സാക്ഷി മാലിക്കായി അഭിനയിക്കാന്‍ താത്പര്യമുണ്ടെന്ന് നടി!!

സോനാക്ഷി സിന്‍ഹ

മുന്‍ ബോളിവുഡ് താരം ശത്രുഘ്‌നന്‍ സിന്‍ഹയുടെയും പൂനത്തിന്റെയും മകളായ സോനാക്ഷി സിന്‍ഹ ഇന്ന് ബോളിവുഡിലെ തിരക്കേറിയ നടിമാരിലൊരാളാണ്. ദബാംഗ് ,റൗഡ് റാത്തോര്‍, തേവര്‍ തുടങ്ങിയ ചിത്രങ്ങളിലെല്ലാം സോനാക്ഷി മുഖ്യ വേഷത്തിലെത്തിയിരുന്നു. ഒടുവില്‍ പുറത്തിറങ്ങിയ ആക്ഷന്‍ ചിത്രം അകിരയും ബോക്‌സ് ഓഫീസില്‍ ഹിറ്റായിരുന്നു.

സാക്ഷിയെ കുറിച്ചു പറഞ്ഞത്

സാക്ഷി മാലിക്കിനെ കുറിച്ച് ഏതു സംവിധായകന്‍ സിനിമയെടുക്കുകയാണെങ്കിലും മുഖ്യറോളില്‍ അഭിനയിക്കാന്‍ താന്‍ തയ്യാറാണെന്നാണ് സോനാക്ഷി പറയുന്നത്.

സാക്ഷിയുടെ സമ്മതം

തന്നെ കുറിച്ചുള്ള ചിത്രം ചെയ്യാന്‍ സാക്ഷി സമ്മതിച്ചതായും താന്‍ കരുത്തുള്ള പെണ്‍കുട്ടിയാണെന്ന് സാക്ഷി പറഞ്ഞതായും സോനാക്ഷി പറയുന്നു.

മറ്റു കായിക ഇനങ്ങളും ശ്രദ്ധിക്കപ്പെടുന്നു

ക്രിക്കറ്റിനു മാത്രമാണ് ഇന്ത്യയില്‍ പ്രാധാന്യം ലഭിച്ചിരുന്നതെന്നും എന്നാലിപ്പോള്‍ കബഡി ,ബാഡ്മിന്റണ്‍ ,ഗുസ്തി തുടങ്ങിയവയ്ക്കെല്ലാം ശ്രദ്ധ ലഭിക്കുന്നുണ്ടെന്നും താരം പറയുന്നു.