നമിതയ്ക്ക് അത് കുഞ്ഞ് സന്തോഷമല്ല... വലുത് തന്നെ! സ്വപ്നം സഫലമായതിനെ കുറിച്ച് നടി

നിമിത ഇൻസ്റ്റഗ്രാമിൽ പോസ്റ്റ് ചെയ്ത ചിത്രത്തിലൂടെയാണ് താരത്തിന്റ പുതിയ സന്തോഷം പ്രേക്ഷകരിലേയ്ക്ക് എത്തിയത്. ഒത്തിരി സ്നേഹവും സ്വപ്നവും സാമാധനവും ഓർമകളുമൊക്കെ നിറഞ്ഞ ഒരു കുഞ്ഞ് സന്തോഷം. കുറച്ച് തട്ടിപ്പും കുറെ സ്നേഹവും! ഞങ്ങൾ പുതിയ വീട്ടിലേയ്ക്ക് മാറി.നിങ്ങളുടെ പ്രാർത്ഥനകളിൽ ഒപ്പം ഓർക്കണം.... എന്ന കുറിപ്പോടെ നടി പുതിയ വീട്ടിലെ ചിത്രങ്ങൾ ഇൻസ്റ്റഗ്രാമിൽ പങ്കുവെയ്ക്കുകയായിരുന്നു. നടിക്കും കുടുംബാംഗങ്ങൾക്കും എല്ലാവിധ ആശംസകളുമായി ആരാധകരും സഹപ്രവർത്തകരും രംഗത്തെത്തുകയായിരുന്നു. പുതിയ വീട്ടിലെ അടുക്കളയിൽ നിന്നുള്ള ചിത്രവും സ്വീകരണ മുറിയിൽ നിന്നുളള ചിത്രങ്ങളുമായിരുന്നു നമിത അന്ന് പങ്കുവെച്ചത്. ഇപ്പോഴിത വീട് എന്ന സ്വപ്നത്തെ കുറിച്ച് താരം മനോരമയോട് പറഞ്ഞു.

Recommended Video

Mammootty's favourite food | FilmiBeat Malayalam

ഏകദേശം ഒരു വർഷം മുൻപാണ് കൊച്ചി ജഡ്ജസ് അവന്യുവിൽ ഒരു ഫ്ലാറ്റ് വാങ്ങിയത്. വീടിന്റെ മുക്കും മൂലയും എങ്ങനെ ആയിരിക്കണമെന്ന് ഞങ്ങൾക്ക് ഫാൻ ഉണ്ടായിരുന്നു. അതുകൊണ്ട് തന്നെ സമയമെടുത്താണ് ബാക്കി ജോലികൾ പൂർത്തിയായത്..സ്വീകരണമുറിയിൽ ഒരു ഫോട്ടോ വോൾ വേണമെന്നത് എന്റെ ആഗ്രഹമായിരുന്നു.. അവിടെ എന്റേയും അനിയത്തിയുടേയും ചെറുതിലെ മുതലുള്ള ചിത്രങ്ങൾ ഫോട്ടോ ഫ്രെയിം ചെയ്ത വെച്ചിട്ടുണ്ട് . മൂന്ന് ബെഡ്റൂമുള്ള ഫ്ലാറ്റാണ്.ഇനി ബാൽക്കണിയിൽ ഒരു ഗാർഡൻ സെറ്റ് ചെയ്യണം.

കൊറോണ കാലമായതിനാൽ പുറത്താരുടേയും സഹായമില്ലാതെ വീട് ഷിഫ്റ്റിങ്ങിന്റെ കാര്യങ്ങൾ എല്ലാം ചെയ്തത് ഞങ്ങൾ തന്നെയാണ്. കൊറോണക്കാലമായതുകൊണ്ട് സിനിമാസുഹൃത്തുക്കളെയോ ബന്ധുക്കളെയോ ഒന്നും പാലുകാച്ചലിന് വിളിക്കാൻ കഴിഞ്ഞില്ല കർക്കിടത്തിൽ ശുഭ കാര്യങ്ങൾ ഒന്നു ചെയ്യാൻ പാടില്ല എന്നല്ലേ പറയുന്നത്. ചിങ്ങം വരെ കാത്തിരിക്കാൻ വയ്യാത്തത് കൊണ്ടാണ് അതിന് മുൻപ് തിരക്കിട്ട് പാലുകാച്ചൻ നടത്തിയത്. എല്ലാമൊന്ന് കുറഞ്ഞിട്ട് എല്ലാവരേയും ക്ഷണിക്കണമെന്ന് നമിത അഭിമുഖത്തിൽ പറയുന്നു.

ഏഴാം ക്ലാസ്സിൽ പഠിക്കുമ്പോഴാണ് നമിത പ്രേക്ഷകരുടെ മുന്നിൽ എത്തുന്നത്. വേളാങ്കണ്ണി മാതാവ് എന്ന സീരിയലിൽ മാതാവിന്റെ വേഷം ചെയ്തു കൊണ്ടായിരുന്നു തുടക്കം. പിന്നീട് അമ്മേ ദേവി, എന്റെ മാനസ പുത്രി എന്നീ സീരിയലുകളിലും ശ്രദ്ധേയമായ വേഷങ്ങൾ ചെയ്തു. രാജേഷ് പിള്ള സംവിധാനം ചെയ്ത ട്രാഫിക് എന്ന ചിത്രത്തിൽ റിയ എന്ന കഥാപാത്രമാണ് സിനിമയിൽ ആദ്യമായി ചെയ്തത്. ആദ്യമായി നായികാ വേഷം ലഭിച്ചത് സത്യൻ അന്തിക്കാട് സംവിധാനം ചെയ്ത പുതിയ തീരങ്ങളിലാണ്. ചിത്രത്തിൽ നിവിൻ പോളിയുടെ നായികയായിട്ടാണ് എത്തിയത്. . തുടർന്ന് ദിലീപ്, കുഞ്ചാക്കോ ബോബൻ ഫഹദ്, പൃഥ്വിരാജ് തുടങ്ങിയ മുൻനിര നായകന്മാരുടെ നായികയായി അഭിനയിച്ചിട്ടുണ്ട്.