വറുത്ത മീനിലൂടെ പ്രേമ ലേഖനം തന്ന സിസിലി; അധികമാര്‍ക്കും അറിയാത്ത പ്രണയകഥ പറഞ്ഞ് നടന്‍ ഇന്നസെന്റ്

'ഞാന്‍ കമ്പനി നടത്തുന്ന കാലത്ത് ചിലപ്പോഴൊക്കെ ചോറ് കൊണ്ട് വരുന്ന പരിപാടി ഇല്ല. അങ്ങനെ വരുന്ന ദിവസങ്ങളില്‍ അവിടെയൊരു ചെറിയ ഹോട്ടലുണ്ട്. അവിടുന്നാണ് ഭക്ഷണം വാങ്ങിക്കുന്നത്. കമ്പനിയിലെ ജോലിക്കാരന്‍ പോയി വാങ്ങി കൊണ്ട് വരും. എന്റെയൊപ്പം ഇളയാപ്പന്റെ മകന്‍ ജോസ്, ഒരു ഉണ്ണികൃഷ്ണന്‍ എന്നിവരുമുണ്ട്. ഒരു പൊതിയിലായിരിക്കും ചോറ്. അത് വാങ്ങി കെണ്ട് വരുന്നവനോട് ഇന്നസെന്റ് ചേട്ടനാണെന്ന് പറയണമെന്ന് പറഞ്ഞിട്ടുണ്ട്. കാരണം നല്ലത് എന്തെങ്കിലുമൊക്കെ കിട്ടുമല്ലോന്ന് കരുതി'.

വിവാഹനിശ്ചയം കഴിഞ്ഞാണ് രാധികയെ കാണുന്നത്; അച്ഛനും അമ്മയും കണ്ടെത്തിയ പെണ്‍കുട്ടി ഭാര്യയായെന്ന് സുരേഷ് ഗോപി

അവിടെ ഒരു പെണ്‍കുട്ടിയുണ്ട്. അവര്‍ക്ക് എന്നെയും എനിക്ക് അവരെയും അറിയാം. ഒരു ദിവസം ജോണി ഭക്ഷണം വാങ്ങി വന്നിട്ട് ഈ പൊതി ഇന്നസെന്റ് ചേട്ടന്റെ ആണൂട്ടോ, സിസിലി ചേച്ചി പ്രത്യേകം പറഞ്ഞിട്ടുണ്ടെന്നും പറഞ്ഞു. അത് കമ്പനിയിലെ എല്ലാവരും കേട്ടു. അവിടെ കുറേ പെണ്‍കുട്ടികളും ജോലി ചെയ്യുന്നുണ്ട്. അവരെല്ലാം ഇത് കേട്ടു. ഇതിനിടെ ഇളയപ്പന്റെ മകന്‍ നിനക്ക് മാത്രം എന്താണ് പ്രത്യേക പൊതി എന്ന് പറഞ്ഞ് അത് തുറന്ന് നോക്കി.

സുരേഷ് ഗോപിയ്‌ക്കൊപ്പം മോഹന്‍ലാലും മമ്മൂട്ടിയും; ഒടുവില്‍ സൂപ്പര്‍താരങ്ങള്‍ ഒരുമിച്ചെത്തിയ നിമിഷമിങ്ങനെ

ഒരു കുഴപ്പവുമില്ല, എല്ലാവര്‍ക്കും ചോറും കറികളും ഒരുപോലെയുണ്ട്. അതോടെ അവര്‍ അടങ്ങി. പക്ഷേ ചോറ് കഴിച്ച് തുടങ്ങിയപ്പോഴാണ് അതിന്റെ ഇടയില്‍ ഒരു കറുത്ത സാധനം പോലെ കണ്ടത്. എന്തോ കുഴപ്പമുണ്ടല്ലോ എന്ന് കരുതി ചോറ് മാറ്റി നോക്കിയപ്പോള്‍ അതിനകത്ത് ഒരു അയല മീന്‍ വറുത്തത് ഇരിക്കുന്നു. അതിന്റെ മുകളിലാണ് ചോറ്. അത് കണ്ടതോടെ എനിക്കാകെ വിഷമമായി.

മകന്‍ ജനിച്ച ശേഷം അദ്ദേഹത്തിനൊപ്പം ജീവിച്ചിട്ടില്ല; ഭര്‍ത്താവ് രവിചന്ദ്രനുമായി പിരിഞ്ഞതിനെ പറ്റി ഷീല

ഞാന്‍ ആ പെണ്ണിനെ കണ്ടിട്ട് പോലുമില്ല. പക്ഷേ ചോറ് കഴിച്ചതിന് ശേഷം കമ്പനിയിലെ എല്ലാവരുടെയും മുന്നില്‍ വെച്ച് ഇളയപ്പന്റെ മോന്‍ എന്നെ കളിയാക്കി. വറുത്ത അയലയില്‍ പ്രേമം എന്നാണ് അവന്‍ വിളിച്ച് പറഞ്ഞത്. പിറ്റേ ദിവസമൊക്കെ ചോറ് വരുമ്പോള്‍ പിള്ളേര്‍ കളിയാക്കും. സിസിലി അതിലെന്തെങ്കിലും വെച്ചിട്ടുണ്ടാവുമെന്ന് അവര്‍ പറയുമായിരുന്നതായി ഇന്നസെന്റ് പറഞ്ഞു.