എന്റെ കരിയറിന് വേണ്ടിയാണ് അങ്ങനെ ചെയ്തത്, നീ ക്ഷമിക്കണം; അരുണയോട് സത്യം തുറന്ന് പറഞ്ഞ രേഖ

ഇരുവരും ഒരുമിച്ച നിരവധി സിനിമകൾ അന്ന് വൻ ഹിറ്റായി. അമിതാഭ്- ​രേഖ ​ഗോസിപ്പ് പരക്കുന്നതും ഇക്കാലഘട്ടത്തിൽ ആണ് . അന്നും ഇന്നും രേഖയെ ഈ ​ഗോസിപ്പ് വിടാതെ പിന്തുടരുന്നു. രേഖ ഇപ്പോഴും ബച്ചന്റെ കാമുകി ആണെന്ന് വിശ്വസിക്കുന്നവരും ഏറെയാണ്. സൂപ്പർ താരമായിരുന്ന ജെമിനി ​ഗണേശന്റെ മകളാണ് രേഖ. എന്നാൽ രേഖ തന്റെ മകളാണെന്ന് ജെമിനി ​ഗണേശൻ പരസ്യമായി അം​ഗീകരിച്ചിരുന്നില്ല.

Also Read: 'മകന് വേണ്ടി ഒരുമിച്ചു'; വർഷങ്ങൾക്ക് ശേഷം പ്രിയനും ലിസിയും ഒറ്റ ഫ്രെയിമിൽ, സിദ്ധാർഥ് പ്രിയദര്‍ശന്‍ വിവാഹിതനായി

ജെമിനി ​ഗണേശനും രേഖയുടെ അമ്മ പുഷ്പവല്ലിയുമായുള്ള വിവാഹത്തിന് മുമ്പാണ് രേഖ ജനിച്ചതെന്ന് അഭ്യൂഹമുണ്ടായിരുന്നു. അന്ന് മുതലേ രേഖയുടെ വ്യക്തി ജീവിതം മാധ്യമ ശ്രദ്ധ പിടിച്ചു പറ്റി. കുടുംബത്തിലെ സാമ്പത്തിക ബുദ്ധിമുട്ടുകൾ മൂലമാണ് രേഖ സിനിമാ രം​ഗത്തേക്ക് കടന്ന് വരുന്നത്.

ഹിന്ദി ഭാഷ അറിയില്ലെന്ന കടമ്പ വളരെ പെട്ടെന്ന് രേഖ മറി കടന്നു, സിനിമാ രം​ഗത്ത് തന്റേതായ ഒരു സ്ഥാനം നേടി എടുത്തു.

രേഖയെക്കുറിച്ച് അരുണ ഇറാനി പറഞ്ഞ വാക്കുകളാണ് ഇപ്പോൾ ശ്രദ്ധ നേടുന്നത്. രേഖ തന്നെ ഒരു സിനിമയിൽ നിന്നും മാറ്റിയതിനെക്കുറിച്ചാണ് അരുണ ഇറാനി സംസാരിച്ചത്. 1981 ൽ പുറത്തിറങ്ങിയ മം​ഗൽസൂത്ര എന്ന സിനിമയിൽ നിന്നാണ് രേഖ അരുണയെ മാറ്റിയത്.

എഎൻഐ പോഡ്കാസ്റ്റിൽ സംസാരിക്കുകയായിരുന്നു നടി. രേഖ തന്റെ നല്ല സുഹൃത്താണെന്ന് അരുണ പറയുന്നു. അതേസമയം രേഖ മൂലമാണ് തനിക്ക് പ്രധാനപ്പെട്ട വേഷം നഷ്ടം ആയതെന്നും അരുണ തുറന്ന് പറഞ്ഞു.

സിനിമയിലെ നായകന്റെ രണ്ട് ഭാര്യമാരുടെ വേഷമാണ് രേഖയ്ക്കും അരുണയ്ക്കും ലഭിച്ചിരുന്നത്. അരുണയായിരുന്നു ആദ്യ ഭാര്യ. രേഖയുടെ കഥാപാത്രം രണ്ടാം ഭാര്യയും. മരണപ്പെട്ട ആദ്യ ഭാര്യ സിനിമയിൽ പ്രേതമായി വരുന്നുണ്ട്.

അഭിനയ പ്രാധാന്യം ഉണ്ടായിരുന്ന ഈ വേഷം പക്ഷെ അരുണയുടെ കൈയിൽ നിന്ന് പോയി. അന്വേഷിച്ചപ്പോൾ തന്നെ മാറ്റിയതിന് കാരണം രേഖയാണെന്ന് അണിയറ പ്രവർത്തകർ തുറന്ന് പറയുകയും ചെയ്തെന്ന് നടി ഓർത്തു.

രേഖയോട് തന്നെ ഇതേപറ്റി അരുണ ചോദിച്ചു. സത്യാവസ്ഥ രേഖ തുറന്ന് പറയുകയും ചെയ്തു. നിന്റെ കഥാപാത്രത്തിന്റെ പ്രകടനം സിനിമയിൽ ശ്രദ്ധിക്കപ്പെട്ടാൽ എന്റെ കഥാപാത്രം വെറുതെയാവുമെന്നാണത്രെ രേഖ നൽകിയ വിശദീകരണം.

അരുണയോട് മാപ്പ് പറയുകയും കരിയറിന് വേണ്ടിയാണ് ഇങ്ങനെ ചെയ്തതെന്നും രേഖ വ്യക്തമാക്കി. 'ക്ഷമിക്കണം പക്ഷെ എന്ത് ചെയ്യാൻ പറ്റും ഇത് എന്റെ കരിയറിന് വേണ്ടിയാണ്' എന്നായിരുന്നത്രെ രേഖയുടെ വാക്കുകൾ. അതേസമയം ഇന്ന് രണ്ട് പേരും എല്ലാം മറന്ന് നല്ല സുഹൃത്തുക്കളാണ്.