രഞ്ജിനി ഹരിദാസാണ് പുതിയ വിദ്യാർഥി; പൂർണിമ ഇന്ദ്രജിത്ത്, മുതൽ അമൃത വരെയുള്ളവർ പഠിക്കുന്നു, കുറിപ്പ് വൈറലാവുന്നു

വര്‍ഷങ്ങള്‍ക്കുമുന്‍പ് തൃപ്പുണിത്തുറ കലാലയത്തില്‍ വച്ച് ചേച്ചിയെ കണ്ട ഒരു ഓര്‍മയുണ്ട്... എന്നെ സംഗീതം പഠിപ്പിച്ച പരമുദാസ് ആശാനും കല്യാണി കുട്ടിയമ്മ ടീച്ചറും തമ്മിലുള്ള പരിചയം കൊണ്ട്, അമ്മക്ക് ദക്ഷിണവെക്കാനുള്ള മഹാഭാഗ്യം എനിക്കുണ്ടായിരുന്നു. കാലം ഒരുപാട് കഴിഞ്ഞു. പക്ഷെ ആ അനുഗ്രഹമാക്കാം ഇതിന്റെയൊക്കെ പിറകില്‍.. എന്നും പറഞ്ഞാണ് പൂര്‍ണിമ ഇന്ദ്രജിത്തിനൊപ്പമുള്ള ഫോട്ടോ അബദ് പങ്കുവെച്ചത്. രണ്ട് ദിവസം മുന്‍പ് അബദിനൊപ്പം നൃത്തം പരിശീലിക്കുന്ന വീഡിയോ പങ്കുവെച്ച് പൂര്‍ണിമയും രംഗത്ത് വന്നിരുന്നു.

'ഡാന്‍സ് പഠിക്കുക എന്നുള്ളത് ഒരു വലിയ ആഗ്രഹമായിരുന്നു'... ഇങ്ങനെ ഒരാള്‍ പറഞ്ഞാല്‍ നൃത്തത്തെ ജീവനായി കാണുന്ന ഞാന്‍ ആ സ്വപ്നം സഫലമാക്കാന്‍ സഹായിക്കാതെ പോകാന്‍ കഴിയില്ലല്ലോ. എന്നെ പഠിപ്പിക്കുന്നത് ഒരു ശ്രമകരമായ കാര്യം ആയിരിക്കും എന്ന് എന്നോട പറഞ്ഞ ആദ്യത്തെ വിദ്യാര്‍ഥി. അതുകൊണ്ട് തന്നെ ഇത് എനിക്കു ഒരു ചലഞ്ച് ആണ്. നൃത്തം എല്ലാവരിലേക്കും എത്തട്ടെ.. പുതിയ വിദ്യാര്‍ഥി എന്ന് സൂചിപ്പിച്ച് കൊണ്ട് രഞ്ജിനി ഹരിദാസ് എഴുതിയ കുറിപ്പ് വൈറലാവുന്നു.

എല്ലാത്തിനും അതിന്റേതായ സമയം ഉണ്ട് ദാസാ.. ഒരു നാലു വര്‍ഷത്തിനടുത്തായി അറിയാം അമൃതച്ചേച്ചിയെ... പാപ്പുവിനെ പഠിപ്പിക്കാന്‍ വന്നപ്പോ തൊട്ട് പറയുന്നതാണ് എനിക്കും പഠിക്കണം എന്ന്. സമയം വന്നപ്പോ അതും തുടങ്ങി. സംഗീതം പോലെ നൃത്തവും കൈകാര്യം ചെയ്യാന്‍ അമ്മ അനുഗ്രഹിക്കട്ടെ.. ഞാന്‍ പറഞ്ഞത് മറക്കരുത്. എന്നുമാണ് അമൃത സുരേഷിനെ കുറിച്ച് അബദ് പറഞ്ഞത്.

Recommended Video

Ranjini Haridas's indonasia trip video | FilmiBeat Malayalam

ഇവരെ കൂടാതെ അവതാരകയും അഭിനേത്രിയുമായ അശ്വതി ശ്രീകാന്ത് അടക്കമുള്ളവരും നൃത്തം പരിശീലിക്കുന്നുണ്ട്. മാസങ്ങള്‍ക്ക് മുന്‍പ് തന്നെ അശ്വതിയ്‌ക്കൊപ്പമുള്ള ചിത്രങ്ങള്‍ അബദ് പങ്കുവെച്ചിരുന്നു. നമ്മള്‍ വേണ്ട എന്നു വിചാരിച്ചാലും, ചില വ്യക്തികളുടെ സാന്നിധ്യം നമുക്ക് വളരെ വിലപ്പെട്ടതും ഒഴിവാക്കാന്‍ കഴിയാത്തതാണ. സഹോദരിയും വിദ്യാര്‍ത്ഥിയും ഏറെ അടുപ്പമുള്ളയാളുമാണ് അശ്വതി എന്നും പറഞ്ഞാണ് ഫോട്ടോയ്ക്ക് ക്യാപഷനായി കുറിച്ചിരിക്കുന്നത്.