ഷാരൂഖിനൊപ്പം അഭിനയിക്കവെ സെറ്റിൽ സൽമാൻ; ഐശ്വര്യക്ക് പിന്നാലെ അലഞ്ഞ് നടൻ; ഐശ്വര്യ അന്ന് കരഞ്ഞു!

സൽമാൻ തന്നെ മാനസികമായും ശാരീരികമായും ഉപദ്രവിച്ചെന്നും തന്റെ കരിയറിൽ വരെ നഷ്ടങ്ങൾ ഉണ്ടാക്കിയെന്നും ഐശ്വര്യ ആരോപിച്ചു. വർഷങ്ങൾക്കിപ്പുറവും സൽമാൻ-ഐശ്വര്യ പ്രണയ കഥ ബോളിവുഡിൽ നിലനിൽക്കുന്നു. സൽമാൻ ഖാൻ പിന്നീട് നിരവധി നടിമാരുമായി പ്രണയത്തിലായി.

ഐശ്വര്യയാവട്ടെ 2007 ൽ നടൻ അഭിഷേക് ബച്ചനെ വിവാഹം കഴിച്ച് കുടുംബ ജീവിതത്തിലേക്ക് കടന്നു. ഇരുവർക്കും ഇന്ന് ആരാധ്യ എന്ന മകളുമുണ്ട്. ഐശ്വര്യയോളം സൽമാൻ മറ്റാരെയും പിന്നീട് സ്നേഹിച്ചിട്ടില്ല എന്നാണ് സിനിമാ ലോകത്തെ സംസാരം.

Also Read: ഞാന്‍ ആശുപത്രിയിലാണെന്ന് കേട്ടാല്‍ എലിസബത്ത് പൊട്ടിക്കരയുമെന്ന് കരുതി; എലിയുടെ മറുചോദ്യത്തെ പറ്റി ബേസില്‍

ഐശ്വര്യ റായുടെ സൂപ്പർ ഹിറ്റ് സിനിമകളിൽ ഒന്നാണ് ദേവദാസ്. ഷാരൂഖ് ഖാൻ ആയിരുന്നു ഈ സിനിമയിലെ നായകൻ. യഥാർത്ഥത്തിൽ ഈ സിനിമയിൽ സൽമാൻ ഖാനെ നായകനാക്കും എന്നാണ് സൽമാൻ പ്രതീക്ഷിച്ചിരുന്നത്. എന്നാൽ സംവിധായകൻ സഞ്ജയ് ലീല ബൻസാലി തെരഞ്ഞെടുത്തത് ആവട്ടെ ഷാരൂഖിനെയും. എന്നാൽ പ്രേക്ഷകർ കാണുന്നില്ലെങ്കിലും ദേവദാസിൽ സൽമാൻ ഖാന്റെ സാന്നിധ്യം ഉണ്ട്.

ഷാരൂഖിനെക്കുറിച്ച് അനുപമ ചോപ്ര എഴുതിയ കിം​ഗ് ഓഫ് ബോളിവുഡ്: ഷാരൂഖ് ആന്റ് ദ സെഡക്ടീവ് വേൾഡ് ഓഫ് ഇന്ത്യൻ സിനിമ എന്ന പുസ്തകത്തിലാണ് ഇക്കാര്യം പറയുന്നത്. കടുത്ത പ്രണയത്തിലായിരുന്ന ഐശ്വര്യയും സൽമാനും ഇടയിൽ പിന്നീട് പ്രശ്നങ്ങൾ ഉടലെടുത്ത ഒരു സമയം ഉണ്ടായിരുന്നു.

ഈ ഘട്ടത്തിലാണ് ദേവദാസ് ഷൂട്ടിം​ഗ് നടക്കുന്നത്. ഐശ്വര്യയെ നഷ്ടപ്പെടുമെന്ന ഭയത്തിൽ സൽമാൻ സ്വയം നശിച്ച് കൊണ്ടിരിക്കുന്ന സമയമായിരുന്നത്രെ ഇത്. ദേവദാസ് ഷൂട്ടിം​ഗ് നടന്ന് കൊണ്ടിരിക്കുമ്പോൾ സൽമാൻ ഈ സെറ്റിൽ ഉണ്ടായിരുന്നു. സീനുകൾ ചിത്രീകരിക്കുന്നതിൽ സൽമാൻ ഇടപെടുകയും ചെയ്തിരുന്നു.

സിനിമയിൽ ഐശ്വര്യയുടെ കാലിൽ തറച്ച മുള്ള് ഷാരൂഖ് എടുത്ത് കളയുന്ന ഒരു രം​ഗം ഉണ്ട്. ഐശ്വര്യയുടെ കാൽപാദവും ഷാരൂഖിന്റെ കൈയും മാത്രമേ ഈ സീനിൽ കാണുന്നുള്ളൂ. യഥാർത്ഥത്തിൽ ആ സീനിൽ കാണുന്ന കൈ സൽമാൻ ഖാന്റേതാണ്. ഷാരൂഖിന്റെ സമ്മത പ്രകാരം സൽമാൻ ആ സീനിൽ എത്തുകയായിരുന്നു. സൽമാനും ഐശ്വര്യയും ഒരുമിച്ച് അഭിനയിച്ച അവസാന സീൻ ആണിത്.

വൈകാരികമായ ആ സീനിൽ ഐശ്വര്യ കരഞ്ഞെന്നും പുസ്തകത്തിൽ പറയുന്നു. ഈ സിനിമയ്ക്കിടെ പ്രശ്ന കലുഷിതമായിരുന്നു ഐശ്വര്യ-ഷാരൂഖ് ബന്ധം പിന്നീട് അവസാനിച്ചു. സിനിമയിൽ ഷാരൂഖ് ആയിരുന്നു കാമുകിക്ക് വേണ്ടി സ്വയം നശിക്കുന്ന ദേവദാസ് എങ്കിൽ യഥാർത്ഥ ജീവിതത്തിൽ അത് സൽമാൻ ആയിരുന്നെന്നും പുസ്തകത്തിൽ പറയുന്നു.