ബികോം വിത്ത് ത്രീ സപ്ലി, ഞാൻ ജോലിക്ക് പോകില്ലാന്ന് വീട്ടുകാർക്ക് മുമ്പേ അറിയാം: അർജുൻ അശോകൻ

'വിവാഹ സമയത്ത് സപ്ലിയെക്കുറിച്ചൊന്നും പെൺവീട്ടുകാരോട് പറഞ്ഞിരുന്നില്ല. അതൊക്കെ എന്തിനാണ് പറയുന്നത്, പെൺവീട്ടുകാരോട് ബികോം എന്ന് മാത്രമാണ് പറഞ്ഞിരുന്നത്. ഭാര്യക്ക് അറിയാമായിരുന്നു. എന്തായാലും ഞാൻ പഠനം കഴിഞ്ഞ് ജോലിക്ക് പോകിലെന്ന് വീട്ടുകാർക്ക് അറിയാമായിരുന്നു. എംബിഎ പഠിക്കാൻ പോയ കാശ് വെച്ചാണ് അച്ഛനോട് പറഞ്ഞ് കാർ വാഷ് തുടങ്ങിയത്'.

'ഇതുവരെ 20 ഓളം സിനിമകളിൽ അഭിനയിച്ചു. അതിൽ ഏറ്റവും ഇഷ്ടപ്പെട്ട സിനിമ പറവ തന്നെയാണ്. ബിടെകും തുറമുഖവും ഇഷ്ടമാണ്'.

'ജീവിതത്തിൽ ഏറ്റവും പ്രചോദനമായ മനുഷ്യർ സൗബിൻ ഷാഹിർ, ആസിഫ് അലി, അച്ഛൻ, മമ്മൂട്ടി എന്നിവരാണ്. പിന്നെ പറഞ്ഞുകഴിഞ്ഞാൽ ഒരു ലോഡ് ഉണ്ടാകും. കാരണം ഓരോ ഭാഗത്തായി ഓരോരുത്തർ പ്രചോദനമാകുന്നുണ്ട്'.

'ഭാര്യ നികിതയെ ഇംപ്രസ് ചെയ്യാൻ ചെയ്ത കാര്യം ഒരിക്കൽ അബദ്ധമായി. സ്‌കൂളിൽ പഠിക്കുന്ന സമയത്ത് ഒരു ഹൗസിന്റെ ക്യാപ്റ്റനായിരുന്നു ഞാൻ. പ്രിൻസിപ്പലിന് കാണിക്കേണ്ട സല്യൂട്ട് നികിതക്ക് നൽകി, ഒപ്പം പുറകിൽ നടന്നവർ എല്ലാവരും ഫ്‌ലാഗ് താഴ്ത്തി. നീതു എന്നാണ് ഭാര്യയെ വിളിക്കുന്നത്. അമീൻ എന്ന കുട്ടിവഴിയാണ് നികിതയെ പ്രണയം അറിയിക്കുന്നത്. ഫോണിൽക്കൂടി ഞാൻ തന്നെയാണ് ആദ്യം ഇഷ്ടം പറയുന്നതും'.

എട്ട് വർഷത്തോളം നീണ്ട പ്രണയത്തിന് ശേഷമായിരുന്നു അർജുൻ അശോകൻ നിഖിത ഗണേശനെ വിവാഹം ചെയ്തത്. എറണാകുളം സ്വദേശിനിയാണ് നികിത ഗണേശൻ. ഇവരുടെ വിവാഹം വളരെ ആഡംബര പൂർവ്വമായാണ് നടന്നത്. 2018ലായിരുന്നു താരങ്ങളെല്ലാം ഒഴുകിയെത്തിയ വിവാഹം നടന്നത്. നടൻ സൗബിൻ ഷാഹിർ യുവനടൻ ദുൽഖർ സൽമാനെ അതിഥി താരമാക്കി സംവിധാനം ചെയ്ത പറവയിലൂടെയാണ് അർജുൻ പ്രേക്ഷക ഹൃദയത്തിൽ സ്ഥാനം നേടിയത്

തുടർന്ന് ബിടെക്ക് എന്ന ആസിഫ് അലി ചിത്രത്തിലും അർജുൻ അശോകൻ ശ്രദ്ധേയമായ വേഷം കൈകാര്യം ചെയ്തു. ഓർക്കൂട്ട് ഓർമ്മക്കൂട്ട് എന്ന ചിത്രത്തിലൂടെ അരങ്ങേറിയ അർജുൻ ഇതിനകം നിരവധി സിനിമകളുടെ ഭാഗമായി കഴിഞ്ഞു. പറവ, മന്ദാരം, ബി.ടെക്, വരത്തൻ, ജൂൺ, ഉണ്ട, അമ്പിളി, അണ്ടർവേൾഡ്, സ്റ്റാൻ്റ് അപ് തുടങ്ങി നിരവധി സിനിമകൾ ഇതിനോടകം അർജുൻ്റേതായെത്തി.

Recommended Video

Lukman Avaran On Thallumaala: ടോവിനോയെ തല്ലി ബോധം കെടുത്തിയ ലുക്ക്മാൻ | *Interview

'സിനിമയിലേക്ക് എത്താൻ ഹരിശ്രീ അശോകന്റെ മകൻ എന്നത് ഗുണമായിട്ടുണ്ട്. അത്തരത്തിൽ ഒരു കോറിഡോർ സിനിമ മേഖലയിൽ ഉണ്ട്. ആദ്യമൊക്കെ ക്യാമറക്ക് മുന്നിൽ നിൽക്കാൻ പേടിയുണ്ടായിരുന്നു. പിന്നെ നല്ല സപ്പോർട്ട് കിട്ടിയതോടെ പേടിയൊക്കെ മാറി. നായക വേഷം ചെയ്തത് കൊണ്ട് ഇനി നായകനായി മാത്രമേ അഭിനയിക്കൂ എന്ന വാശിയൊന്നും എനിക്ക് ഇല്ല. അഭിനയ സാധ്യതയുള്ള വ്യത്യസ്ത റോളുകൾ ചെയ്യണമെന്നാണ് ആഗ്രഹം', അർജുൻ വ്യക്തമാക്കി.