സീരിയലിൽ ആ ഭാഗ്യം കിട്ടിയത് എനിക്കായിരുന്നു, തുറന്ന് പറഞ്ഞ് മിനിസ്ക്രീൻ പ്രേക്ഷകരുടെ പ്രിയ താരം

സിരിയൽ അഭിനയത്തോടൊപ്പം തന്നെ ഡബ്ബിങ് മേഖലയിലും ശരൺ സജീവമാണ്. മലയാളത്തിലെ പല ന്യൂജെൻ താരങ്ങൾക്കും തുടക്കകാലത്ത് ശബ്ദം നൽകിയത് താനാണ്. കൂടാതെ മിക്ക മൊഴിമാറ്റ സിനിമകളിലും നയകന്മാർക്ക് ശബ്ദ കൊടുക്കുന്നുമുണ്ട്. ഇപ്പോൾ മിനിസ്ക്രീനിനൊപ്പം സിനിമയിലും അഭിനയിച്ചു തുടങ്ങിയിട്ടുണ്ട്. അഭിമുഖത്തിൽ പറഞ്ഞു,

ഞാനും അച്ഛനും അമ്മയും സഹോദരിയും ചേർന്നതായിരുന്നു ആദ്യം ഞങ്ങളുടെ കുടുംബം. പട്ടാമ്പി പുതുമനയായിരുന്നു അച്ഛന്റെ തറവാട്. ജനിച്ചു വളർന്നത് പാലക്കാട് നല്ലേപ്പിള്ളിയുടെ വീട്ടിലാണ്. അതൊരു അഗ്രഹാരത്തിന്റെ ഭാഗമായൊരു വീടായിരുന്നു. നിരനിരയായ വീടുകൾ. മുന്നിൽ കോലം വരച്ച ചെറുവഴികൾ. എപ്പോഴും ഒരു പോസിറ്റീവ് എനർജി നിറയുന്ന ഒരു അന്തരീക്ഷമായിരിക്കും. കൂടാതെ തുറന്ന ഇടങ്ങളാണ് അവിടത്തെ മറ്റൊരു പ്രത്യേകത.

2004 ആയിരുന്നു വിവാഹം. ആ വർഷം തന്നെ എറണാകുളത്തേയ്ക്ക് ഞങ്ങൾ ഷിഫ്റ്റ് ചെയ്തു. ഇപ്പോൾ കലൂർ സ്റ്റേഡിയത്തിനു സമീപം ഒരു ഫ്‌ളാറ്റിലാണ് താമസം. ഞാൻ ഷൂട്ടിന് പോകുമ്പോൾ കുടുംബത്തിന്റെ സുരക്ഷിതത്വത്തിന് ഫ്ലാറ്റാണ നല്ലത് എന്ന തിരിച്ചറിവിൽ നിന്നാണ് ഫ്ലാറ്റിലേയ്ക്ക് താമസം മാറിയത്. ഭാര്യ റാണി ഫ്രീലാൻസ് ജേണലിസ്റ്റാണ്. മകൾ ഗൗരി ഉപാസ, എട്ടാം ക്ലാസിൽ പഠിക്കുന്നു. ലോക്ക് ഡൗൺ കാലം ഫ്ലാറ്റിൽ തന്നെയായിരുന്നു. ലോക്ഡൗൺ കഴിയാറായപ്പോഴാണ് വണ്ടി എടുത്തു പുറത്തേക്കൊന്നിറങ്ങിയത്.

എല്ലാവരേയും പോലെ വളരെ ക്രിയേറ്റിവായിട്ടാണ് ലോക്ക് ഡൗൺ കാലം ചെലവഴിച്ചത്, മകൾക്കൊപ്പം നാല് ഷോർട് ഫിലിമുകൾ ചെയ്തു. നാലും മൊബൈലിൽ ചിത്രീകരിച്ചതാണ്. മനോരമ ഡോട് കോമിന് നൽകിയ അഭിമുഖത്തിൽ പറഞ്ഞു. കൂടാതെ സിനിമയിലെ അടുത്ത സുഹൃത്തുക്കളുടെ ഓൺലൈൻ കൂട്ടായ്മ വഴി ഒരു ആൽബവും ചിത്രീകരിച്ചു. അത് ഹിറ്റായിരുന്നു.വീണ്ടും ഷൂട്ടിങ് കാലത്തിലേക്ക് എത്താൻ കാത്തിരിക്കുകയാണെന്ന് താരം പറയുന്നു.