അസുഖബാധിതനായ സമയത്ത് എന്‌റെ വസ്തുവകകള്‍ വാങ്ങിച്ചാലോ എന്ന് ചര്‍ച്ച നടത്തിയവരുണ്ട്: ബാലചന്ദ്ര മേനോൻ

നാല്‍പത് സിനിമകളാണ് ബാലചന്ദ്ര മേനോന്‍ തന്റെ കരിയറില്‍ സംവിധാനം ചെയ്തത്. സംവിധാനത്തിന് പുറമെ നിര്‍മ്മാതാവ്, ഡിസ്ട്രിബ്യൂട്ടര്‍, എഡിറ്റര്‍, സിംഗര്‍, സംഗീത സംവിധായകന്‍ എന്നീ മേഖലകലിലും നടന്‍ തിളങ്ങി. അതേസമയം അസുഖ ബാധിതനായ സമയത്ത് സിനിമയില്‍ നിന്നും കുറച്ചുനാള്‍ വിട്ടുനിന്നിരുന്നു നടന്‍. ആ ദിവസങ്ങളെ കുറിച്ച് ഒരു ടെലിവിഷന്‍ അഭിമുഖ പരിപാടിയില്‍ ബാലചന്ദ്ര മേനോന്‍ മനസുതുറന്നിരുന്നു.

എനിക്ക് അസുഖം വന്നപ്പോള്‍ എന്റെ ജീവിതം തീരുകയില്ലെന്ന് എറ്റവും വിശ്വസിച്ചത് ഭാര്യയാണെന്ന് നടന്‍ പറയുന്നു. ബാലചന്ദ്ര മേനോന്റെ വാക്കുകളിലേക്ക്: എനിക്ക് അസുഖം വന്നപ്പോള്‍ നമ്മുടെ ബന്ധങ്ങള്‍ മനസിലാക്കാന്‍ സാധിച്ചു. നമ്മുടെ എറ്റവും പ്രിയപ്പെട്ടവര്‍ എന്ന് കരുതുന്ന വ്യക്തി നമ്മുടെ അവസ്ഥ വന്നപ്പോള്‍ അദ്ദേഹം കണ്ണടയുന്നതിന് മുന്‍പ് നമ്മുടെ വസ്തുവകകള്‍ വാങ്ങിക്കാലോ എന്ന് ചര്‍ച്ച നടത്തിയ മനസ്ഥിതിക്കാരെ എനിക്ക് കാണാന്‍ സാധിച്ചു എന്നത് ദൈവം നല്‍കിയ വലിയൊരു പാഠമാണ്.

അതേസമയം എന്നാലും ശരത് എന്ന ചിത്രമായിരുന്നു ബാലചന്ദ്ര മേനോന്റെതായി ഒടുവില്‍ പുറത്തിറങ്ങിയത്. നടന്‍ തന്നെയായിരുന്നു ചിത്രത്തില്‍ നായകനായകതും സംവിധാനം ചെയ്തതും. 2016ല്‍ പൃഥ്വിരാജ് സുകുമാരന്‍ നായകനായ ഊഴം എന്ന ചിത്രത്തിലും പ്രധാന വേഷത്തില്‍ ബാലചന്ദ്ര മേനോന്‍ അഭിനയിച്ചിരുന്നു. സൂപ്പര്‍താരങ്ങളുടെയും യുവതാരങ്ങളുടെയുമെല്ലാം സിനിമകളില്‍ പ്രധാന വേഷങ്ങളില്‍ നടന്‍ അഭിനയിച്ചു.