'എനിക്ക് ഭാര്യയില്ല, കുട്ടിയില്ല എന്നുള്ളതാണ് പലരുടേയും ഇപ്പോഴെത്ത വിഷമം, എന്റെ കാര്യം ഞാൻ നോക്കിക്കോളം'; ബാല

അതിനാലാണ് ബാലയുടെ സ്വകാര്യ ജീവിതം എപ്പോഴും വാർത്തകളിൽ നിറയുന്നത്. അമൃതയുമായി വേർ‌പിരിഞ്ഞ ശേഷം ഷൂട്ടിങും മറ്റുമായി തിരക്കിലായിരുന്നു ബാല. വർഷങ്ങളോളം ഒറ്റയ്ക്കുള്ള ജീവിതം നയിച്ച ശേഷമാണ് ബാല ഡോക്ടറായ എലിസബത്തിനെ വിവാഹം ചെയ്തത്.

കഴിഞ്ഞ വർഷം അവസാനത്തോടെയായിരുന്നു ബാലയുടെ രണ്ടാം വിവാഹം ആർഭാടമായി നടന്നത്. ഉണ്ണി മുകുന്ദൻ അടക്കമുള്ള താരങ്ങൾ വിവാഹത്തിൽ പങ്കെടുത്തിരുന്നു. രണ്ടാം വിവാഹശേഷം ബാലയ്ക്കൊപ്പം അഭിമുഖങ്ങളിൽ എലിസബത്തും സ്ഥിരം സാന്നിധ്യമായിരുന്നു.

അതിനാലാണ് ബാലയുടെ രണ്ടാം വിവാഹമോചനം പലർക്കും വിശ്വസിക്കാൻ കഴിയാതെ പോയത്. കാരണം അത്രത്തോളം മെയ്ഡ് ഫോർ ഈച്ച് അദർ ജോഡിയായിരുന്നു ബാലയും ഭാര്യ എലിസബത്തും. കുറച്ച് ദിവസങ്ങളായി ബാലയ്ക്കൊപ്പം അമ്മ മാത്രമാണ് ഉണ്ടായിരുന്നത്.

അത് മനസിലാക്കി പാപ്പരാസികൾ ബാലയുടെ രണ്ടാം വിവാഹ ബന്ധവും പ്രശ്നത്തിലാണെന്ന് വാർത്തകൾ എഴുതി. വിവാഹമോചനം സംബന്ധിച്ച് റൂമറുകൾ വരികയും പലരും എലിസബത്തിനെ കുറിച്ച് അന്വേഷിക്കുകയും ചെയ്തതോടെയാണ് തങ്ങൾ പിരിഞ്ഞുവെന്ന് ബാല വെളിപ്പെടുത്തിയത്.

ഇപ്പോഴിത തന്റെ കാര്യങ്ങളെ കുറിച്ച് അറിയാൻ തന്റെ സ്വകാര്യതയിലേക്ക് എത്തിനോക്കുന്നവർക്കുള്ള മറുപടി നൽകിയിരിക്കുകയാണ് നടൻ. ഫിലിമിഹുഡ്സിന് നൽകിയ അഭിമുഖത്തിലാണ് വിമർശിക്കുന്നവർക്കുള്ള വായടിപ്പിക്കുന്ന മറുപടി ബാല നൽകിയത്.

'ഞാൻ എപ്പോഴും ചുള്ളൻ തന്നെയാണ്. എന്നെ സ്നേഹിക്കുന്നകൊണ്ടാണ് എല്ലാവരും എന്നെ കളിയാക്കുന്നത്. അങ്ങനെ എന്നെ സ്നേഹിക്കുന്ന ആളുകൾ ഉള്ളതുകൊണ്ടാണ് ഞാൻ സുന്ദരനായി ഇരിക്കുന്നത്. അല്ലെങ്കിൽ ഇല്ല. സൂര്യയ്ക്കൊപ്പം ഇപ്പോൾ ഒരു സിനിമ ചെയ്യുന്നുണ്ട് അതുകൊണ്ടാണ് ‍ഞാൻ ശരീരഭാരം കുറച്ചത്.'

'പൃഥ്വിരാജും മോഹൻലാൽ സാറുമൊക്കെ ശരീര ഭാരം കുറയ്ക്കുകയും കൂട്ടുകയും ചെയ്യാറില്ല? കഥാപാത്രങ്ങൾ വേണ്ടി... അതുപോലെയെയുള്ളൂ. എനിക്ക് ഭാര്യയില്ല... കുട്ടിയില്ല എന്നുള്ളതാണ് പലരുടേയും ഇപ്പോഴെത്ത വിഷമം. എന്റെ കാര്യം ഞാൻ നോക്കിക്കോളം' ബാല പറഞ്ഞു.

ബാല-എലിസബത്ത് വേർപിരിയൽ പ്രശ്നങ്ങൾ ചർച്ചയാക്കപ്പെടുമ്പോഴും എലിസബത്ത് ഇത് വരെയും പ്രതികരണം നടത്തിയിട്ടില്ല. മാത്രമല്ല ഡാഡിയുടേയും മമ്മിയുടേയും വിവാഹ വാർ‌ഷിക ദിനത്തിന്റെ ആഘോഷത്തിൽ കൂടിയാണ് എലിസബത്ത്.

സ്ട്രോങ്ങായി മുമ്പോട്ട് പോകാൻ ആ കുട്ടിയ്ക്ക് കഴിയട്ടെയെന്നും ആരാധകർ ആശംസിക്കുന്നു. ബാലയുമായുള്ള ബന്ധം പിരിഞ്ഞ ശേഷം അമൃത ഇപ്പോൾ ​ഗോപി സുന്ദറുമായി പ്രണയത്തിലാണ്. ബാലയുടെ മകൾ അവന്തിക അമൃതയ്ക്കും കുടുംബത്തിനുമൊപ്പമാണ് കഴിയുന്നത്. ഷഫീക്കിന്റെ സന്തോഷമാണ് ഇനി പുറത്തിറങ്ങാനുള്ള ബാലയുടെ സിനിമ.