മറ്റൊരു സ്ത്രീ കൂടെയുള്ളതിനാല്‍ മക്കളെ കാണാന്‍ സമ്മതിച്ചില്ല; ആദ്യ ഭാര്യയെ കുറിച്ച് സെയിഫ് അലി ഖാന്‍

മുന്‍പൊരു അഭിമുഖത്തില്‍ അമൃതയുമായി വേര്‍പിരിയാനുണ്ടായ കാരണത്തെ കുറിച്ച് പറഞ്ഞതിനൊപ്പം തന്റെ മക്കളായ സാറ അലി ഖാനെയും ഇബ്രാഹിം അലി ഖാനെയും കാണാന്‍ ഭാര്യ സമ്മതിച്ചിരുന്നില്ലെന്ന കാര്യം കൂടി സെയിഫ് സൂചിപ്പിച്ചിരുന്നു. 'ഞാനും ഭാര്യയും വേര്‍പിരിഞ്ഞ് ഞങ്ങളുടേതായ വഴിക്ക് പോയി. എന്റെ ഭാര്യയുടെ ജീവിതത്തെ ഞാന്‍ ബഹുമാനിക്കുന്നുണ്ട്. എന്നാല്‍ ഞാന്‍ മോശം ഭര്‍ത്താവും അച്ഛനുമാണെന്ന് എന്തിനാണ് എപ്പോഴും ഓര്‍മ്മിപ്പിച്ച് കൊണ്ടിരിക്കുന്നത്. മകന്‍ ഇബ്രാഹിമിന്റെ ഫോട്ടോ എല്ലായിപ്പോഴും എന്റെ പേഴ്‌സില്‍ ഉണ്ടാവും.

മക്കളുടെ ഫോട്ടോ എടുത്ത് നോക്കുമ്പോഴെല്ലാം തനിക്ക് കരച്ചില്‍ വരുമായിരുന്നു. മകള്‍ സാറയെ ഞാന്‍ എപ്പോഴും മിസ് ചെയ്യുമായിരുന്നു. മക്കളെ കാണാന്‍ അമൃത എന്നെ അനുവദിച്ചിരുന്നില്ല. അവര്‍ക്ക് എന്നെ വന്ന് കാണാനോ എന്റെ കൂടെ താമസിക്കാനുള്ള അനുവാദമോ അവര്‍ കൊടുത്തില്ല. കാരണം എന്റെ ജീവിതത്തില്‍ പുതിയൊരു സ്ത്രീ ഉണ്ടെന്നും അവര്‍ അമ്മയ്ക്ക് എതിരായി കുട്ടികളെ സ്വാധീനിക്കുമെന്നും കരുതി, അത് വളരെ പൈശാചികമായ കാര്യമാണെന്ന് അമൃതയ്ക്ക് അറിയാമെന്നും സെയിഫ് സൂചിപ്പിച്ചിരുന്നു.

അമൃത ടെലിവിഷന്‍ സീരിയലില്‍ അഭിനയിക്കാന്‍ പോവുമ്പോള്‍ മക്കള്‍ ബന്ധുക്കളുടെയോ വേലക്കാരുടെയോ കൂടെയാണ് ജീവിക്കുന്നത്. എന്റെ കുടുംബത്തിന് പിന്തുണ നല്‍കാന്‍ ഞാനിവിടെ ഉള്ളപ്പോള്‍ അവളെന്തിനാണ് അങ്ങനെ പെരുമാറുന്നതെന്നും അഭിമുഖത്തില്‍ നടന്‍ സൂചിപ്പിച്ചു. അമൃതയുമായിട്ടുള്ള ബന്ധം അവസാനിപ്പിക്കാന്‍ കാരണം നിരന്തരം പഴികള്‍ കേള്‍ക്കേണ്ടി വന്നത് കൊണ്ടാണ്. എന്നെ മോശമായി പറയുന്നതിനൊപ്പം തന്റെ അമ്മയും സഹോദരിയുമായിട്ടും വഴക്ക് കൂടുന്നതും പതിവായിരുന്നു. നമ്മള്‍ വില ഇല്ലാത്തവരാണെന്ന് നിരന്തരം ഓര്‍മ്മിപ്പിച്ച് കൊണ്ടേ ഇരിക്കും. അതെല്ലാം സഹിച്ച് നിന്നു. പക്ഷേ അമ്മയ്ക്കും സഹോദരിയ്ക്കുമെതിരെ അധിഷേപങ്ങളും പരിഹാസങ്ങളും വന്നതും സഹിക്കാന്‍ സാധിച്ചില്ല.

Recommended Video

ബോളിവുഡ് താര ദമ്പതികളും, പ്രണയ കഥയും | FilmiBeat Malayalam

അമൃതയ്ക്കും മക്കള്‍ ജീവിക്കാന്‍ വേണ്ടി ഭീമമായൊരു തുക സെയിഫ് അലി ഖാന്‍ ജീവനാംശമായി നല്‍കുകയും ചെയ്തിരുന്നു. അക്കാലത്ത് തന്നെ അഞ്ച് കോടിയോളം ഭാര്യയ്ക്ക് മാത്രം നല്‍കിയെന്നും മക്കള്‍ക്ക് പതിനെട്ട് വയസ് ആവുന്നത് വരെ അവരുടെ അക്കൗണ്ടിലേക്ക് ലക്ഷങ്ങള്‍ അയച്ച് കൊടുത്തതിനെ കുറിച്ചുമൊക്കെ സെയിഫ് വെളിപ്പെടുത്തി. നിലവില്‍ മക്കള്‍ വളര്‍ന്നതോടെ അച്ഛനും അമ്മയ്ക്കുമൊപ്പം മാറി മാറിയാണ് താമസിക്കുന്നത്. രണ്ടാനമ്മയായ കരീനയ്‌ക്കൊപ്പമുള്ള സാറയുടെ ചിത്രങ്ങളും വൈറലാവാറുണ്ട്.