'കണ്ണ് തുറന്ന് നോക്കിയപ്പോൾ ആശുപത്രി കിടക്കയിൽ കൂടെ മോഹൻലാൽ കിടക്കുന്നതാണ് കണ്ടത്'; ടി.പി മാധവൻ പറയുന്നു!

അദ്ദേഹം ചെയ്ത നാല് സിനിമകളും വലിയ വിജയമായിരുന്നു. ഇപ്പോള്‍ മകന്‍ അച്ഛനെ തിരിഞ്ഞുപോലും നോക്കുന്നില്ല. അതേസമയം താൻ ഓപ്പറേഷൻ കഴിഞ്ഞ് ആശുപത്രിയിൽ കിടക്കുമ്പോൾ തനിക്ക് കൂട്ടിരിക്കാനെത്തിയ മോഹൻലാലിനെ കുറിച്ച് ടി.പി മാധവൻ പറഞ്ഞ കാര്യങ്ങളാണ് ഇപ്പോൾ സോഷ്യൽമീഡിയയിൽ വൈറലാകുന്നത്.

'രാവിലെ മുതലെ എന്നെ പുറത്തേക്ക് കാണാത്തത് കൊണ്ട് ഫ്ലാറ്റിന്റെ സെക്യൂരിറ്റ് എന്ത് പറ്റിയെന്ന് നോക്കാനായി വന്നു. എന്തോ ഭാ​ഗ്യത്തിന് ഞാൻ ഡോർ ലോക്ക് ചെയ്യാൻ മറന്നിരുന്നു.'

'അങ്ങനെ അയാൾ അകത്ത് വന്ന് നോക്കിയപ്പോൾ ഞാൻ നിലത്ത് വീണുകിടക്കുന്നതായി കണ്ടു. ഞാൻ മരണത്തെ പേടിക്കാത്ത ഒരുത്തനാണ്. മരണം എന്നെത്തേടി വരാത്ത സങ്കടമെ എനിക്കുള്ളു. ഇപ്പോൾ‌ സംതൃപ്തിയിലെത്തി നിൽക്കുന്ന സമയമാണ്.'

'ആ​​ഗ്രഹിച്ച ജോലി വരെ ചെയ്ത് സംതൃപ്തിയിൽ എത്തിയൊരാളാണ് ഞാൻ. ബ്രെയിനിൽ‌ ചെറിയ പ്രശ്നം വന്നിരുന്നു. ആശുപത്രിയിൽ കൊണ്ടുപോയി. അവിടുന്ന് എന്നെ ചികിത്സിക്കുന്നവർ പറഞ്ഞു ഒരു ലക്ഷം രൂപ എത്രയും പെട്ടന്ന് കൊണ്ടുവന്ന് അടച്ചാലെ ജീവൻ രക്ഷിക്കാൻ പറ്റുവെന്ന്.'

Also Read: 'മദ്യപിച്ച് മദോന്മത്തനായി വിവാഹ സ്ഥലത്ത് നിന്നിറങ്ങിയ മുകേഷ്'; വാർത്തയ്ക്ക് പിന്നിലെ സത്യാവസ്ഥ പറഞ്ഞ് നടൻ

'സംഭവമറിഞ്ഞ് ലോട്ടസ് ക്ലബ്ബിലെ അം​ഗങ്ങൾ വന്ന് ഒരു ലക്ഷം രൂപ അടച്ചു. ഞാനും ആ ക്ലബ്ബിലെ അം​ഗമാണ്. ഉടൻ തന്നെ അവർ എന്റെ ഓപ്പറേഷൻ നടത്തി. ഇതൊന്നും നടന്നത് ഞാൻ‌ അറിഞ്ഞില്ല. ഓപ്പറേഷൻ കഴിഞ്ഞ് രണ്ടാമത്തെ ദിവസമാണ് ഞാൻ കണ്ണ് തുറന്നത്.'

'കണ്ണ് തുറന്ന് നോക്കിയപ്പോൾ മോഹൻലാൽ എന്റെ അടുത്ത് കിടക്കുന്നു. ഞാൻ ഇവിടെ‌ ഉണ്ട് പേടിക്കേണ്ടെന്നൊക്കെ പറഞ്ഞു. നഴ്സുമാരടക്കം എല്ലാവരും ആ മുറിയിൽ കൂടി നിന്നിരുന്നു ലാലിനെ കാണാൻ. പോകാൻ നേരം അ​ദ്ദേഹം എന്നോട് പറഞ്ഞു ഞാൻ നാളയും വരുമെന്ന്.'

'അതുപോലെ തന്നെ ജ​ഗതിശ്രീകുമാറും വന്നിരുന്നു. അവന് എന്നെക്കാളും പതിമൂന്ന് വയസ് കുറവാണ്. ഞങ്ങൾ തമ്മിൽ വലിയ ബന്ധവും സൗഹൃദവുമുണ്ട്. അദ്ദേഹത്തിന്റെ അച്ഛനുമായും എനിക്ക് നല്ല സൗഹൃദമാണ്.'

'ഞാൻ ആശുപത്രിയിൽ ഓപ്പറേഷൻ കഴിഞ്ഞ് കിടക്കുമ്പോൾ ജ​ഗതി ശ്രീകുമാറും ഇതുപോലെ കാണാൻ വന്നു. അന്ന് അവന് അവിടെ അടുത്ത് എവിടെയോ ആയിരുന്നു ഷൂ‍ട്ടിങ്.'

'എന്റെ അടുത്ത് ഇരുപത് മിനിറ്റോളം ജ​ഗതി ചിലവഴിച്ചു. പിന്നെ വൈകിട്ട് വരാമെന്ന് പറഞ്ഞ് പോയതാണ്. പക്ഷെ പിറ്റേദിവസം പത്രത്തിൽ വാർത്ത കണ്ടു അപകടം സംഭവിച്ചുവെന്ന്.'

'ഞാൻ ഓപ്പറേഷൻ കഴിഞ്ഞ് ആറ്, ഏഴ് ദിവസം കൊണ്ട് സുഖം പ്രാപിച്ച് വയ്യാതെ കിടക്കുന്ന ജ​ഗതി ശ്രീകുമാറിനെ കാണാൻ പോയിരുന്നു' ടി.പി മാധവൻ പറഞ്ഞു.