കഴിഞ്ഞ അഞ്ച് വര്‍ഷത്തിനിടെ മമ്മൂട്ടി നേടിയ അഞ്ച് ബോക്‌സോഫീസ് ഹിറ്റ് ചിത്രങ്ങള്‍

ഇമ്മാനുവല്‍

തുടര്‍ച്ചയായുള്ള പരാജയങ്ങള്‍ക്ക് ശേഷം മമ്മൂട്ടിയ്ക്ക് ലഭിച്ച ഒരു ഹിറ്റായിരുന്നു 2013 ല്‍ റിലീസ് ചെയ്ത ഇമ്മാനുവല്‍. ലാല്‍ ജോസ് സംവിധാനം ചെയ്ത ചിത്രം കേരളത്തില്‍ നിന്ന് മാത്രം എട്ട് കോടി കലക്ഷന്‍ നേടി

രാജാധിരാജ

അജയ് വാസുദേവന്‍ സംവിധാനം ചെയ്ത മാസ് എന്റര്‍ടൈന്‍മെന്റാണ് രാജാധിരാജ. വീണ്ടുമൊരു അധോലോക നായകനായി മമ്മൂട്ടി വേഷമിട്ടപ്പോള്‍ പ്രേക്ഷകര്‍ക്ക് ആവേശമായി. 2014 ല്‍ റിലീസ് ചെയ്ത ചിത്രം 10 കോടിക്കടുത്ത് കലക്ഷന്‍ നേടി എന്നാണ് റിപ്പോര്‍ട്ട്

കസബ

ബോക്‌സോഫീസില്‍ മികച്ച തുടക്കം കുറിച്ച ചിത്രമാണ് ഈ വര്‍ഷം റിലീസ് ചെയ്ത കസബ. സമ്മിശ്ര പ്രതികരണങ്ങള്‍ക്കിടയിലും കസബ 15 കോടി ഗ്രോസ് കലക്ഷന്‍ നേടി. ദുല്‍ഖര്‍ സല്‍മാന്‍ നായകനായ കലി എന്ന ചിത്രത്തിന്റെ ആദ്യ ദിവസത്തെ കലക്ഷന്‍ കസബ പൊട്ടിച്ചു.

പത്തേമാരി

2015 ല്‍ സലിം അഹമ്മദ് സംവിധാനം ചെയ്ത് പുറത്തിറങ്ങിയ പത്തേമാരി നിരൂപക പ്രശംസയും സാമ്പത്തിക ലാഭവും നേടി. പതിനഞ്ച് കോടിക്കടുത്താണ് പത്തേമാരിയുടെ ഗ്രോസ് കലക്ഷന്‍

ഭാസ്‌കര്‍ ദ റാസ്‌ക്കല്‍

മമ്മൂട്ടിയുടെ കരിയറില്‍ ഏറ്റവും കൂടുതല്‍ കലക്ഷന്‍ നോടിയ ചിത്രങ്ങളിലൊന്നാണ് ഭാസ്‌കര്‍ ദ റാസ്‌ക്കല്‍. സിദ്ധിക് - മമ്മൂട്ടി കോമ്പിനേഷനില്‍ വീണ്ടുമൊരു ചിത്രം എത്തിയപ്പോള്‍ അത് ഏറ്റവും കൂടുതല്‍ ആകര്‍ഷിച്ചത് കുടുംബ പ്രേക്ഷകരെയാണ്. 25 കോടിക്കടുത്ത് ഗ്രോസ് കലക്ഷന്‍ ചിത്രം നേടി.