ഓൻ വന്നു ഇനി ശരിയാക്കി കൊളളും, അങ്ങനെ ബാബു ആന്റണി എന്റെയും അടുത്ത ആളായി മാറി...

ആക്ഷൻ_രാജാവ്:#ബാബു_ആന്റണി എന്ന് പറഞ്ഞു കൊണ്ടാണ് ഫേസ്ബുക്ക് പോസ്റ്റ് ആരംഭിച്ചിരിക്കുന്നത്. ലോക്ക് ഡൗൺ കാരണം മുഴുവൻ
സമയവും വീട്ടിലിരിക്കുന്നതിന്റെ വിരസത മാറ്റാൻ ഞാൻ കൂടുതലും ആശ്രയിച്ചത് പുസ്തകങ്ങളെയും ടെലിവിഷനെയുമാണ്. കഴിഞ്ഞ ദിവസം സൂര്യ ടിവിയിൽ ബാബു ആന്റണി നായകനായ രാജധാനി എന്ന സിനിമ കണ്ടിരുന്നു. രാജധാനി സിനിമ കണ്ടതിന് ശേഷം കുട്ടികാലത്തെ സിനിമാ ഓർമ്മകളെ ഞാൻ റീകമ്പോസ് ചെയ്യാൻ ശ്രമിച്ചു.സിനിമയുടെ കലാമൂല്യത്തെ കുറിച്ചും

എന്റെ തൊട്ടുത്ത സീറ്റിലിരുന്ന അച്ഛൻ എന്നെ നോക്കി പറഞ്ഞു "ഇനി പേടിക്കേണ്ട ഓൻ വന്നു ഇനി എല്ലാരേം ശരിയാക്കി കൊളളും".തൊണ്ണൂറുകളിൽ മലയാള സിനിമയിൽ നിറഞ്ഞു നിന്നത് മമ്മൂട്ടി,മോഹൻ ലാൽ,സുരേഷ് ഗോപി എന്നിവരായിരുന്നു.1993-മുതൽ യുവാക്കളുടെ ഹൃദയത്തിൽ ഒരു പുതിയ താരം കടന്നു കൂടിയിരിക്കുന്നു. നീളൻ മുടിയുളള. മാർഷ്യൽ ആർട്സിൽ കറുത്ത ബെൽട്ടുളള...ആക്ഷനിൽ മലയാളികൾക്ക് പുതിയ ദൃശ്യാനുഭവം പകർന്നു തന്ന ബാബു ആന്റണി എന്റെയും അടുത്ത ആളായി മാറി.
ഞാൻ ആറാം ക്ലാസിൽ പഠിക്കുന്ന സമയത്താണ് മരണമെന്ന ഇരുണ്ട ഗുഹാമുഖം അച്ഛനിലൂടെ അനുഭവവേദ്യമായത്.

ബാബു ആന്റണിയുടെ ആരാധകനാക്കി എന്നെ മാറ്റിയത് അച്ഛനായിരുന്നു.ഞാനും ഏട്ടനും ശ്രീജിത്തും, കല്ലാരത്തെ നിശാന്തുമൊക്കെമുടി നീട്ടി വളർത്തി ബാബു ആന്റണിയോടുളള ഞങ്ങളുടെ ആരാധന പരസ്യമായി പ്രഖ്യാപിച്ചു. മുതിയങ്ങ ശങ്കരവിലാസം സ്കൂളിൽ പഠിക്കുന്ന കാലത്ത് നൻമ ശ്രീജിത്തിന്റെ ഗ്യാങും ഫൈസലിന്റെ ഗ്യാങും തമ്മിൽ പലപ്പോഴും അടി ഉണ്ടാവാറുണ്ട്. അടിയുണ്ടാവുന്ന പല ഘട്ടങ്ങളിലും കമ്പോളം സിനിമയിലെ ബാബു ആന്റണിയെ അനുകരിച്ച് കാലുയർത്തുകയും, മുടി പുറകിലേക്ക് കെട്ടി, ഊഫ് എന്ന ശബ്ദവും പുറപെടുവിച്ച് എതിരാളികളുടെ മേൽ ഞങ്ങൾ മേൽകൈ നേടാറുണ്ട്.

ഹൃദയസ്പർശിയായ കുറിപ്പിനൊപ്പമാണ് ആരാധകന്റെ പോസ്റ്റ് ബാബു ആന്റണി പങ്കുവെച്ചിരിക്കുന്നത്. എന്റെ സിനിമകൾ കാണാൻ സമയം കണ്ടെത്തുന്നതിനു നല്ല അഭിപ്രായങ്ങൾ പറയുന്നതിനും എങ്ങനെ നന്ദി പറയണം എന്ന് അറിയില്ല. ഞാൻ ഇതെല്ലാം വായിക്കുകയും അവ എന്റെ ഹൃദയത്തോട് ചേർത്തുവയ്ക്കുകയും ചെയ്യുന്നുണ്ട്. നന്ദി ഷിനിത്ത്. എല്ലാവർക്കും നന്ദി. സ്നേഹപൂർവം എന്ന് കുറിച്ച് കൊണ്ടാണ് ബാബു ആന്റണി പോസ്റ്റ് പങ്കുവെച്ചിരിക്കുന്നത്.