ശ്രീനി സഹപ്രവര്‍ത്തകരെ മോശക്കാരാക്കുന്നു: രവി

പത്മശ്രീ ഭരത് ഡോക്ടര്‍ സരോജ് കുമാര്‍-പേരു പോലെ തന്നെ വലുതാണ് സിനിമയെ ചുറ്റി പറ്റി ഉയര്‍ന്നിരിയ്ക്കുന്ന വിവാദങ്ങളും. മലയാള സിനിമയിലെ താര രാജക്കാന്‍മാരെ കണക്കിന് കളിയാക്കുന്നതാണ് ചിത്രത്തിലെ പലരംഗങ്ങളുമെന്ന ആരോപണം ശക്തമായി കഴിഞ്ഞു.

എന്നാല്‍ വിഷയത്തില്‍ മോഹന്‍ലാല്‍ മൗനം പാലിയ്ക്കുകയാണ്. എന്നാല്‍ ലാല്‍ ചിത്രങ്ങളുടെ സംവിധായകനായി പ്രശസ്തി നേടിയ മേജര്‍ രവി താരത്തിന് പൂര്‍ണ്ണ പിന്തുണ പ്രഖ്യാപിച്ചിരിയ്ക്കുകയാണ്.

ഈ ചിത്രത്തിലൂടെ ശ്രീനി കൂടെ അഭിനയിക്കുന്നവരെ കരിവാരിത്തേയ്ക്കാനാണ് ശ്രമിച്ചിരിയ്ക്കുന്നതെന്ന് രവി ആരോപിച്ചു. ശ്രീനിയുടെ ഈ പ്രവൃത്തി വളരെ മോശമായിപ്പോയി എന്നും സംവിധായകന്‍.

എന്നാല്‍ ആരേയും മോശക്കാരാക്കാന്‍ ഉദ്ദേശിച്ചല്ല ഈ ചിത്രം എടുത്തതെന്ന നിലപാടിലാണ് ശ്രീനി. ആരോപണമുയര്‍ന്നതിനെ തുടര്‍ന്ന് തന്റെ ഭാഗം ന്യായീകരിച്ചു കൊണ്ട് ശ്രീനി രംഗത്തെത്തിയിരുന്നു.

ആദ്യ പേജില്‍
സരോജിനെ തന്ത്രപരമായി നേരിടാന്‍ ലാല്‍