രാം ഗോപാൽ വർമ്മ യുമായി സൗഹൃദമില്ലെന്ന് ആമിർ ഖാൻ; പക്ഷെ രംഗീല സംവിധായകനെ മിസ് ചെയ്യുന്നു

ബോളിവുഡ് സൂപ്പർതാരം ആമിർ ഖാൻ, തന്റെ പുതിയ ചിത്രമായ സിതാരേ സമീൻ പർ പ്രൊമോട്ട് ചെയ്യുന്നതിന്റെ തിരക്കുകളിലാണ്. ഇതിന്റെ ഭാഗമായി, പൊതുവെ മാധ്യമങ്ങളോടും, പൊതു പരിപാടികളോടും അകലം പാലിക്കാറുള്ള മിസ്റ്റർ പെർഫെക്ഷനിസ്റ്റിന് പ്രേക്ഷകർക്ക് കൂടുതൽ അടുത്തറിയാനും കഴിയുന്നുണ്ട്. അടുത്തിടെ, റെഡ്‌ഡിഫിലെ ആരാധകരുമായി സംവദിച്ചപ്പോൾ, വളരെ കാലമായി നിലനിന്നു പോരുന്ന ഒരു ഗോസിപ്പിനെ കുറിച്ച് ആമിർ ഖാൻ മനസ്സ് തുറന്നു.

ഒരു ആരാധകന്റെ ചോദ്യത്തിന് മറുപടിയായി രാം ഗോപാൽ വർമയുമായുള്ള തന്റെ പിണക്കത്തെ കുറിച്ച് റെഡിഫ് ചർച്ചയിൽ ദംഗൽ നടൻ ആദ്യമായി തുറന്നു പറഞ്ഞു. രംഗീല സംവിധായകൻ ഒരിക്കലും തന്റെ സുഹൃത്തായിരുന്നില്ല എന്നാണ് ബോളിവുഡ് സൂപ്പർസ്റ്റാർ ഇതിന് നൽകിയ മറുപടി.

രാം ഗോപാൽ വർമ്മയുമായി സൗഹൃദമില്ല: ആമിർ ഖാൻ

സിതാരേ സമീൻ പർ പ്രൊമോഷണൽ പരിപാടിയുടെ ഭാഗമായി റെഡിഫിൽ ആരാധകരുമായുള്ള ഒരു സംവാദത്തിനിടെ ആമിർ ഖാനോട് ഒരു ആരാധകൻ ചോദിച്ചു, "താങ്കൾക്കും രാം ഗോപാൽ വർമ്മയ്ക്കും ഇടയിൽ എന്താണ് സംഭവിച്ചത്? അദ്ദേഹം വളരെ മികച്ച സംവിധായകനാണ്, നിങ്ങളുടെ സൗഹൃദം കൊണ്ട് നിങ്ങൾക്ക് നേട്ടമുണ്ടാകും!!"

Photo Credit: Filmibeat Telugu / YRF

"രാം ഗോപാൽ വർമ്മയും ഞാനും ഒരിക്കലും സുഹൃത്തുക്കൾ ആയിരുന്നില്ല. പക്ഷെ, ഒരു സംവിധായകൻ എന്ന നിലയിൽ ഞാൻ അദ്ദേഹത്തെ മിസ് ചെയ്യുവെന്ന് എനിക്ക് ഉറപ്പു പറയാൻ കഴിയും," ഈ ചോദ്യത്തിന് നടൻ മറുപടി പറഞ്ഞു. വർഷങ്ങൾക്ക് മുൻപ് രാം ഗോപാൽ വർമ്മയുമായി നടന്ന വഴക്കിനെക്കുറിച്ചും, പിന്നീടുണ്ടായ അകൽച്ചയെക്കുറിച്ചും വന്ന റിപോർട്ടുകൾ ആമിർ ഖാൻ തന്റെ മറുപടിയുടെ ശരി വച്ചുവെന്നാണ് സോഷ്യൽ മീഡിയ കരുതുന്നത്.

ആമിറിനും ആർ.ജി.വിക്കും ഇടയിൽ എന്താണ് സംഭവിച്ചത്

ആർ.ജി.വി എന്ന് പേരിൽ പ്രസിദ്ധനായ രാം ഗോപാൽ വർമ്മയുടെ ഏറ്റവും പ്രസിദ്ധമായ ചിത്രങ്ങളിൽ ഒന്നാണ് രംഗീല. ഊർമിള മട്ടൊണ്ട്കർ നായികയായി എത്തിയ ചിത്രത്തിൽ, നായകന്മാരായി എത്തിയത് ആമിർ ഖാനും, ജാക്കി ഷ്‌റോഫും ആണ്. 1995ൽ പുറത്തിറങ്ങിയ ചിത്രത്തിൽ മുന്ന എന്ന കഥാപാത്രമായി എത്തിയ ആമിറിന്റെ പ്രകടനം സംവിധായകൻ രാം ഗോപാൽ വർമ്മയെ തൃപ്തിപ്പെടുത്തിയിരുന്നില്ല. തീയറ്ററുകളിൽ രംഗീല ഒരു വൻ വിജയമായി തീർന്നെങ്കിലും, നടന്റെ പ്രകടനത്തോടുള്ള തന്റെ അനിഷ്ടം സംവിധായകൻ പിന്നീട് തുറന്നു പറഞ്ഞു.

Photo Credit: Google Play

ഒരു സദസ്സിൽ രംഗീലയിലെ ഒരു വെയിറ്റർ ഉൾപ്പെടുന്ന ഒരു രംഗത്തെക്കുറിച്ച് സംസാരിക്കുന്നതിനിടെ രാം ഗോപാൽ വർമ്മ മുന്നോട്ടു വച്ച അഭിപ്രായതോടെയാണ് വിവാദം ആരംഭിച്ചത്. ഈ സീറ്റിനിൽ നായകൻ ആമിർ ഖാനെക്കാൾ മികച്ച പ്രകടനമാണ് വെയിറ്ററായി അഭിനയിക്കുന്ന നടൻ കാഴ്ചവെച്ചതെന്ന് അദ്ദേഹം അഭിപ്രായപ്പെട്ടു. മാധ്യമങ്ങൾ ഈ പ്രസ്താവന തെറ്റായി വ്യാഖ്യാനിക്കുകയും, രാം ഗോപാൽ വർമ്മ ആമിർ ഖാന്റെ അഭിനയത്തെ പരിഹസിച്ചതായി റിപ്പോർട്ട് ചെയ്യുകയും ചെയ്തു. ആർ.ജി.വിയുടെ ഈ കമന്റിൽ വേദനയും അപാനവാറും തോന്നിയ ബോളിവുഡ് സൂപ്പർസ്റ്റാർ, ഭാവിയിൽ സംവിധാനയകനുമായുള്ള എല്ലാ തരത്തിലുമുള്ള ഇടപെടലുകളും ഒഴിവാക്കാൻ തീരുമാനിച്ചതായിട്ടാണ് അന്ന് റിപോർട്ടുകൾ വന്നത്.

പിന്നീട്, സംഭവിച്ചത് ഒരു തെറ്റിദ്ധാരണയാണെന്നും, ആമിർ ഖാന്റെ പ്രകടനത്തെ വിമർശിക്കുകയല്ല, മറിച്ച് ആ രംഗത്തിന്റെ ഒരു സാങ്കേതിക നിരീക്ഷണം എന്ന നിലയിലാണ് താൻ ആ പരാമർശം നടത്തിയതെന്നും രാം ഗോപാൽ വർമ്മ വിശദീകരിച്ചു. തെറ്റായ ആശയവിനിമയം മൂലം ആമിറിന് താൻ വഞ്ചിക്കപ്പെട്ടതായി തോന്നുകയും അതിന്റെ ഉത്തരവാദിത്തം ഏറ്റെടുക്കുകയും ചെയ്തുവെന്ന് അദ്ദേഹം സമ്മതിച്ചു. റിപോർട്ടുകൾ അനുസരിച്ച്, സംവിധായകൻ പിന്നീട് അനുരഞ്ജനത്തിന് ശ്രമിച്ചെങ്കിലും ആമിർ ഖാൻ പിന്നീടൊരിക്കലും അദ്ദേഹത്തോടൊപ്പം ഒരുമിച്ച് പ്രവർത്തിച്ചില്ല.