വരദ ഗര്‍ഭിണിയാണോ? അതിഥിയെന്ന വാക്ക് കണ്ട് ഞാനും തെറ്റിദ്ധരിച്ച് പോയെന്ന് ജിഷിന്‍!

വരദ ഗർഭിണിയാണോ

ഒരു വാർത്ത കൊടുക്കുമ്പോൾ അതിന്റെ തലക്കെട്ട് മനസ്സിലാകുന്ന രീതിയിൽ കൊടുക്കൂ പ്ലീസ്. ഈ തലക്കെട്ട് മാത്രം കണ്ട്, വാർത്ത മുഴുവൻ വായിച്ചു നോക്കാതെ, വരദ ഗർഭിണിയാണോ എന്ന് എത്ര പേര് വിളിച്ചു ചോദിച്ചെന്നോ. ഞാൻ ആണെങ്കിൽ അവളെ കണ്ടിട്ട് തന്നെ 2 മാസം ആയി. ഞാൻ അറിയാതെ എന്റെ ഭാര്യ ഗർഭിണി ആയോ എന്നറിയാൻ ഉളുപ്പില്ലാതെ എനിക്ക് അവളെ വിളിച്ചു ചോദിക്കേണ്ടി വന്നു.

Recommended Video

Aashiq Abu's reply to BJP cyber attack regarding his new movie with Prithviraj Sukumaran

സംഭവം മനസ്സിലായത്

പ്ഫാ' എന്നൊരു ആട്ട് ആയിരുന്നു ആദ്യം കിട്ടിയത്. കയ്യിന്നു തെറിച്ചു പോയ മൊബൈൽ എങ്ങനെയോ എടുത്തു ചെവിയിൽ വച്ചപ്പോൾ ബാക്കി ഡയലോഗ്. 'ആകുമ്പോൾ അറിയിക്കാം കേട്ടോ' എന്ന്. അവളുടെ മറുപടി കേട്ടു ചമ്മി ഇരിക്കുമ്പോൾ ആണ് ഒരാൾ വാർത്തയുടെ ലിങ്ക് അയച്ചു തന്നത്. ആ വാർത്ത മുഴുവൻ വായിച്ചു നോക്കിയപ്പോഴല്ലേ സംഭവം മനസ്സിലായതെന്നും ജിഷിന്‍ പറയുന്നു.

അനുജൻ വിവാഹിതനാവുന്നു

വരദയുടെ അനുജൻ വിവാഹിതൻ ആകുന്നു, കെട്ടിക്കൊണ്ടു വരാൻ പോകുന്ന പെണ്ണിനെ ആണ് ഇവർ പുതിയ അതിഥി എന്ന് ഉദ്ദേശിച്ചത് എന്ന്. എന്നാലും ഈ കൊലച്ചതി എന്നോട് വേണ്ടായിരുന്നു . സാമൂഹിക അകലം പ്രാപിച്ചു ഗർഭിണി ആയ ആദ്യ ദമ്പതികൾ എന്ന അവാർഡ് നമുക്ക് കിട്ടിയേനെ. ഇനിയെങ്കിലും ഇങ്ങനെ ക്യാപ്ഷൻ കൊടുക്കുമ്പോൾ ഇത് പോലെ തെറ്റിദ്ധരിപ്പിക്കുന്ന ക്യാപ്ഷൻ കൊടുക്കല്ലേ പ്ലീസ്. അവളുടെ വായിലിരിക്കുന്നത് കേൾക്കാൻ വയ്യ. അതുകൊണ്ടാ.

കമന്‍റുകളുമുണ്ട്

ക്യാപ്ഷന്‍ കറക്റ്റാണ്. പറഞ്ഞതിൽ തെറ്റാന്നുമില്ല. കുടുംബത്തിൽ പുതിയ ഒരു അതിഥി ' എന്നു പറഞ്ഞാൽ കുഞ്ഞു മാത്രമല്ലല്ലോ. കാള പെറ്റു കയറെടുക്ക്" എന്ന രീതിയിൽ സ്വന്തം ഭാര്യയെ വിശ്വാസമില്ലാതെ അവളെ ഫോണിൽ വിളിച്ച് "സംഭവം" ശരിയാണോ എന്നു ചോദിച്ച നിന്നെയുണ്ടല്ലോയെന്ന കമന്‍‍റുമുണ്ടായിരുന്നു.