'നീ ചെയ്തത് നന്നായി, അച്ഛനെ ഇങ്ങനെ വേണം സപ്പോർട്ട് ചെയ്യാൻ എന്നാണ് ദുൽഖർ പറഞ്ഞത്'; ട്രോൾ വിഷയത്തിൽ ​ഗോകുൽ!

ഇതിന് നല്ല കുറിക്ക് കൊള്ളുന്ന മറുപടി ​സുരേഷ് ​ഗോപിയല്ല മകൻ ​ഗോകുൽ സുരേഷാണ് നൽകിയത്. 'ലെഫ്റ്റ് സൈഡിൽ നിന്റെ തന്തയും റൈറ്റ് സൈഡിൽ എന്റെ തന്തയും' എന്നാണ് ഗോകുല്‍ അന്ന് മറുപടി നൽകിയത്.

എന്നാൽ അത് താൻ തഗ്‌ ലൈഫ് മോഡില്‍ പറഞ്ഞ മറുപടി അല്ലെന്നും താൻ അത് മനസിൽ വേദന വന്നപ്പോൾ ചെയ്ത കാര്യമാണെന്നുമാണ് ഗോകുൽ സുരേഷ് പിന്നീട് അഭിമുഖങ്ങളിൽ പറഞ്ഞത്.

'എന്റെ അച്ഛൻ ഒരു അഴിമതിക്കാരൻ ആയിരുന്നുവെങ്കിൽ ഇത്തരത്തിൽ ഉള്ള ട്രോളിന് ഒന്നും ഞാൻ പ്രതികരിക്കുകയില്ലായിരുന്നു.'

'അച്ഛൻ ഉണ്ടാക്കുന്ന പണത്തിൽ നിന്നും നിന്നും പലർക്കും പണം നൽകിയിട്ടുണ്ട് എന്നാൽ ന്യായം വിട്ടിട്ടാണ് പലരും അച്ഛനോട് സംസാരിച്ചത്. ഇത്രയും കാലം ഒന്നും പറയാതെ ഞാൻ ഇരിക്കുകയായിരുന്നു‌വെന്നും' ​ഗോകുൽ സുരേഷ് പറഞ്ഞിരുന്നു.

രാത്രി പന്ത്രണ്ട് മണിക്കാണ് ട്രോൾ കണ്ടതെന്നും അതും നോക്കി പുലർച്ചെ നാല് മണിവരെ ഇരുന്നുവെന്നും വീട്ടിൽ കേറി അയാളെ ഇടിക്കാൻ തോന്നിയിരുന്നുവെന്നും ​ഗോകുൽ സുരേഷ് പറഞ്ഞിരുന്നു.

​ഗോകുൽ പ്രതികരിച്ച ശേഷം സംഭവം വാർത്തയായപ്പോഴാണ് താനും ഇത് ശ്രദ്ധിച്ചതെന്ന് സുരേഷ് ​ഗോപിയും അഭിമുഖങ്ങളിൽ പറഞ്ഞിരുന്നു.

അതിന്റെ പേരിൽ ​ഗോകുലിനെ അഭിനന്ദിക്കാൻ പോയിട്ടില്ലെന്നും ആ ട്രോളിട്ട വ്യക്തിയുടെ അച്ഛനെ കുറിച്ചായിരുന്നു ചിന്ത മുഴുവനുമെന്നും സുരേഷ് ​ഗോപി പറഞ്ഞിരുന്നു.

ട്രോളും മറുപടിയും വൈറലായ ശേഷം നടൻ ദുൽഖർ സൽമാൻ തനിക്ക് അയച്ച മെസേജിനെ കുറിച്ച് വെളിപ്പെടുത്തിയിരിക്കുകയാണ് ഇപ്പോൾ ​ഗോകുൽ സുരേഷ് റെഡ് എഫ്എമ്മിന് നൽകിയ അഭിമുഖത്തിൽ. 'എനിക്ക് ഏറ്റവും കൂടുതൽ അഭിനന്ദനം ആളുകളിൽ നിന്ന് കിട്ടിയത് ഒരാളുടെ തന്തയ്ക്ക് വിളിച്ചപ്പോഴാണ്.'

'ദുൽഖർ വിളിച്ചിട്ട് നല്ലതായടാ... നീ ഇങ്ങനെ ചെയ്തത് എന്നാണ് എന്നോട് പറഞ്ഞത്. മെസേജിലൂടെയാണ് ദുൽഖർ പറഞ്ഞത്. ഞാൻ വിചാരിച്ചത് ദുൽഖർ വഴക്ക് പറയാൻ മെസേജ് അയച്ചതായിരിക്കുമെന്നാണ്.'

'എന്തിനാണ് ഇങ്ങനത്തെ ചെറിയ കാര്യങ്ങളിൽ തലയിടുന്നത് എന്നായിരിക്കും മെസേജ് എന്നാണ് കരുതിയത്. പേടിച്ചാണ് മെസേജ് തുറന്നത്.'

'പക്ഷെ ഡിക്യു എന്നെ കൺ​ഗ്രാജുലേറ്റ് ചെയ്തു. ഇങ്ങനെ ചെയ്തത് നന്നായി.... അച്ഛനെ ഇങ്ങനെ വേണം സപ്പോർട്ട് ചെയ്യാൻ എന്നൊക്കെ മെസേജിൽ പറഞ്ഞിരുന്നു' ​ഗോകുൽ സുരേഷ് പറഞ്ഞു.