അവർ തമ്മില്‍ ഇഷ്ടത്തിലാണ്, വിവാഹം കഴിക്കാനും തീരുമാനിച്ചു; റോബിനിൽ ഏറ്റവും ഇഷ്ടപ്പെട്ട ഗുണം ഇതാണെന്ന് ആരാധകര്‍

ബിഗ് ബോസില്‍ ഏറ്റവും കൂടുതല്‍ ജനശ്രദ്ധ കിട്ടുന്നത് താരങ്ങള്‍ തമ്മിലുള്ള പ്രണയത്തിനാണ്. ഈ സീസണില്‍ ദില്‍-റോബ് എന്നൊരു കോംപിനേഷന്‍ തന്നെ വന്നെങ്കിലും അത് മുന്നോട്ട് പോയില്ല. സഹമത്സരാര്‍ഥിയെ വിവാഹം കഴിക്കാന്‍ താല്‍പര്യമുണ്ടെന്ന് റോബിന്‍ പറഞ്ഞെങ്കിലും അവര്‍ വിസമ്മതിച്ചതോടെ ആ ബന്ധം അവസാനിച്ചു. ഇതിന് പിന്നാലെയാണ് ആരതി പൊടി എന്ന യുവതിയുമായി റോബിന്‍ സൗഹൃദത്തിലാവുന്നത്. റോബിന്റെ അഭിമുഖം എടുക്കാന്‍ വന്ന പെണ്‍കുട്ടി ജീവിതത്തിന്റെ ഭാഗമായി മാറി.

ആരതിയുടെ കൂടെയുള്ള വീഡിയോസും ചിത്രങ്ങളുമൊക്കെ പുറത്ത് വിട്ട് തുടങ്ങിയതോടെ റോബിന്‍ വീണ്ടും പ്രണയത്തിലായെന്ന് വാര്‍ത്തയെത്തി. ഒടുവില്‍ ഞാന്‍ കമ്മിറ്റഡ് ആണെന്നും ഫെബ്രുവരിയില്‍ വിവാഹമുണ്ടാവുമെന്നും താരം പ്രഖ്യാപിച്ചു. ആരതി പൊടിയെ വിവാഹം കഴിച്ചേക്കുമെന്ന് തന്നെയാണ് വിവരം. ഇതോടെ ഒരു സൈഡില്‍ റോബിന് വിമര്‍ശനം ഉയരുകയാണ്. ഇത്രയും കാലം പ്രണയമുണ്ടെന്ന് പറഞ്ഞയാളെ ഒറ്റയടിക്ക് മറന്ന് മറ്റൊന്നിലേക്ക് മാറാന്‍ സാധിച്ചോ എന്നൊക്കെ ചോദ്യം വന്നു.

ശരിക്കും റോബിനെ അഭിനന്ദിക്കുകയല്ലേ വേണ്ടത് എന്നാണ് യൂട്യൂബ് ചാനലുകളിലൂടെ പ്രചരിക്കുന്ന വീഡിയോയിലൂടെ ചിലര്‍ ചോദിക്കുന്നത്. ഒരാള് ഇഷ്ടമല്ലെന്ന് പറഞ്ഞ ഉടനെ അവരെ കത്തിയെടുത്ത് കുത്താനോ സന്യാസിയായി പോവാനോ നില്‍ക്കുകയാണോ വേണ്ടത്. നമ്മളെ വേണ്ടാത്തവരെ നമുക്കും വേണ്ടെന്ന തീരുമാനമാണ് റോബിനെടുത്തത്. അത് അഭിനന്ദിക്കാന്‍ പറ്റിയ കാര്യമല്ലേന്നാണ് ചോദ്യം. റോബിനില്‍ നിന്നും ഏറ്റവും ഇഷ്ടപ്പെട്ട ഗുണം ഇതാണ്.

ആരതിയെ കണ്ടപ്പോള്‍ തനിക്ക് പറ്റിയ ആളാണെന്ന് മനസിലായി. അവര്‍ പ്രൊപ്പോസ് ചെയ്തിട്ടുണ്ടാവും. രണ്ടാളും ഓക്കെയായി മുന്നോട്ട് പോയി. ഫെബ്രുവരിയില്‍ വിവാഹമാണ്. എന്നാല്‍ ചില വിമര്‍ശകരുടെ ചോദ്യം ബിഗ് ബോസിലുണ്ടായ പ്രണയം സത്യമല്ലായിരുന്നോ എന്നാണ്. എന്നാല്‍ അദ്ദേഹം ഇഷ്ടം പറഞ്ഞു, അത് അംഗീകരിക്കില്ലെന്ന് മനസിലായതോടെ എല്ലാം വിട്ടു. ഇനിയും വിമര്‍ശിക്കുന്നതില്‍ എന്തെങ്കിലും അര്‍ഥമുണ്ടോന്നാണ് ആരാധകരില്‍ നിന്നുള്ള ചോദ്യം.