വീഡിയോ ഫോണിൽ കാണിക്കാൻ ലാലേട്ടൻ പറഞ്ഞു, ഫിംഗർ സെൻസർ വർക്ക്‌ ചെയ്യുന്നില്ല, ബാലാജിയുടെ കുറിപ്പ്

ഒരു ഹ്രസ്വചിത്രം മത്സരം ചെന്നൈയിൽ നടക്കുന്നു . മുഖ്യാഥിതി നമ്മുടെ ലാലേട്ടൻ . സാധനം കയ്യിലുണ്ടോ അയച്ചിട്ടുള്ളത് കൊണ്ട് ഞാനും
ക്ഷണിക്ക പെട്ടിട്ടുണ്ട് . ലാലേട്ടൻ എത്തിക്കഴിഞ്ഞായിരുന്നു ദൈവാനുഗ്രഹത്താൽ എന്റെ ഷോർട് ഫിലിം പ്രദർശിപ്പിച്ചത് . ക്ലൈമാക്സ് കണ്ടു പൊട്ടിച്ചിരിക്കുന്ന ലാലേട്ടനെ കണ്ടപ്പോൾ എനിക്ക് സമാധാനമായി . ഇനിയിപ്പോൾ എൻഡ് ടൈറ്റിൽ അതിൽ രചന സംവിധാനം ബാലാജി എന്നും കൂടെ കണ്ടാൽ രക്ഷപെട്ടു . ഐയ്യോ കഴിഞ്ഞതും പുള്ളിക്കാരൻ എഴുന്നേറ്റു ... ഛെ !!!കട്ട്

ഒരു ടി സ്റ്റാളിൽ ലാലേട്ടനെ പോലെ ഒരാളെ കണ്ടു ഓടി അടുത്ത് ചെന്നിട്ടു കബളിപ്പിക്കപ്പെട്ട അവസ്ഥയിൽ നിൽക്കുമ്പോൾ അവർ പറയുന്നത് കേട്ടു "" മോഹൻലാൽ വരുന്നുണ്ട് ഇവിടെ ഒരു ഫങ്ക്ഷന് ... ആരെയും അറിയിച്ചിട്ടില്ല വന്നാൽ ജനം കൂടും ..മുന്തിയ ഹോട്ടലിന്റെ പേരും പറഞ്ഞു . എനിക്ക് ലഡു പൊട്ടി . ഞാൻ വണ്ടി സ്റ്റാർട്ട് ആക്കുന്നു ... ഛെ സ്റ്റാർട്ട് ആവുന്നില്ലല്ലോ .. ഇതെന്തു ഭാഗ്യക്കേടാണ് ദൈവമേ??

ഒരു ചിത്രാഞ്ജലി സ്റ്റുഡിയോ പോലൊരു സ്ഥലം ... അവിടെ ഞാൻ എന്തോ പരിപാടിക്ക് വന്നിട്ട് തിരിച്ചു വരുന്ന വഴിയിൽ അതാ ഇരുപതാം നൂറ്റാണ്ടിൽ വരുന്ന പോലെ എയർപോർട്ട് ഓഫീസറുടെ വസ്ത്രത്തിൽ ലാലേട്ടൻ ... മാരുതി കാറിൽ ..ഇങ്ങേരു പൊളിക്കും ... ഇതെന്താ ഷൂട്ടിംഗ് ആണോ ?? പുള്ളിക്കാരനെ കണ്ടാൽ കാര്യം നടക്കും . അപ്പോൾ ദേ എന്നെ വിളിക്കുന്നു ... ക്ലൈമാക്സ് കൊള്ളാം കേട്ടോ മോനെ "! ഞാൻ നന്ദി കൊണ്ട് വീർപ്പുമുട്ടി അടുത്ത് ചെന്ന് തൊഴുതു . നമ്മുടെ കാര്യം എടുത്തിടാം .. "ലാലേട്ടാ .ഞാൻ അടുത്തൊരെണ്ണം ചെയ്തിട്ടുണ്ട് അതൊന്നു കണ്ടിട്ട് ആറു മിനിറ്റ് മാത്രമേ ഉള്ളു .... പ്ളീസ് .. ". പുഞ്ചിരിയോടെ അദ്ദേഹം എന്റെമൊബൈലിൽ കാണിക്കാൻ ആവശ്യപെടുന്നു ..ഞാൻ നോക്കിയിട്ടു ഇതു ഓപ്പൺ ആക്കാൻ പറ്റുന്നില്ല .... സ്ക്രീൻ ലോക്ക് ആണ് . ഫിംഗർ സെൻസർ വർക്ക്‌ ചെയ്യുന്നില്ല .. ഞാൻ പാസ്സ്‌വേർഡ് ഓർത്തെടുക്കാൻ നോക്കുന്നു കിട്ടുന്നില്ല ... ലാലേട്ടൻ അക്ഷമനായി പറഞ്ഞു . മോൻ
എനിക്കയച്ചു തന്നാൽ മതി ... ഒരു പേപ്പറിൽ നമ്പർ എഴുതിക്കോളൂ ... അവിടെ എല്ലാരോടും ചോദിച്ചിട്ടും ആരും തരുന്നില്ല !!!! ഛെ കട്ട്

രാവിലെ എഴുന്നേറ്റു സ്വപ്നത്തിന്റെ ഹാങ്ങ് ഓവറിൽ ഇരിക്കുന്ന എനിക്ക് ചായ കൊണ്ടുതന്നു കൊണ്ട് ഭാര്യ " അതല്ലേ നിങ്ങളോടു എപ്പോഴും ഞാൻ പറയുന്നേ .. ആ password എനിക്ക് കൂടി പറഞ്ഞു തരാൻ ... ഞാൻ ഹെൽപ്പ് ചെയ്യിലായിരുന്നോ !!??!! അവളെ ഞാൻ എന്തു റിയാക്ഷന് കൊടുത്തു നോക്കി എന്ന് ഇപ്പോഴും അറിയില്ല ... പോകട്ടെ യൂട്യൂബിൽ എത്ര വ്യൂസ് ആയിന്നു നോക്കട്ടെ .... ഇപ്പോൾ ഇതാണത്രേ എന്റെ ജോലി