ചോദിക്കാനൊന്നുമില്ല, പറയാനേയുള്ളു! ഡിംപിളും നാത്തൂനും ശ്രദ്ധിക്കണം; ഓര്‍മ്മപ്പെടുത്തലുമായി ആരാധിക

ബാലതാരമായി അഭിനയിക്കാനെത്തി പിന്നീട് സിനിമയിലും സീരിയലിലുമൊക്കെ ശ്രദ്ധേയായി മാറിയ താരമാണ് ഡിംപിള്‍ റോസ്. ചന്ദനമഴ എന്ന സൂപ്പര്‍ ഹിറ്റ് സീരിയലിലാണ് നടി അവസാനമായി അഭിനയിച്ചത്. ശേഷം വിവാഹിതയായതോട് കൂടിയാണ് അഭിനയത്തില്‍ നിന്നും മാറി നില്‍ക്കുന്നത്.

ഇപ്പോള്‍ ഭര്‍ത്താവിനും മകനുമൊപ്പമുള്ള കുടുംബജീവിതവുമായി മുന്നോട്ട് പോവുകയാണ്. ഇതിനൊപ്പം യൂട്യൂബിലൂടെ തന്റെ വിശേഷങ്ങളും കുടുംബത്തിലെ കാര്യങ്ങളുമൊക്കെ ഡിംപിള്‍ പങ്കുവെക്കാറുണ്ട്. കഴിഞ്ഞ ദിവസം മകന്‍ പാച്ചുവിന്റെ കൂടെയുള്ള രസകരമായ വീഡിയോയാണ് നടി പോസ്റ്റ് ചെയ്തിരുന്നത്.

ഇതില്‍ മകനെ കുരങ്ങാ എന്ന് വിളിച്ചതിന്റെ പേരില്‍ വിമര്‍ശനങ്ങളും നേരിടേണ്ടതായി വന്നിരുന്നു. പിന്നാലെ അത് സ്‌നേഹം കൊണ്ടാണെന്നും സീരിയസായി അതിലൊരു അര്‍ഥവും കാണേണ്ടതില്ലെന്നും ഡിംപിള്‍ തന്നെ വ്യക്തമാക്കിയിരുന്നു. ഇപ്പോഴിതാ വീണ്ടും ആരാധകര്‍ക്ക് വേണ്ടിയൊരു വീഡിയോയുമായിട്ടാണ് നടി എത്തിയിരിക്കുന്നത്.

തങ്ങളോട എന്ത് വേണമെങ്കിലും ചോദിക്കാമെന്ന് പറഞ്ഞാണ് യൂട്യൂബ് ചാനലിലൂടെ ഒരു വീഡിയോ ഡിംപിള്‍ പോസ്റ്റ് ചെയ്തിരിക്കുന്നത്. ആരാധകരുടെ ചോദ്യങ്ങള്‍ക്കെല്ലാം ഉത്തരം അടുത്ത വീഡിയോയിലൂടെ പറയാമെന്നും നടി പറഞ്ഞിരുന്നു. ഇതിന് താഴെ നൂറുക്കണക്കിന് പേരാണ് ചോദ്യങ്ങളുമായി എത്തിയത്.

എന്നാല്‍ ഡിംപിളിനും നാത്തൂന്‍ ഡിവൈനിനും ചില ഉപദേശങ്ങളുമായിട്ടാണ് ഒരു ആരാധിക എത്തിയിരിക്കുന്നത്. കുഞ്ഞുമക്കളുള്ള വീടായത് കൊണ്ട് കാണിക്കേണ്ട മര്യാദകളെ പറ്റിയാണ് ഡിംപിളിന്റെ വീഡിയോയുടെ താഴെ ഒരാള്‍ കമന്റിട്ടിരിക്കുന്നത്.

'ഡിംപിളിനോട് ചോദിക്കാനൊന്നുമില്ല. പറയാനേ ഉള്ളൂ. ശരി എന്ന് തോന്നുന്നെങ്കില്‍ എടുക്കണം. ഇന്ന് ഡിവൈനിന്റെ വീഡിയോയില്‍ കണ്ടു കുട്ടികളെ വിളിക്കാന്‍ പോയിട്ട് വന്ന് ചെരുപ്പ് അഴിക്കാതെ അകത്ത് കയറുന്നത്. അതിന് മുമ്പ് രാവിലെ പാച്ചുവും ചാക്കോച്ചനും നിലത്ത് ഇരുന്ന് കളിക്കുന്നതും, ചാക്കോച്ചന്‍ നിലത്ത് നിന്ന് തനിയെ എഴുന്നേല്‍ക്കുന്നതും കണ്ടു.

പുറത്ത് പോയി വരുമ്പോള്‍ ആ ചെരുപ്പ് മുഴുവന്‍ അഴുക്ക് ആകില്ലേ? നിലത്ത് ഇരുന്നു കുട്ടികള്‍ കളിക്കുമ്പോള്‍ അവര്‍ കൈ വായിലും കണ്ണിലും ഒക്കെ വയ്ക്കില്ലേ? അപ്പോളാണ് അസുഖം ഉണ്ടാകുന്നത്. ഈ മഴ കാലത്ത് പ്രത്യേകം അതൊക്കെ സൂക്ഷിക്കണം. ലൂസ് മോഷന്‍ ഒന്നും വെറുതെ അങ്ങ് വരുന്നതല്ല.

നിങ്ങളുടെ ഭക്ഷണ രീതികളുടെ പ്രശ്‌നമാണ് ഇതൊക്കെ. സോഷ്യല്‍ മീഡിയ വഴി കാണിക്കുമ്പോള്‍ ഒരു മോശം സന്ദേശമാണ് സൊസൈറ്റിയിലേക്ക് പോകുന്നത്. വീഡിയോസ് കാണുന്ന പല പ്രായത്തിലുമുള്ള ആളുകള്‍ ഉണ്ടാകും. കുട്ടികളെയും മറ്റും പിന്നാലെ നടന്നു ഇതൊക്കെ തെറ്റാണ് എന്ന് പറഞ്ഞു കൊടുക്കാന്‍ പറ്റില്ല.

അവര്‍ അത് ശരി ആണെന്ന് കരുതി ചെയ്യും. ബേസിക് ഹൈജീനിന്റെ ഭാഗമാണ് ഈ ചെരുപ്പ് പുറത്ത് ഇടലൊക്കെ. അത് മോള്‍ നല്ല പോലെ ശ്രദ്ധിക്കണം. ഇഷ്ടം കൊണ്ടാണ് പറയുന്നത്. മമ്മി പറയുന്ന പോലെ അവരവരുടെ ശരി അവരവര്‍ അങ്ങ് ചെയ്ത് സോഷ്യല്‍ മീഡിയയില്‍ ഇടുക അല്ല വേണ്ടത്. ശരിയായത് മാത്രം സോഷ്യല്‍ മീഡിയയില്‍ ഇടണമെന്നാണ്', ഒരു ആരാധിക ഡിംപിൡനാട് പറയുന്നത്.