'അച്ഛന്റെ മുൻ കാമുകി റീന റോയിയുടെ മുഖച്ഛായ‌യുമായി വളരെ അധികം സാമ്യം'; സോനാക്ഷി പരിഹസിക്കപ്പെടുമ്പോൾ!

പിന്നീട് ഇരുവരും നല്ല സുഹൃത്തുക്കളായി. ഒടുവിൽ പ്രണയത്തിലായി. 1981ൽ പൂനത്തെ ശത്രുഘ്‌നൻ സിൻഹ വിവാഹം കഴിച്ചപ്പോൾ അത് റീനയ്ക്ക് വലിയ ആഘാതമാണ് നൽകിയത്.

പക്ഷെ വിവാഹത്തോടെ റീനയുമായുള്ള ബന്ധം വേണ്ടെന്ന് വെച്ചില്ല ശത്രുഘ്നൻ സിൻഹ രഹസ്യമായി ആ ബന്ധം തുടർന്നു. പക്ഷെ ആ ബന്ധം രഹസ്യമായി ശത്രു​ഘ്നൻ സിൻഹ മുന്നോട്ട് കൊണ്ടുപോകുന്നതും തന്നെ വെറുമൊരു രണ്ടാം തരക്കാരിയാക്കി വെച്ചിരിക്കുന്നതും റീനയ്ക്ക് ഇഷ്ടപ്പെട്ടില്ല.

വൈകാതെ രണ്ടുപേരും രണ്ട് വഴിക്ക് പിരിഞ്ഞു. റീന ഉപേക്ഷിച്ച് പോയതോടെ ശത്രുഘ്നൻ സിൻ‌ഹ​ പൂനത്തോടൊപ്പം കുടുംബ ജീവിതത്തിൽ ശ്രദ്ധ കൊടുത്തു. 2010ൽ ശത്രുഘ്നൻ സിൻഹയുടെ മകൾ സോനാക്ഷി സിൻഹ ദബാംഗ് എന്ന ചിത്രത്തിലൂടെ ബോളിവുഡിൽ അരങ്ങേറ്റം കുറിച്ചു.

സോനാക്ഷി ബി​ഗ് സക്രീനിൽ പ്രത്യക്ഷപ്പെട്ട് തുടങ്ങിയപ്പോൾ മുതൽ ഒരു ​ഗോസിപ്പും ബോളിവുഡിൽ പരക്കെ പ്രചരിക്കാൻ തുടങ്ങി. റീന റോയിയുമായി സോനാക്ഷിക്ക് വളരെ അ​ധികം സാമ്യമുണ്ടെന്നാണ് സിനിമാ പ്രേക്ഷകർ കണ്ടെത്തി പ്രചരിപ്പിച്ചത്.

സോനാക്ഷിയുടെ മുഖവും മുഖത്തെ പല ഭാവങ്ങളും റീന റോയിയെ ഓർമിപ്പിക്കുന്നുവെന്നും പ്രചാരം വന്നു. ഇതോടെ സോനാക്ഷി പൂനത്തിന്റെ മകളല്ല ശത്രുഘ്‌നൻ സിംഹയുടേയും റീന റോയിയുടേയും പ്രണയത്തിൽ പിറന്ന ജാര സന്തതിയാണെന്ന തരത്തിലും ബോളിവുഡിൽ സംസാരവും ചർച്ചയും വന്നു.

ഒരു പഴയ അഭിമുഖത്തിൽ സോനാക്ഷിയുമായുള്ള മുഖ സാദൃശ്യത്തെ കുറിച്ച് അവതാരകൻ ചോദിച്ചപ്പോൾ റീന നൽകിയ മറുപടിയും ആ ഇടയ്ക്ക് വൈറലായിരുന്നു.

ബോളിവുഡ് ഇത്തരം അടിസ്ഥാനരഹിതമായ കിംവദന്തികൾ കൊണ്ട് നിറഞ്ഞിരിക്കുന്നുവെന്നാണ് റീന റോയ് മറുപടി നൽ‌കിയത്. 'സോനാക്ഷി എന്നെപ്പോലെയല്ല. അവളുടെ അമ്മ പൂനം സിൻഹയെപ്പോലെയാണ്.'

'സഖ്തി എന്ന സിനിമയിൽ അഭിനയിക്കുമ്പോൾ ആശാ പരേഖിന്റെയും നാസിർ ഹുസൈന്റെയും മകൾ എന്നാണ് എന്നെ വിളിച്ചിരുന്നത്. സിനിമാ മേഖലയിൽ ഇതൊക്കെ ഇങ്ങനെ ചക്രം പോലെ തുടർന്ന് കൊണ്ടിരിക്കുകയാണ്. കുറച്ച് ദിവസങ്ങൾക്ക് ശേഷം ഇത് അവസാനിക്കും.'

റീന റോയി മാത്രമല്ല സോനാക്ഷി സിൻഹയും റീന റോയിയുമായി തനിക്ക് സാമ്യമുണ്ടെന്ന ആളുകളുടെ അഭിപ്രായം നിഷേധിച്ചു. ഒരു പ്രമുഖ മാധ്യമത്തിന് നൽകിയ അഭിമുഖത്തിൽ സോനാക്ഷി ഇതേ കുറിച്ച് തുറന്ന് പറഞ്ഞു. 'ഞാൻ എന്റെ അമ്മ പൂനം സിൻഹയെപ്പോലെയാണെന്ന് എനിക്ക് തോന്നുന്നു.'

അതേ അഭിമുഖത്തിൽ റീന റോയുമായുള്ള തന്റെ പിതാവിന്റെ ബന്ധത്തെക്കുറിച്ചും സോനാക്ഷി സംസാരിച്ചു. 'അത് അവരുടെ ഭൂതകാലമാണെന്നും അതിനായി അവരെ ക്രൂശിക്കില്ലെന്നും' സോനാക്ഷി വെളിപ്പെടുത്തിയിരുന്നു.