മാസ്റ്റര്‍പീസ് തരംഗത്തിനിടയില്‍ തളരാതെ ഷാജി പാപ്പനും പിള്ളേരും, മള്‍ട്ടിപ്ലക്സില്‍ താരമായി ആട് 2!

മികച്ച പ്രതികരണവുമായി മുന്നേറുന്നു

ക്രിസ്മസ് റിലീസുകളില്‍ മികച്ച പ്രതികരണവുമായി ആട് 2 മുന്നേറുകയാണ്. സിംഗിള്‍ സ്‌ക്രീനില്‍ നിന്നും മള്‍ട്ടിപ്ലക്‌സില്‍ നിന്നും മികച്ച കലക്ഷനാണ് ചിത്രം സ്വന്തമാക്കിയതെന്നുള്ള റിപ്പോര്‍ട്ടുകളാണ് ഇപ്പോള്‍ പുറത്തുവന്നിട്ടുള്ളത്.

മോശമല്ലാതെ തന്നെ തുടങ്ങി

ക്രിസ്മസ് റിലീസുകളില്‍ മറ്റ് ചിത്രങ്ങള്‍ക്കൊപ്പം പോരാടാനാണ് ആട് 2 എത്തിയത്. കൊച്ചി മള്‍ട്ടിപ്ലക്‌സില്‍ മികച്ചൊരു തുടക്കമാണ് ചിത്രത്തിന് ലഭിച്ചത്. ഏകദേശം 3.24 ലക്ഷത്തോളമാണ് മള്‍ട്ടിപ്ലക്‌സില്‍ നിന്നും ആദ്യ ദിനത്തില്‍ നേടിയത്.

11 ദിവസത്തിന് ശേഷം

ആട് 2 തിയേറ്ററുകളിലേക്കെത്തിയിട്ട് 11 ദിവസം പിന്നിട്ടപ്പോള്‍ കലക്ഷന്റെ കാര്യത്തിലും മുന്നിലാണ്. 70.39 ലക്ഷമാണ് കൊച്ചി മള്‍ട്ടിപ്ലക്‌സില്‍ നിന്നും നേടിയതെന്നുള്ള റിപ്പോര്‍ട്ടുകളാണ് ഇപ്പോള്‍ പുറത്തുവന്നിട്ടുള്ളത്.

1 കോടി ക്ലബില്‍ ഇടം പിടിക്കുമെന്ന പ്രതീക്ഷ

ഉടന്‍ തന്നെ ചിത്രം ആട് 2 ഒരു കോടി ക്ലബിലിടം നേടുമെന്നുള്ള പ്രതീക്ഷയിലാണ് ആരാധകരും അണിയറപ്രവര്‍ത്തകരും. വാരാന്ത്യത്തിനുള്ളില്‍ ചിത്രം രണ്ട് കോടി ക്ലബിലെത്തുമെന്ന പ്രത്യാശയും ഇവര്‍ പങ്കുവെക്കുന്നു.

ഇതുവരെ നേടിയത്

ഡിസംബര്‍ 22 ന് തിയേറ്ററുകളിലേക്കെത്തിയ ആട് 2 ന്റെ ഔദ്യോഗിക കലക്ഷന്‍ റിപ്പോര്‍ട്ട് ഇതുവരെയും അണിയറപ്രവര്‍ത്തകര്‍ പുറത്തുവിട്ടിട്ടില്ല. 15ാം ദിനത്തില്‍ അണിയറപ്രവര്‍ത്തകര്‍ കലക്ഷന്‍ വ്യക്തമാക്കുമെന്ന പ്രതീക്ഷയിലാണ് ആരാധകര്‍.

രണ്ടാം ഭാഗവുമായി എത്തിയപ്പോള്‍

ആട് ഒരു ഭീകരജീവിക്ക് രണ്ടാം ഭാഗം ഒരുക്കുന്നുവെന്ന് കേട്ടപ്പോള്‍ മുതല്‍ ആരാധകര്‍ പ്രതീക്ഷയിലായിരുന്നു. ആ പ്രതീക്ഷ നിലനിര്‍ത്തി തന്നെയാണ് സംവിധായകന്‍ മുന്നേറിയത്.