ഞാൻ ഇരയല്ല, അതിജീവിച്ചവളാണ്!! സഹപ്രവർത്തകരിൽ നിന്നുള്ള മോശനുഭവത്തെ കുറിച്ച് പാര്‍വതി

സഹപ്രവർത്തകരിൽ നിന്ന്

സിനിമ രംഗത്തുള്ള സഹപ്രവർത്തകരിൽ നിന്നാണ് തനിയ്ക്ക് മോശമായ അനുഭവം ഉണ്ടായതെന്ന് പാർവതി പറഞ്ഞു. എന്നാൽ ആരുടേയും പേരെടുത്തു പറയാതെയായിരുന്നു താരത്തിന്റെ വെളിപ്പെടുത്തൽ. ഇതിന്റെ പേരിൽ ആരേയും ശിക്ഷിക്കാനല്ല . ഇതെല്ലാം സിനിമയിൽ സർവ്വ സാധാരണമാണെന്ന ബോധവൽക്കരണത്തിനാണ്. അതേ സമയം ഇത്തരത്തിലുള്ള തെറ്റ് ചെയ്യുന്നവർ ക്രിമിനലുകളാണെന്നും പാർവതി പറഞ്ഞു.

ആ അവസ്ഥയിൽ താനും കടന്നു പോയി

എന്റെ ഏറ്റവും അടുത്ത സുഹൃത്തായ നടി ആക്രമിക്കപ്പെട്ടപ്പോൾ താൻ ഒരു ചിത്രത്തിന്റെ ഷൂട്ടിങ് ലൊക്കേഷനിലായിരുന്നു. ഒരു സന്തോഷമായ സീനായിരുന്നു തനിയ്ക്ക് അഭിനയിക്കേണ്ടത്. എന്നാൽ ആരും സഹായിക്കാനില്ലാതെയുള്ള അവളുടെ അവസ്ഥ തനിയ്ക്ക് നല്ലതു പോലെ അറിയാം. താനും അത്തരത്തിലുളള ഒരു അവസ്ഥയിലൂടെ കടന്നു പോയിട്ടുണ്ട്. എന്താണ് സംഭവിക്കുന്നതെന്ന് മനസിലാകാതെ സഹായം ആവശ്യപ്പെട്ടു പോകുന്ന ആ അവസ്ഥ. .

ഞാൻ ഇരയല്ല

അതേസമയം താൻ ഒരിക്കലും ഇരയല്ല. ഞാൻ അതിൽ നിന്ന് പുറത്ത് കടന്ന വ്യക്തിയാണ്. തനിയ്ക്ക് പീഡനമേൽക്കേണ്ടി വന്നത് സഹപ്രവർത്തകരിൽ നിന്നാണ്. ഇങ്ങനെയുള്ള സംഭവങ്ങൾ കാലം മാറിയാലും നമ്മുടെ സിനിമ ലോകത്തിന് വലിയ മാറ്റമൊന്നും സംഭവിച്ചിട്ടില്ലെന്നും താരം പറഞ്ഞു.

വഴങ്ങി തരണമെന്നുളള സന്ദേശം

വെറും ഒരു സംഘടനയല്ല ഡബ്യൂസിസി. സിനിമയിലെ ആൺ മോൽകോയ്മയ്ക്കെതിരെ വെറുതെയല്ല ഇവർ പോരിനിറങ്ങിയത്. മലയാള സിനിമയെ തന്നെ തകർക്കാനാ‍ ശേഷിയുള്ള മാരകപ്രഹര ശേഷിയുള്ള ബോംബുകൾ ഇവരുടെ പക്കലുണ്ട്. വഴങ്ങി തരണമെന്ന് ആവശ്യപ്പെട്ടു കൊണ്ടുള്ള പല ശബ്ദരേഖകളും ഇവരുടെ പക്കലുണ്ട്. ഇത് സിനിമ മേഖലയിൽ തന്നെയുള്ളവർ അയച്ചതാണ്. അതും സിനിമയിലെ പുതുമുഖങ്ങൾക്ക്.

താരങ്ങൾ മുതൽ പ്രൊഡക്ഷൻ വിഭാഗം വരെ

താരങ്ങൾ മുതൽ പ്രൊഡക്ഷൻ വിഭാഗത്തിലുള്ളവരുടെ ശബ്ദം ഡബ്യൂസിസിയുടെ പക്കലുണ്ടെന്നു സംഘടനയിലെ ഒരു അംഗം വ്യക്തമാക്കിയിരുന്നു. കൂടാതെ തങ്ങൾ അപമാനത്തിന് ഇരയായിട്ടുണ്ടെന്നുള്ള ചില പെൺകുട്ടികളുടെ പരാതിയും ഡബ്ല്യൂസിസിയ്ക്ക് ലഭിച്ചിട്ടുണ്ട്. ഇതെല്ലാം വേണ്ട സമയത്ത് ഉപയോഗിക്കുമെന്ന് ഡബ്ല്യു.സി.സി അമ്മയ്ക്ക് മുന്നറിയപ്പ് നൽകിട്ടുണ്ടെന്നുള്ള റിപ്പോർട്ടുകളാണ് പുറത്തു വരുന്നത്.