മളായി അങ്ങനെ തന്നെ തുടരാം," പ്രശസ്ത താരം പറഞ്ഞു നിർത്തി.

എന്തായാലും, അന്നത്തെ പിണക്കം ഇന്ന് വരെ ഐശ്വര്യയും റാണിയും മാറ്റിയിട്ടില്ല. ഇന്ന് പരസ്പരം ഇരുവരും ചില പിറന്നാൾ ആഘോഷങ്ങളിൽ വച്ച് കണ്ടു മുട്ടാറുണ്ടെങ്കിലും, പരസ്പരം അവഗണിക്കുകയാണ് ചെയ്യാറുള്ളത് എന്നാണ് റിപോർട്ടുകൾ സൂചിപ്പിക്കുന്നത്. എന്നാൽ അഭിഷേക് ബച്ചനും, റാണി മുഖർജിയുടെ ഭർത്താവും ഫിലിം മേക്കറുമായ ആദിത്യ ചോപ്രയും തമ്മിൽ ഇന്നും അടുത്ത സൗഹൃദമുണ്ട്.