സൂപ്പര്‍സ്റ്റാറുകളെ രണ്ടായി സ്‌ക്രീനില്‍ കണ്ടപ്പോള്‍ പ്രേക്ഷകര്‍ അത്ഭുതപ്പെട്ടു, ഏറ്റവും മികച്ചത്

അച്ഛനും മകനും

അച്ഛന്റെയും മകന്റെയും വേഷത്തിലാണ് മമ്മൂട്ടി ചിത്രത്തില്‍ എത്തുന്നത്. ഒരിടവേളയെടുത്ത് മമ്മൂട്ടി ഇരട്ട വേഷത്തില്‍ എത്തിയ ചിത്രം സംവിധാനം ചെയ്തത് വിനയനാണ്. 2000ത്തിലാണ് ചിത്രം തിയേറ്ററുകളില്‍ എത്തിയത്. ചിത്രത്തിലെ അഭിനയത്തിന് ഒട്ടേറെ പുരസ്‌കാരങ്ങളും മമ്മൂട്ടി സ്വന്തമാക്കിയിട്ടുണ്ട്.

നീലകണ്ഠനും കാര്‍ത്തികേയനും

രഞ്ജിത്തിന്റെ സംവിധാനത്തില്‍ 2001 ല്‍ പുറത്തിറങ്ങിയ ചിത്രമാണ് രാവണപ്രഭു. 1993-ല്‍ പുറത്തിറങ്ങിയ ദേവാസുരത്തിന്റെ രണ്ടാം ഭാഗമായിരുന്നു ചിത്രം. അച്ഛന്റെയും മകന്റെയും വേഷമാണ് മോഹന്‍ലാല്‍ അവതരിപ്പിച്ചത്. ചിത്രത്തിലെ മോഹന്‍ലാലിന്റെ അഭിനയത്തിന് മികച്ച അഭിപ്രായമായിരുന്നു.

കുഞ്ഞിക്കൂനനായി ദിലീപ്

ശശി ശങ്കര്‍ സംവിധാനം ചെയ്ത കുഞ്ഞിക്കൂനനിലെ ദിലീപിന്റെ ഇരട്ട വേഷം ഏറെ പ്രശംസ പിടിച്ച് പറ്റിയതാണ്. കുഞ്ഞന്‍, കാര്‍ത്തിക് എന്നീ രണ്ട് കഥാപാത്രങ്ങളെയാണ് ദിലീപ് അവതരിപ്പിച്ചത്.

പാലേരിമാണിക്യം

മമ്മൂട്ടി ഇരട്ട വേഷത്തിലല്ല, മമ്മൂട്ടി മൂന്ന് വ്യത്യസ്ത വേഷത്തില്‍ എത്തിയ ചിത്രമായിരുന്നു പാലേരി മാണിക്യം. 2009-ല്‍ പുറത്തിറങ്ങിയ ചിത്രം സംവിധാനം ചെയ്തത് രഞ്ജിത്താണ്.

പരമ്പര

1990 ല്‍ മമ്മൂട്ടിയെ കേന്ദ്ര കഥാപാത്രമാക്കി സിബി മലയില്‍ സംവിധാനം ചെയ്ത ചിത്രമാണ് പരമ്പര. ആദ്യമായി മമ്മൂട്ടി ഇരട്ട വേഷത്തില്‍ എത്തിയ ചിത്രം കൂടിയാണിത്.

രഞ്ജിത്തിന്റെ തിരക്കഥയില്‍

നരേന്ദ്രന്‍, കൃഷ്ണന്‍ ഉണ്ണി എന്നീ വേഷങ്ങളാണ് മോഹന്‍ലാല്‍ അവതരിപ്പിച്ചത്. രഞ്ജിത്തിന്റെ തിരക്കഥയില്‍ സിബി മലയിലാണ് ചിത്രം സംവിധാനം ചെയ്തത്.