'ചിലർ ചെക്ക് തരുമ്പോൾ പാഷാണം ഷാജി എന്നെഴുതും'; പുലിവാല് പിടിച്ച കഥ വിവരിച്ച് സാജു നവോദയ!

മിമിക്രി വേദികളിലെ അദ്ദേഹത്തിന്റെ പ്രകടനം ടെലിവിഷൻ ചാനലുകളിൽ പ്രോഗ്രാമുകൾ അവതരിപ്പിയ്ക്കാനുള്ള അവസരങ്ങൾ നേടിക്കൊടുത്തു. മഴവിൽ മനോരമയിലെ റിയാലിറ്റി കോമഡി പ്രോഗ്രാമിലൂടെ ശ്രദ്ധേയനായ സാജു നവോദയ. സാജുവിന്റെ പാഷാണം ഷാജി എന്ന കോമഡി കഥാപാത്രം വളരെയധികം ശ്രദ്ധിക്കപ്പെട്ടു. ഏഷ്യാനെറ്റിലെ കോമഡി പ്രോഗ്രമുകളിലും അദ്ദേഹം പങ്കെടുത്തിരുന്നു. 2014ൽ മാന്നാർ മത്തായി സ്പീക്കിങ്ങ് 2 എന്ന സിനിമയിലൂടെയാണ് സാജു സിനിമാഭിനയരംഗത്തേക്കെത്തുന്നത്. തുടർന്ന് വെള്ളിമൂങ്ങ, അമർ അക്ബർ അന്തോണി, ആടുപുലിയാട്ടം എന്നിവയുൾപ്പെടെ അമ്പതിലധികം സിനിമകളിൽ അഭിനയിച്ചു. ആടുപുലിയാട്ടത്തിൽ സാജു നവോദയ ഒരു ഗാനവും ആലപിച്ചിട്ടുണ്ട്. 2018 ൽ കരിങ്കണ്ണൻ എന്ന സിനിമയിൽ നായകവേഷത്തിലും അഭിനയിച്ചിട്ടുണ്ട്.

2019ൽ വട്ടമേശസമ്മേളനം എന്ന ചിത്രം സാജു സംവിധാനം ചെയ്തിരുന്നു. ഏഷ്യാനെറ്റിൽ സംപ്രേഷണം ചെയ്ത ബിഗ്ബോസ് സീസൺ 2 വിൽ മത്സരാർത്ഥിയായിരുന്നു. രണ്ടാം സീസണിൽ‌ ഏറ്റവും കൂടുതൽ ശ്രദ്ധിക്കപ്പെട്ട മത്സരാർഥികളിൽ ഒരാളും സാജുവായിരുന്നു. എല്ലാവരെയും തമ്മിൽ തല്ലിക്കാൻ അപാരമായ മിടുക്കുള്ള ഒരു നാട്ടിൻപുറത്തെ പാഷാണമായിരുന്നു സാജു മഴവിൽ മനോരമയിലെ സ്കിറ്റിൽ അവതരിപ്പിച്ച പാഷണം ഷാജി എന്ന കഥാപാത്രം. പത്തുമാസം കൊണ്ട് പാഷാണം ഷാജി ഹിറ്റായി. തനിക്ക് ജീവിതം തന്നത് പാഷാണം ഷാജിയാണെന്ന് സാജു പലപ്പോഴും പറയാറുണ്ട്. അതുകൊണ്ട് ഒരാൾ പാഷാണം എന്നു വിളിച്ചാൽ താൻ സന്തോഷത്തോടെ വിളികേൾക്കുമെന്നും മനോജ് ഗിന്നസിന്റെ നവോദയ ട്രൂപ്പിനൊപ്പം പോയപ്പോൾ മനോജിട്ട പേരാണു സാജു നവോദയ എന്നും താരം പറയാറുണ്ട്.

Recommended Video

Anoop Krishnan Aishwarya Wedding | FilmiBeat Malayalam

പാഷാണം ഷാജി എന്ന പേരിൽ അറിയപ്പെടാൻ തുടങ്ങിയ ശേഷം സംഭവിച്ച ചില രസകരമായ കാര്യങ്ങൾ പങ്കുവെച്ചിരിക്കുകയാണ് ഇപ്പോൾ സാജു നവോദയ. അമൃത ടിവിയിലെ ഫൺസ് അപ്പോൺ എ ടൈം പരിപാടിയിൽ അതിഥിയായി എത്തിയതായിരുന്നു സാജു നവോദയ. നടി ഡെയാനയും രമേഷ് പിഷാരടിയുമായിരുന്നു പരിപാടിയുടെ അവതാരകൻ. എന്നെങ്കിലും പാഷണം ഷാജി എന്ന പേര് സാജു നവോദയയ്ക്ക് ബാധ്യതയായിട്ടുണ്ടോയെന്ന് ചോദിച്ചപ്പോഴാണ് പേര് മൂലം സംഭവിച്ച ചില രസകരമയ കാര്യങ്ങൾ സാജു നവോദയ പങ്കുവെച്ചത്. 'പാഷാണം ഷാജി ഉള്ളത് കൊണ്ടാണ് വീട്ടിൽ അരി മേടിക്കുന്നത്. അതുകൊണ് ആ പേര് വിളിക്കുന്നതിൽ വിഷമമോ ആ പേര് കൊണ്ടുനടക്കുന്നത് ബാധ്യതയായോ തോന്നിയിട്ടില്ല. എന്റെ കുടുംബത്തിലെ പുതുതലമുറക്കാർക്ക് എന്റെ യഥാർഥ പേര് അറിയില്ല. ചിലപ്പോൾ പരിപാടികൾക്ക് പോയി വരുമ്പോൾ പാഷാണം ഷാജിയെന്ന പേരിൽ ചിലർ ചെക്ക് തരുമ്പോൾ വലഞ്ഞിട്ടുണ്ട്. കാര‌ണം ആ പേരിൽ എനിക്ക് ബാങ്ക് അക്കൗണ്ട് ഇല്ല'സാജു നവോദയ പറയുന്നു.