'ഇംഗ്ലീഷ് പറയാൻ അറിയില്ലെന്നല്ല പറഞ്ഞത്', ഭാഷ എനിക്ക് അലങ്കാരമല്ല ആവശ്യമായിട്ടാണ് കരുതുന്നതെന്ന് ടൊവിനോ തോമസ്

'അന്ന് ഇം​ഗ്ലീഷ് അറിയില്ലെന്നല്ല പറഞ്ഞത്. എനിക്ക് ഇം​ഗ്ലീഷിൽ കമ്മ്യൂണിക്കേറ്റ് ചെയ്യാൻ പറ്റും. ഭാഷയ്ക്ക് അത്രേയല്ലേ ആവശ്യമുള്ളൂ. കമ്മ്യൂണിക്കേറ്റ് ചെയ്യാൻ പറ്റണം. റൊണാൾഡോയും മെസിയും എന്താ മോശമാണോ? അവർ എന്തെങ്കിലും കുറവുള്ള ആൾക്കാരാണോ? ഭാഷ എന്ന് പറയുന്നത് ഒരു അലങ്കാരമായിട്ടല്ല, ആവശ്യത്തിന് ആണെന്നാണ് ഞാൻ വിശ്വസിക്കുന്നത്'.

'എനിക്ക് പരിമിതികൾ ഉണ്ട്. അതിനെ മറികടക്കാനാണ് ഇപ്പോഴും ശ്രമിച്ചുകൊണ്ടിരിക്കുന്നത്. അങ്ങനെ വലിയ അവകാശവാദങ്ങളൊന്നും ഞാൻ പറയാറില്ല. ഞാൻ ഇങ്ങനെയൊക്കെയാണ്. അത് ആൾക്കാർക്ക് മനസിലാവുന്നുണ്ടാവും. സിനിമയിൽ അഭിനയിക്കാൻ ആഗ്രഹിച്ച ഒരു സാധാരണക്കാരനാണ് ഞാൻ. ഇന്ന് സിനിമയിലുണ്ട്. അത്രേയുള്ളൂ,' ടൊവിനോ പറഞ്ഞു.

‘ഈ ജീവിതം ഒരു സ്വപ്‌നം പോലെയാണ് കാണുന്നത്. കാരണം സിനിമയിൽ എത്തുമെന്ന് ഒരു ഉറപ്പുമില്ലാതിരിക്കുന്ന കാലം , അതായത് സ്കൂളിൽ പഠിക്കുന്ന കാലത്ത് അഭിമുഖങ്ങൾ ഒക്കെ നൽകുന്നത് ആലോചിച്ചിട്ടുണ്ട്. അന്നൊക്കെ ഞാൻ സ്വയം ചോദ്യങ്ങളെ ചോ​ദിച്ച് ഉത്തരങ്ങൾ പറയുമായിരുന്നു. ആ കാലത്തൊന്നും സിനിമയിലേക്ക് വരാൻ ശ്രമിക്കണമെന്നോ, വരുമെന്നോ ഒന്നും ചിന്തിച്ചിട്ട് പോലുമില്ല. ചെറുപ്പത്തിൽ സിനിമയിൽ അഭിനയിക്കാൻ ആഗ്രഹമുണ്ടെന്നുള്ള കാര്യം ആരോടും പറഞ്ഞിട്ടില്ല'.

'പഠിത്തം പൂർത്തിയാക്കിയ ശേഷമാണ് വീട്ടുകാരോടും ഗേൾഫ്രണ്ടിനോടും ഒക്കെ സിനിമയാണ് എന്റെ ആഗ്രഹം എന്ന് പറയുന്നത്,' ടൊവിനോ കൂട്ടിച്ചേർത്തു.

Recommended Video

Tovino Thomas: കോഴിക്കോട്ടെ തല്ലുമാലയിൽ തച്ചുടഞ്ഞ എസ്‌കലേറ്റർ | *Celebrity

ടൊവിനോയുടെ പുതിയ ചിത്രമായ തല്ലുമാല തിയറ്ററുകളിൽ എത്തിയിട്ടുണ്ട്. മികച്ച പ്രതികരണങ്ങളാണ് സിനിമക്ക് ലഭിക്കുന്നത്. അനുരാഗ കരിക്കിൻ വെള്ളം', ‘ഉണ്ട', ‘ലവ്' എന്നീ ചിത്രങ്ങൾക്കു ശേഷം ഖാലിദ് റഹ്മാൻ സംവിധാനം ചെയ്യുന്ന ചിത്രമാണ് ‘തല്ലുമാല'.

'മണവാളൻ വസിം' എന്ന കഥാപാത്രമായാണ് ടൊവിനോ തോമസ് എത്തുന്നത്. ചിത്രത്തിലെ നായിക കല്യാണി പ്രിയദർശനാണ്. 'ബീപാത്തു' എന്ന കഥാപാത്രമായി ആണ് കല്യാണി പ്രിയദർശൻ എത്തുന്നത്. 'തല്ലുമാല' ആഷിഖ് ഉസ്മാൻ പ്രൊഡക്ഷൻസിൻ്റെ ബാനറിലാണ് ചിത്രം നിർമ്മിച്ചിരിക്കുന്നത്.

ചിത്രത്തിലെ പ്രോമോ പാട്ടിന് സമൂഹ മാധ്യമങ്ങളിൽ മികച്ച പ്രതികരണമാണ് ലഭിക്കുന്നത്. മണവാളൻ തഗ് എന്ന് പേരിട്ടിരിക്കുന്ന ​ഗാനം മലബാർ സ്ലാങ്ങിലാണ് ചിട്ടപ്പെടുത്തിയിരിക്കുന്നത്. ചിത്രത്തിലെ പ്രോമോ പാട്ടിന് സമൂഹ മാധ്യമങ്ങളിൽ മികച്ച പ്രതികരണമാണ് ലഭിക്കുന്നത്.