ഐറ്റം നമ്പര്‍ വിലകുറഞ്ഞ ഏര്‍പ്പാട്: അസിന്‍

ഐറ്റം നമ്പര്‍ ചെയ്യുന്നതിനോട് മലയാളി സുന്ദരി അസിന്‍ തോട്ടുങ്കലിന് തെല്ലും താത്പര്യമില്ല. ബോളിവുഡ് സുന്ദരികളായ കത്രീന കൈഫ്്, കരീന കപൂര്‍ എന്നിവരൊക്കെ ഐറ്റം നമ്പറിലൂടെ കോടികള്‍ വാരുമ്പോഴും അസിന് അതിനോടൊന്നും താത്പര്യമില്ല. ഐറ്റം എന്ന വാക്കു തന്നെ വിലകുറച്ച് കാണുന്ന ഒന്നാണ്. ഐറ്റം നമ്പര്‍ ഉണ്ടെങ്കിലേ ഒരു സിനിമ പൂര്‍ണ്ണമാവൂ എന്ന ധാരണ തനിക്കില്ലെന്നും നടി പറയുന്നു.

ഇതുവരെ ഐറ്റം നമ്പര്‍ ചെയ്യണമെന്ന് ആവശ്യപ്പെട്ട് ആരും തന്നെ സമീപിച്ചിട്ടില്ല. സിനിമ എന്നു പറയുമ്പോള്‍ പ്രേക്ഷകര്‍ക്ക് ആസ്വദിക്കാവുന്ന തരത്തിലുള്ളതാവണം. പ്രേക്ഷകരെ തൃപതിപ്പെടുത്തുന്ന രീതിയിലുള്ള സിനിമകളാണ് ആവശ്യം. അല്ലാതെ വിമര്‍ശകരെ തൃപ്തിപ്പെടുത്താന്‍ വേണ്ടി സിനിമയെടുക്കുന്നതിനോട് തനിക്ക് യോജിപ്പില്ലെന്നും അസിന്‍ വ്യക്തമാക്കി.

മോഹിത് ഷെട്ടിയുടെ ബോല്‍ ബച്ചനാണ് അസിന്റെ പുതിയ ചിത്രം. അജയ് ദേവ്ഗണും അഭിഷേക് ബച്ചനും നായകന്‍മാരായ ചിത്രത്തില്‍ അസിന് വളരെ പ്രാധ്യാന്യമുള്ളൊരു വേഷമാണ് ലഭിച്ചിരിക്കുന്നതെന്ന് റിപ്പോര്‍ട്ടുണ്ട്.

ആദ്യ പേജില്‍