Don't Miss!
- News കരിമ്പത്ത് ഒന്നേകാല് കിലോ കഞ്ചാവുമായി യുവതിയും യുവാവും അറസ്റ്റില്
- Lifestyle നിലവിളക്ക് തെളിയിക്കുന്നതിന് മുമ്പായി നിര്ബന്ധമായും ചെയ്യേണ്ട കാര്യങ്ങള്
- Sports IPL 2024: രാഹുല് 'ഷോ', സഞ്ജുവും റിഷഭും ഭയക്കണം! ലോകകപ്പില് രോഹിത്തിനൊപ്പം ഓപ്പണറോ?
- Automobiles മുങ്ങിത്താഴ്ന്ന ഥാറിനെ രക്ഷപ്പെടുത്തി മറ്റൊരു ഥാർ, ഞെട്ടിക്കുന്ന വൈറൽ വീഡിയോ കണ്ടോ
- Finance ദിവസവും 233 രൂപ മാറ്റിവയ്ക്കാമോ, 12 ലക്ഷം രൂപ കയ്യിലെത്തും, ഇതാണ് പോസ്റ്റ് ഓഫീസ് പദ്ധതി
- Travel കൊട്ടിയൂർ വൈശാഖോത്സവം 2024: ദർശനം പോലും പുണ്യം! അറിയാം പ്രധാന തിയതികളും വിശേഷ ദിവസങ്ങളും
- Technology വാങ്ങാൻ ഒരു നിമിഷം പോലും പാഴാക്കരുത്, മോട്ടറോളയുടെ ജീനിയസ് സ്മാർട്ട്ഫോണിന് 5000 രൂപ ഡിസ്കൗണ്ട്!
കുടുംബം വിട്ട് പോയ പിതാവ് മുഹമ്മദ് കൈഫ്; ഏഴ് സഹോദരങ്ങളും കത്രീനയും അമ്മയ്ക്കൊപ്പം
ബോളിവുഡിൽ ഇന്ന് ഏറ്റവും താരമൂല്യമുള്ള നായിക നടിയാണ് കത്രീന കൈഫ്. 2003 ൽ അഭിനയ രംഗത്തെത്തിയ കത്രീന പെട്ടന്ന് തന്നെ ബോളിവുഡിലെ സൂപ്പർ ഹിറ്റ് നായികയായി മാറി. കൊമേഷ്യൽ സിനിമകളിൽ നായികയായെത്തുന്ന കത്രീന മികച്ച ഡാൻസറും ആക്ഷൻ ഇഷ്ടപ്പെടുന്ന താരവുമാണ്. ഫിറ്റ്നസിൽ വലിയ ശ്രദ്ധ കൊടുക്കുന്ന നടിയെ ഫിറ്റ്നസ് ഐക്കൺ ആയാണ് ബി ടൗൺ കാണുന്നത്.
അടുത്തിടെയാണ് തന്റെ 39ാം പിറന്നാൾ കത്രീന ആഘോഷിച്ചത്. ഭർത്താവ് വിക്കി കൗശലിനും സുഹൃത്തുക്കൾക്കും സഹോദരങ്ങൾക്കുമൊപ്പം മാലിദ്വീപിൽ വെച്ചായിരുന്നു ആഘോഷം. കഴിഞ്ഞ വർഷം ഡിസംബറിലാണ് കത്രീന കൈഫും നടൻ വിക്കി കൗശലും വിവാഹിതരായത്. രാജസ്ഥാനിൽ വെച്ചായിരുന്നു വിവാഹം. അടുത്ത ബന്ധുക്കളും സുഹൃത്തുക്കളും മാത്രമായിരുന്നു വിവാഹത്തിൽ പങ്കെടുത്തത്. എന്നാൽ കത്രീനയുടെ പിതാവ് മുഹമ്മദ് കൈഫ് വിവാഹത്തിന് എത്തിയിരുന്നില്ലത്രെ. ഇതന്ന് വലിയ ചോദ്യമായി ഉയരുകയും ചെയ്തു.
അവൾ വഞ്ചിക്കുകയാണ്; പ്രിയങ്കയെ പറ്റി ഷാഹിദിനോട് തുറന്നു പറഞ്ഞയാൾ; തകർന്ന് പോയ ഷാഹിദ്
കത്രീനയ്ക്ക് തന്റെ പിതാവുമായി വർഷങ്ങളായി ബന്ധമില്ല. കത്രീന വളരെ ചെറുതായിരിക്കുമ്പോൾ തന്നെ മാതാപിതാക്കൾ വേർപിരിഞ്ഞിരുന്നു. അമ്മ സൂസന്ന ടർക്കോട്ട് ആണ് കത്രീനയെ വളർത്തിയത്. കത്രീനയുൾപ്പെടെ എട്ട് മക്കളാണ് ഇവർക്കുള്ളത്. കശ്മീർ വംശജനാണ് കത്രീനയുടെ പിതാവ് മുഹമ്മദ് കൈഫ്.
യുകെയിൽ ബിസിനസ് നടത്തിയിരുന്ന ഇദ്ദേഹം പിന്നീട് യുഎസിലേക്ക് മാറി. അമ്മയുടെ സാന്നിധ്യത്തിലാണ് കത്രീന വളർന്നതും പഠിച്ചതും. കത്രീന ടർക്കോട്ട് എന്നായിരുന്നു നടിയുടെ മുഴുവൻ പേര്. പിന്നീട് സിനിമാ മേഖലയിലെത്തിയപ്പോൾ പിതാവിന്റെ പേര് ഒപ്പം ചേർത്ത് കത്രീന കൈഫ് എന്നാക്കുകയായിരുന്നു.
പിതാവിന്റെ അസാന്നിധ്യത്തെ പറ്റി കത്രീന മുമ്പ് പല അഭിമുഖങ്ങളിലും തുറന്നു പറഞ്ഞിട്ടുണ്ട്. 'ഞങ്ങളുടെ ചെറുപ്പകാലത്ത് മതപരമായ കാര്യത്തിലോ സാമൂഹിക കാര്യത്തിലോ പിതാവിന്റെ ഒരു സ്വാധീനവും ഉണ്ടായിരുന്നില്ല. സുഹൃത്തുക്കളുടെ കുടുംബത്തിന്റെ തൂണായി നിൽക്കുന്ന പിതാക്കൻമാരെ കാണുമ്പോൾ എനിക്കും ഉണ്ടായിരുന്നെങ്കിൽ എന്ന് തോന്നിയിട്ടുണ്ട്. പക്ഷെ പരാതിപ്പെടുന്നതിന് പകരം എനിക്ക് ലഭിച്ച മറ്റ് കാര്യങ്ങളിൽ നന്ദി പറയണം,' കത്രീന പറഞ്ഞതിങ്ങനെ.
പിതാവിന് പകരം കത്രീനയുടെ അമ്മയാണ് നടിയെ വിവാഹത്തിന് മണ്ഡപത്തിലേക്ക് കയറ്റിയതത്രെ. ബ്രിട്ടീഷുകാരിയാണ് കത്രീനയുടെ അമ്മ. ആറ് സഹോദരിമാരും ഒരു സഹോദരനുമാണ് കത്രീനയ്ക്കുള്ളത്. തന്റെ 14ാം വയസ്സിലാണ് കത്രീന മോഡലിംഗിലെത്തുന്നത്. 2003 ൽ ബൂം എന്ന ചിത്രത്തിലൂടെ ആയിരുന്നു കത്രീന ബോളിവുഡിലെത്തിയത്. ഇന്റിമേറ്റ് സീനുകൾ മൂലം ചിത്രം അന്ന് ഏറെ വിവാദം ഉണ്ടാക്കിയിരുന്നു. ചിത്രത്തിലെ കത്രീനയുടെ ദൃശ്യങ്ങൾ പ്രചരിച്ചത് വിവാദമായിരുന്നു.
സിനിമയെക്കുറിച്ച് അറിയാത്ത കാലത്ത് ഇത്തരമൊരു സിനിമയിൽ അഭിനയിക്കേണ്ടി വരികയായിരുന്നെന്നാണ് കത്രീന നേരത്തെ പറഞ്ഞിട്ടുള്ളത്. എന്നാൽ പിന്നീട് ബോളിവുഡിലെ മുൻനിര നായികയായി കത്രീന വളർന്നു. ജബ് തക് ഹേ ജാൻ, ധൂം 3, ഏക് ഥാ ടൈഗർ തുടങ്ങി നിരവധി ഹിറ്റ് സിനിമകളിൽ കത്രീന നായികയായി.
-
'ഇതാര് ഹാപ്പി ഹസ്ബെന്റ്സിലെ സലീം കുമാറോ അതോ താരദാസോ, ലക്ഷ്മിയെ മിഥുൻ പ്രണയിച്ചതിൽ അത്ഭുതപ്പെടാനില്ല'
-
ചെയ്യാവുന്നതൊക്കെ ചെയ്തിട്ടുണ്ടെന്ന് ഡോക്ടര് പറഞ്ഞു; അവസാനം ആ ശീലവും നിര്ത്തി; സലിം കുമാര്
-
ആദ്യമായി എയര്പോര്ട്ടില് 'ശ്രീനിവാസന്റെ മകനെ' കണ്ടു, പരിചയപ്പെട്ടു; വിനീതിനെക്കുറിച്ച് ഷാന്