ആമീറിന്റെ ആ പെരുമാറ്റത്തിൽ ദിവ്യ കരഞ്ഞു!! അവസാന നിമിഷം താരത്തെ രക്ഷിച്ചത് സൽമാൻ

ലണ്ടനിലെ ഷോയ്ക്കിടയിൽ പ്രശ്നം

നടി ബോളിവുഡിൽ സജീവമായിരുന്ന കാലം. ലണ്ടനിലെ ഒരു സ്റ്റേജ് ഷോയ്ക്കിടെയായിരുന്നു അമീറും ദിവ്യയും തമ്മിൽ പ്രശ്നം നടക്കുന്നത്. ദിവ്യയുടെ എന്തോ പെരുമാറ്റം ആമീറിന് ഇഷ്ടപ്പെട്ടിരുന്നില്ല. അത് അദ്ദേഹം പരിപാടിയുടെ സംഘാടകരോട് അന്ന് തന്നെ പറയുകയും ചെയ്തിരുന്നു. ഇത് അന്ന് വാർത്താ പ്രാധാന്യം നേടിയിരുന്നതുമാണ്,

ദിവ്യയ്ക്കൊപ്പം നൃത്തം ചെയ്യില്ല

അന്നത്തെ പരിപാടിയിൽ ദിവ്യയും ആമീർഖാനും തമ്മിലുള്ള ഡാൻസ് പരിപാടിയുണ്ടായിരുന്നു. എന്നാൽ അതിൽ നിന്ന് ആമീർ ഖാൻ പിൻമാറുകയായിരുന്നു. സംഘടകർ പറഞ്ഞിട്ടു പോലും നടിയോടൊപ്പം നൃത്തം ചെയ്യില്ലെന്ന് താരം കടുപ്പിച്ചു പറഞ്ഞിരുന്നു . തുടർന്ന് അന്നത്തെ ഷോ ആമീർ ജൂഹി ചൗളയ്ക്കൊപ്പമായിരുന്നു ചെയ്തിരുന്നത്.

നടിയ്ക് പിൻമാറാൻ കഴിയില്ല

ആമീറിന്റെ പെരുമാറ്റം ദിവ്യയെ വല്ലാതെ സങ്കടപ്പെടുത്തിയ നടി പൊട്ടിക്കരയുകയും ചെയ്തു.. ഏറ്റെടുത്ത് ആ പരിപാടിയിൽ നിന്ന് ദിവ്യയ്ക്ക് പിൻമാറാനും സാധിക്കില്ലായിരുന്നു. അങ്ങനെ പ്രതിസന്ധിയിൽ പെട്ടിരിക്കുന്ന സമയത്താണ് ദിവ്യയ്ക്ക് സഹായവുമായി സൽമാൻഖാൻ എത്തിയത്. ആമീറിനു പകരം സൽമാൻഖാനാണ് അന്ന് താരത്തിനോടൊപ്പം നൃത്തം ചെയ്തത്.

ഫ്ലറ്റിൽ നിന്ന് താഴെ വീണു

1993 ഏപ്രിൽ 5 നായിരുന്നു സിനിമാ ലോകത്തെ ഒന്നടങ്കം ഞെട്ടിച്ചു കൊണ്ടുള്ള താരത്തിന്റെ മരണം. ഫ്ലാറ്റിന്റെ അഞ്ചാം നിലയിൽ നിന്ന് കാല് വഴുതി താഴെ വീണായിരുന്നു താരത്തിന്റെ മരണം. മരണം സംഭവിക്കുമ്പോൾ താരം മദ്യലഹരിയിൽ ആയിരുന്നെന്നും ഇതാണ് മരണ കാരണമെന്നുമാണ് പോലീസ് നിഗമനം. എന്നാൽ നടിയുടെ മരണത്തെ സംബന്ധിച്ച് നിരവധി കഥകൾ പ്രചരിച്ചിരുന്നു. ആത്മഹത്യയാണെന്നും കൊലപാതകമാണെന്നുമുള്ള അഭ്യൂഹങ്ങളുണ്ടായിരുന്നു പ്രചരിച്ചിരുന്നു. ഭർത്താവ് സംവിധായകനെതിരെ ആരോപണങ്ങളും ഉയർന്നിരുന്നു.