ക്യാമറകണ്ണുകളിൽ നിന്നും ഒളിപ്പിച്ച് പിടിച്ച ആര്യയുടെ കുഞ്ഞ് ഇതാണോ?, പിറന്നാൾ ദിനത്തിൽ വൈറലായി കുടുംബചിത്രം!

വിഷ്‌ണുവർധന്റെ അറിന്തും അറിയാമലുമാണ് ആര്യയുടേതായി പുറത്തിറങ്ങിയ ആദ്യ ചിത്രം. ഈ ചിത്രത്തിലെ കുട്ടി എന്ന കഥാപാത്രത്തെ അവതരിപ്പിച്ചതിന് മികച്ച പുതുമുഖ നടനുള്ള ഫിലിംഫെയർ പുരസ്‌കാരം ആര്യയ്ക്ക് ലഭിച്ചരുന്നു.

ആര്യയെ സ്നേഹിക്കുന്നവർക്ക് എക്കാലവും പ്രിയപ്പെട്ട രണ്ട് സിനിമകളാണ് നാൻ കടവുൾ, മദ്രാസിപട്ടണം എന്നീ ചിത്രങ്ങൾ. നാൽപത്തിരണ്ടുകാരനായ ആര്യ പതിനേഴ് വർഷമായി സിനിമയിലുണ്ട്.

മൂന്ന് വർഷം മുമ്പാണ് ആര്യ തനിക്കൊപ്പം നിരവധി സിനിമകളിൽ അഭിനയിച്ചിട്ടുള്ള നടി സയേഷയെ വിവാഹം ചെയ്തത്. ഇരുവരുടേതും പ്രണയ വിവാഹമായിരുന്നു. എന്നാൽ‌ വിവാഹത്തിന് മുമ്പ് എങ്ക വീട്ട് മാപ്പിളെ എന്നൊരു റിയാലിറ്റി ഷോ നടത്തി. വിവാദങ്ങളിൽ ആര്യ ഉൾപ്പെട്ടിരുന്നു. തെരഞ്ഞെടുത്ത ചില പെൺകുട്ടികളെ കൂടി പങ്കെടുപ്പിച്ചാണ് ആര്യയ്ക്ക് വധുവിനെ തേടുന്ന എങ്ക വീട്ട് മാപ്പിളൈ റിയാലിറ്റി ഷോ നടത്തിയത്.

ഷോയിൽ പങ്കെടുത്ത പെൺകുട്ടികളിൽ നിന്നും തനിക്ക് ഇഷ്ടപ്പെടുന്നതും മനസിന് ഇണങ്ങിയതുമായി ഒരു പെൺകുട്ടിയെ കണ്ടെത്തി ‌വിവാഹം ചെയ്യുമെന്നാണ് ആര്യ തുടക്കത്തിൽ പറഞ്ഞിരുന്നത്.

എന്നാൽ ഷോ ഫിനാലെ വരെ എത്തിയപ്പോഴേക്കും തനിക്ക് യോജിച്ച ആരേയും കണ്ടെത്താൻ സാധിച്ചില്ലെന്നാണ് ആര്യ അറിയിച്ചത്. സംഭവം പിന്നീട് വലിയ വിവാദമാകുകയും കുറെ പെൺകുട്ടികളെ വിളിച്ച് വരുത്തി ആര്യ പറഞ്ഞ് പറ്റിച്ചുവെന്ന തരത്തിലേക്ക് കാര്യങ്ങൾ പോവുകയും ചെയ്തു.

ആ വിവാദങ്ങളെല്ലാം ഒന്ന് കെട്ടടങ്ങിയ ശേഷമാണ് ആര്യ സയേഷയുമായി പ്രണയത്തിലായതും വിവാഹം ചെയ്തത്. സയേഷയിൽ ആര്യയ്ക്ക് ഒരു മകളുണ്ട്. കഴിഞ്ഞ വർഷമാണ് ഇരുവർക്കും പെൺകുഞ്ഞ് പിറന്നത്. അരിയാന എന്നാണ് ഇരുവരും മകൾക്ക് പേരിട്ടത്.

കു‍ഞ്ഞ് ജനിച്ച് രണ്ട് വർഷത്തോട് അടുത്തിട്ടും കുഞ്ഞിന്റെ ഒരു ചിത്രം പോലും താര ദമ്പതികൾ പുറത്തുവിട്ടിട്ടില്ല. ഇപ്പോഴിത ഇരുവരും മകൾ‌ക്കൊപ്പം നിൽക്കുന്ന ഒരു ചിത്രമാണ് സോഷ്യൽമീഡിയയിൽ വൈറലാകുന്നത്.

ചിത്രങ്ങൾ വൈറലായതോടെ ഇരുവരുടേയും ഒപ്പം നിൽക്കുന്നത് ദമ്പതികളുടെ മകൾ തന്നെയായിരിക്കും എന്നാണ് ആരാധകരുടേയും നിരീക്ഷണം. കാരണം ഭാര്യ സയേഷയുടെ മുഖച്ഛായയാണ് കുഞ്ഞിന് കൂടുതലായും ഉള്ളത്. കുട്ടി സയേഷയെ കണ്ടപോലെ തോന്നുന്നുവെന്നാണ് ആരാധകരിൽ ചിലർ കുറിച്ചത്. ‍

സാർപ്പട്ട പരമ്പരയാണ് ആര്യയുടേതായി റിലീസ് ചെയ്ത് ഏറ്റവും അവസാനം ഹിറ്റായ സിനിമ. അതിന് ശേഷം തിയേറ്ററുകളിലെത്തിയ ക്യാപ്റ്റൻ പരാജയമായിരുന്നു. ചിത്രത്തിൽ ഐശ്വര്യ ലക്ഷ്മിയായിരുന്നു നായിക.

ചിത്രത്തിൽ സിമ്രാനും ഒരു പ്രധാന കഥാപാത്രത്തെ അവതരിപ്പിച്ചിരുന്നു. മകൾ ജനിച്ച ശേഷം സയേഷ അഭിനയത്തിൽ നിന്നും വിട്ടുനിൽക്കുകയാണ്. നടിയും മോഡലുമായ സയേഷയും ആര്യയും തമ്മിൽ പതിനാറ് വയസിന്റെ പ്രായ വ്യത്യാസമുണ്ട്.