അക്‌സര്‍ 2 നായികയുടെ ശരീരത്തില്‍ കടന്ന് പിടിച്ച് ആരാധകര്‍, കണ്ണടച്ച് അണിയറ പ്രവര്‍ത്തകരും!

പ്രചരണ പരിപാടിക്കിടെ

അക്‌സര്‍ 2ന്റെ പ്രചരണത്തിന് വേണ്ടി ദില്ലിയില്‍ സംഘടിപ്പിച്ച ചടങ്ങിലായിരുന്നു സറീന്‍ ഖാന് നേരെ അതിക്രമം നടന്നത്. ആള്‍ക്കൂട്ടത്തില്‍ പെട്ട് പോയ നടിയെ രക്ഷിക്കാന്‍ ചിത്രത്തിന്റെ അണിയറ പ്രവര്‍ത്തകരും ശ്രമിച്ചില്ല. ഒരുപാട് സ്ഥലത്തെ പ്രചരണ പരിപാടിക്ക് ശേഷമായിരുന്നു ദില്ലിയിലെത്തിയത്.

പറഞ്ഞത് പോലെ ചെയ്തില്ല

പതിനഞ്ച് മിനിറ്റ് നേരത്തെ പരിപാടിയെ ഉള്ളൂ എന്നായിരുന്നു അണിയറ പ്രവര്‍ത്തകര്‍ സറീന്‍ ഖാനോട് പറഞ്ഞത്. എന്നാല്‍ പ്രേക്ഷകരുമായുള്ള ഒത്ത് ചേരലിന് ശേഷം അണിയറ പ്രവര്‍ത്തകര്‍ അത്താഴത്തിന് ഇരുന്നു. അത്താഴത്തില്‍ പങ്കെടാതെ മടങ്ങാനായിരുന്നു താരത്തിന്റെ തീരുമാനം. നടിക്ക് അംഗരക്ഷകരേയും ഒരുക്കിയിരുന്നില്ല.

ആള്‍ക്കൂട്ടം വളഞ്ഞു

തിരികെ പോകാന്‍ ഒരുങ്ങിയ നടിയെ ആള്‍ക്കൂട്ടം വളഞ്ഞു. സെല്‍ഫിയുടേയും ഫോട്ടോ എടുക്കലിന്റേയും തിരിക്കായിരുന്നു. താരം എതിര്‍പ്പ് പ്രകടപ്പിച്ചെങ്കിലും ഫലമുണ്ടായില്ല. ബഹളത്തിനിടെ ചിലര്‍ അതിക്രമത്തിന് മുതിര്‍ന്നതോടെ നടി ശരിക്കും ഭയന്നു.

കഷ്ടിച്ച് രക്ഷപെട്ടു

അത്രയും ബഹളം നടന്നിട്ടും അണിയറ പ്രവര്‍ത്തകരാരും നടിയുടെ രക്ഷക്കെത്തിയില്ല. ഒടുവില്‍ കഷ്ടിച്ചാണ് താരം ആള്‍ക്കൂട്ടത്തില്‍ നിന്നും രക്ഷപെട്ടത്. രാത്രി വൈകിയെങ്കിലും ദില്ലിയില്‍ നിന്നും വിമാനത്തില്‍ സെറീന്‍ മുംബൈയ്ക്ക് തിരിച്ചു.

പെരുമാറ്റത്തില്‍ വിഷമമുണ്ട്

ചടങ്ങില്‍ താന്‍ വളരെ അസ്വസ്ഥനായിരുന്നു എന്ന് സെറീന്‍ പിന്നീട് വെളിപ്പെടുത്തി. തന്നോടുള്ള അണിയറ പ്രവര്‍ത്തകരുടെ പെരുമാറ്റത്തിലും വിഷമമുണ്ട് ഒരു ഓണ്‍ലൈന്‍ മാധ്യമത്തോട് സെറീന്‍ ഖാന്‍ പറഞ്ഞു.

ഇറോട്ടിക് ത്രില്ലര്‍

ഇറോട്ടിക് ത്രില്ലര്‍ വിഭാഗത്തില്‍ പെടുന്ന ചിത്രമാണ് അക്‌സര്‍ 2. ഗൗതം റോഡും അഭിനവ് ശുക്ലയുമാണ് സെറീന്‍ ഖാനൊപ്പം ചിത്രത്തിലെ പ്രധാന കഥാപാത്രങ്ങളെ അവതരിപ്പിക്കുന്നത്. ആദ്യ ഭാഗത്തില്‍ ഇമ്രാന്‍ ഹാഷ്മി, ദിനോ മോറിയ, ഉദിത ഗോസ്വാമി എന്നിവരായിരുന്നു താരങ്ങള്‍.