അവരുടെ എനർജിയോട് എങ്ങനെ നോ പറയും; ഇപ്പോഴും മനസ് അവിടെ; അഭയ ഹിരൺമയി

പിന്നീട് ഇരുവരും വേർപിരിഞ്ഞപ്പോഴും വലിയ തോതിൽ വാർത്തയായി. ഇപ്പോഴും താരത്തിന്റെ സോഷ്യൽ മീഡിയ പോസ്റ്റുകൾക്ക് താഴെ ഇത്തരം കമന്റുകളും വരാറുണ്ട്. കഴിഞ്ഞ ദിവസമാണ് താൻ നടത്തിയ ലൈവ് പെർഫോമൻസിൽ നിന്നുള്ള ഫോട്ടോകളും വീഡിയോകളും അഭയ ഇൻസ്റ്റ​ഗ്രാമിൽ പങ്കുവെച്ചത്.

പെർഫോമൻസ് കഴിഞ്ഞ് തിരികെ വരാൻ നിൽക്കവെ കുറച്ച് പേർ തനിക്കരികിൽ വന്നതിനെക്കുറിച്ചും ​അഭയ ഹിരൺമയി എഴുതി. ഷോയ്ക്ക് ശേഷം ഞാൻ കാർ വരാൻ കാത്തു നിൽക്കവെ. ഒരു കൂട്ടം ആളുകൾ എന്റെയുടത്ത് വന്ന് മാം ഒപ്പം കൂടാമോ എന്ന് ചോദിച്ചു.

ആരാണ് ഈ എനർജിയോട് നോ പറയുക. ഇന്നലത്തെ ഏറ്റവും മികച്ച സംഭവമായിരുന്നു ഇത്. ഈ നിമിഷം ഞാനെന്റെ ഹൃദയത്തിൽ എപ്പോഴും സൂക്ഷിക്കും. എന്റെ ഹൃദയം ഇപ്പോഴും അവിടെ ആണ് എന്നാണ് അഭയ ഹിരൺമയി ഇൻസ്റ്റ​ഗ്രാമിൽ കുറിച്ചത്. ഒരു കൂട്ടം ആളുകളുടെ ഒപ്പം പാട്ട് പാടുന്നതിന്റെ വീഡിയോയയും അഭയ പങ്കുവെച്ചിട്ടുണ്ട്.

അടുത്തിടെ അഭയ ഹിരൺമയി നൽകിയ അഭിമുഖം ഏറെ ജനശ്രദ്ധ പിടിച്ചു പറ്റിയിരുന്നു. തന്റെ വ്യക്തി ജീവിതത്തെക്കുറിച്ച് അഭയ തുറന്ന് സംസാരിക്കുകയുണ്ടായി. ​ഗോപി സുന്ദറുമായുണ്ടായിരുന്ന പ്രണയം, ലിവിം​ഗ് ടു​ഗെദർ തുടങ്ങിയവയെക്കുറിച്ച് അഭയ സംസാരിച്ചു. ഇപ്പോഴത്തെ ജീവിതത്തിൽ സന്തോഷവതിയാണ്. മുമ്പത്തേക്കാൾ കൂടുതൽ കരിയറിന് ശ്രദ്ധ കൊടുക്കുന്നുണ്ട്.

ലിവിം​ഗ് ടു​ഗെദർ ജീവിതത്തെക്കുറിച്ചോർത്ത് ഇപ്പോൾ ഖേദിക്കുന്നില്ല. അന്നും അന്നും ജീവിതത്തിൽ സന്തോഷവതിയാണ്. അന്നും റാണിയെ പോലെയാണ് ജീവിച്ചത്. ഇപ്പോഴും അങ്ങനെ തന്നെ. നേരത്തെ വ്യക്തി ജീവിതത്തിലെ മറ്റ് പല കാര്യങ്ങൾക്കും ആയിരുന്നു ശ്രദ്ധ നൽകാറ്. എന്നാൽ ഇപ്പോൾ സം​ഗീതത്തിന് വലിയ പ്രാധാന്യം നൽകുന്നു. അദ്ദേഹത്തെ മിസ് ചെയ്യുന്നില്ലെന്ന് പറയാനാവില്ല. പക്ഷെ അതിനല്ല ഇപ്പോൾ പ്രധാന്യമെന്നും അഭയ ഹിരൺമയി പറഞ്ഞു.

19ാമത്തെ വയസിലാണ് ​ഗോപി സുന്ദറിനെ കണ്ട് മുട്ടിയത്. എഞ്ചിനീയറിം​ഗ് പഠന കാലത്തായിരുന്നു. തന്റെ ​പാട്ട് കേട്ട് നന്നായി പാടുന്നുണ്ടല്ലോ മ്യൂസിക് കരിയർ ആക്കിക്കൂടെ എന്ന് ആദ്യം ചോദിച്ചത് ​ഗോപി സുന്ദർ ആണ്, അദ്ദേഹത്തെ കണ്ടുമുട്ടിയതോടെ ആണ് ജീവിതത്തിലും കരിയറിലും മാറ്റങ്ങൾ സംഭവിച്ചതെന്നും അഭയ ഹിരൺമയി പറഞ്ഞിരുന്നു.

മുമ്പേത്താക്കാളധികം മ്യൂസിക് കരിയറിൽ ശ്രദ്ധ കേന്ദ്രീകരിച്ചിരിക്കുന്ന അഭയ ഹിരൺമയി തന്റെ പ്രോ​ഗ്രാമുകളുടെ ഫോട്ടോയും മറ്റും പങ്കുവെക്കാറുണ്ട്.