ശരീരം തുറന്ന് കാണിച്ചാല്‍ ഒന്നാമതാവുമോ? സെക്സ് സൈറൺ അല്ലേന്ന് ചോദിച്ചവർക്ക് ശ്രീദേവി നല്‍കിയ മറുപടി

വര്‍ഷങ്ങള്‍ക്ക് മുന്‍പ് നടന്ന സംഭവമാണ്. ശരീരം കൂടുതലായും പുറത്ത് കാണിക്കുന്നതിനെ കുറിച്ച് ചോദിച്ച് വന്ന റിപ്പോര്‍ട്ടര്‍ക്ക് മുഖത്തടിക്കുന്നത് പോലെയുള്ള മറുപടിയാണ് ശ്രീദേവി നല്‍കിയത്. 'മറ്റുള്ളവരെ അപേക്ഷിച്ച് ശരീരം കൂടുതല്‍ കാണിക്കുന്നവര്‍ ഒന്നാമതായിരിക്കുമെന്നാണോ', എന്ന് ശ്രീദേവി തിരിച്ച് ചോദിച്ചു. പിന്നാലെ ഹിന്ദി സിനിമയിലെ സെക്‌സ് സൈറണ്‍ എന്ന താങ്ങളുടെ പ്രതിഛായയെ കുറിച്ചുള്ള അഭിപ്രായമെന്താണെന്നും ചോദ്യം വന്നു.

'അതെനിക്ക് വളരെ മോശമായി തോന്നുന്നു. ഒരു സിനിമയില്‍ ഞാന്‍ എത്ര സുന്ദരിയാണെന്ന് ആളുകള്‍ വന്ന് എന്നോട് പറയുമ്പോള്‍ എനിക്കൊന്നും പ്രതികരിക്കാനില്ല. പക്ഷേ ഞാന്‍ നന്നായി അഭിനയിച്ചു എന്ന് ആളുകള്‍ പറയുമ്പോള്‍ അതിലെനിക്ക് അഭിമാനമാണ് തോന്നുന്നതെന്ന്', ശ്രീദേവി പറയുന്നു.

ഇനി അഥവ പലതും വെളിപ്പെടുത്തുന്നവര്‍ ഒന്നാമത് എത്തണം. സാരി ഉടുത്ത് വരുന്ന ഞാന്‍ സെക്‌സി ആണെന്ന് തോന്നുന്നത് എന്ത് കൊണ്ടാണ്. അങ്ങനെയെങ്കില്‍ പലതും വെളിപ്പെടുത്തി വരാറുള്ള പെണ്‍കുട്ടികളെ ഒന്നും നിങ്ങള്‍ ശ്രദ്ധിക്കുന്നില്ലേന്ന് ശ്രീദേവി ചോദിക്കുന്നു.

'എന്റെ ദൗര്‍ഭാഗ്യം ഹിന്ദിയിലെ ആദ്യ സിനിമയായ ഹിമ്മത്‌വാല വാണിജ്യമായി വലിയ വിജയം നേടിയതാണെന്ന് ശ്രീദേവി പറയുന്നു. സദ്മ എന്ന ചിത്രത്തില്‍ ക്യാരക്ടര്‍ റോള്‍ ചെയ്‌തെങ്കിലും ആ ചിത്രം പരാജയപ്പെട്ടു. അതുകൊണ്ട് ആളുകള്‍ എന്നെ ഗ്ലാമര്‍ വേഷങ്ങല്‍ ചെയ്യാന്‍ വേണ്ടി മാത്രം കാസ്റ്റ് ചെയ്ത് തുടങ്ങി. എന്നാല്‍ ഞാന്‍ അഭിനയിക്കാന്‍ കഴിയുന്ന ആളാണെന്ന് അവരെ എല്ലാവരെയും തെളിയിക്കാന്‍ പോവുകയാണ്. ഗ്ലാമറാണ് പ്രധാനമെന്നും അതില്‍ അശ്ലീലതയൊന്നുമില്ലെന്നും പിന്നീട് ഞാന്‍ മനസിലാക്കി.

ശരീര തുറന്ന് കാണിക്കുന്ന രംഗങ്ങള്‍ ചെയ്യുന്നതിനെ പറ്റി ഇപ്പോള്‍ ചോദിക്കാനേ പാടില്ലാത്ത കാര്യമാണ്. മേക്കപ്പ് ഇല്ലാതെയുള്ള ആര്‍ട്ട് സിനിമകള്‍ ചെയ്യാനും ഞാന്‍ ആഗ്രഹിക്കുന്നുണ്ട്. അതുപോലെ കരയുന്ന കഥാപാത്രങ്ങളും ചെയ്യാന്‍ ആഗ്രഹമുണ്ട്. ഇതുവരെ കലാകാരി എന്ന നിലയില്‍ എനിക്ക് തൃപ്തി ലഭിച്ചിട്ടില്ല. ചലോ എന്ന് പറയാന്‍ പറ്റുന്നൊരു വേഷം ഇതുവരെ ഞാന്‍ ചെയ്തിട്ടില്ലെന്നും ശ്രീദേവി', അന്ന് പറഞ്ഞു.

കുറേ കാലം സിനിമകളില്‍ നിന്നും മാറി നിന്നതിന് ശേഷം ശ്രീദേവി ഗംഭീര തിരിച്ച് വരവ് നടത്തി. അമ്മ വേഷത്തിലും അഭിനയ പ്രധാന്യമുള്ള റോളുകളിലുമൊക്കെ നടി അഭിനയിച്ച് തുടങ്ങി. അങ്ങനെ വീണ്ടും മുന്‍നിരയിലേക്ക് ഉയര്‍ന്ന് വരുന്നതിനിടയിലാണ് അപ്രതീക്ഷിതമായിട്ടുള്ള വേര്‍പാടുണ്ടാവുന്നത്. ഒരു കല്യാണത്തിന് ദുബായിലേക്ക് പോയ ശ്രീദേവിയെ ഹോട്ടല്‍ മുറിയില്‍ മരിച്ച നിലയില്‍ കണ്ടെത്തുകയായിരുന്നു.