ഹോം

വിശേഷങ്ങൾ

മലയാളികളുടെ പ്രിയ നടിയാണ് അമ്പിളി ദേവി. നൃത്തം കൊണ്ടും അഭിനയം കൊണ്ടും മിനിസ്ക്രീൻ-ബിഗ് സ്‌ക്രീൻ പ്രേക്ഷകരെ വിസ്മയിപ്പിച്ച നടി ഇപ്പോൾ അഭിനയവും നൃത്തവുമെല്ലാമായി സജീവമാണ്. വീണ്ടും അമ്മ ആയതിന് പിന്നാലെയാണ് അഭിനയത്തിൽ നിന്നും അമ്പിളി ഇടവേള എടുത്തിരുന്നു.

പിന്നീട് രണ്ടാമത്തെ മകൻ കുറച്ച് വലുതായപ്പോഴാണ് അമ്പിളി അഭിനയത്തിലേക്ക് തിരികെ എത്തിയത്. സോഷ്യൽ മീഡിയയിൽ സജീവമാണ് നടി. മക്കളുടേയും കുടുംബത്തിന്റേയും വിശേഷങ്ങൾ പറഞ്ഞുകൊണ്ട് അമ്പിളി എത്താറുണ്ട്.

അമ്പിളി ദേവിക്ക് സ്വന്തമായി ഒരു യുട്യൂബ് ചാനലുണ്ട്. അതിലൂടെയാണ് വിശേഷങ്ങളെല്ലാം തന്റെ പ്രേക്ഷകരിലേക്ക് അമ്പിളി എത്തിക്കുന്നത്. നടൻ ആദിത്യനുമായുള്ള വിവാഹ ബന്ധം തകർന്ന ശേഷം അമ്പിളി ​ദേവിയും മക്കളും മാതാപിതാക്കൾക്കൊപ്പമാണ് താമസം.

കൂടാതെ ഡാൻസ് ക്ലാസുകളും മറ്റും അമ്പിളിക്കുണ്ട്. രണ്ട് ആൺമക്കളാണ് അമ്പിളിക്കുള്ളത്. ഇപ്പോഴിത തന്റെ മൂത്തമകൻ അപ്പുവിന്റേയും രണ്ടാമത്തെ മകൻ അർജ്ജുന്റേയും വീഡിയോ പങ്കുവെച്ച് എത്തിയിരിക്കുകയാണ് അമ്പിളി.

Also Read: 'എന്റെ വിവാഹം കഴിഞ്ഞ സമയത്താണ് അവരെ കാണാൻ പോയത്, ചിലർ ആ ഒരു സൻമനസ് കാണിക്കാറുണ്ട്'; മഞ്ജു വാര്യർ

മക്കൾക്കും കുടുംബാം​​ഗങ്ങൾക്കും ഒപ്പം ഒഴിവ് ദിവസം നടത്തിയ ഔട്ടിങിന്റെ വിശേഷങ്ങളാണ് അമ്പിളി പുതിയ വീഡിയോയിലൂടെ പങ്കുവെച്ചിരിക്കുന്നത്. കഴിഞ്ഞ ദിവസം അമ്പിളി കൊല്ലം മെഗാ ഫെസ്റ്റ് കാണാൻ പോയപ്പോൾ എടുത്ത വീഡിയോയാണ് ശ്രദ്ധ നേടുന്നത്.

ഞങ്ങൾ ലണ്ടൻ സിറ്റിയിലൂടെ ഒന്ന് കറങ്ങി എന്ന ക്യാപ്‌ഷനോടെയാണ് അമ്പിളി വീഡിയോ യുട്യൂബിൽ പങ്കിട്ടിരിക്കുന്നത്. മക്കൾക്കൊപ്പം അമ്പിളി കാഴ്ചകൾ കണ്ട് നടക്കുന്നതും റൗഡുകൾ ആസ്വദിക്കുന്നതുമെല്ലാം വീഡിയോയിൽ കാണാം.

ഇളയ മകൻ അർജുന്റെ നിഷ്കളങ്കത നിറഞ്ഞ സംസാരവുമെല്ലാം വീഡിയോയെ കൂടുതൽ മനോഹരമാക്കുന്നുണ്ട്. മക്കൾക്ക് വേണ്ടി നിറയെ കളിപ്പാട്ടങ്ങളും ഫെസ്റ്റിൽ നിന്നും അമ്പിളി വാങ്ങിയിരുന്നു. അമ്മയുടേയും മക്കളുടേയും മനോഹരമായ വീഡിയോ വൈറലായതോടെ നിരവധി പേർ കമന്റുകളുമായി എത്തി.

കാണാനും കേൾക്കാനും ഒരുപാട് സന്തോഷം തോന്നിപ്പിക്കുന്ന വീഡിയോ. ഇങ്ങനെ എന്നും സന്തോഷത്തോടെ ഇരിക്കണം അമ്പിളികുട്ടി എന്നാണ് ആരാധകരിൽ ഒരാൾ കുറിച്ചത്.

മുന്നോട്ടു പോവൂ ധൈര്യമായി എല്ലാവരും കൂടെയുണ്ട്. നന്നായിട്ടുണ്ട് ജീവിതത്തിൽ ഒരുപാട് പ്രശ്നം വരും അതിനെയെല്ലാം അതിജീവിച്ച് മുമ്പോട്ട് പോകണം അതിനുള്ള ധൈര്യം ഉണ്ടാകട്ടെ. ഇനിയുള്ള ജീവിതം സന്തോഷവും സമാധാനവും ഉള്ളത് ആവട്ടെ എന്നെല്ലാമാണ് ആരാധകർ ആശംസിക്കുന്നത്.

അടുത്തിടെ അമ്പിളിയെ തേടി ഒരു അം​ഗീകാരവും വന്നിരുന്നു. കലാഭവൻ മണിയുടെ പേരിലുള്ള അവാർഡാണ് അടുത്തിടെ അമ്പിളിയെ തേടിയെത്തിയത്. ജനപ്രിയ നായിക എന്ന പേരിലാണ് അമ്പിളിക്ക് അവാർഡ് ലഭിച്ചത്.

Also Read: 'ആ ​ഗായകന്റെ പാട്ട് ലഭിക്കാൻ എംജി ശ്രീകുമാർ ശ്രമിച്ചു'; കണ്ണീർ പൂവ് പിറന്നതിന് പിന്നിലെ അറിയാക്കഥ

താഴ്‌വാര പക്ഷികള്‍ എന്ന മലയാള പരമ്പരയിലൂടെ അഭിനയ രംഗത്തേക്ക് കടന്നുവന്ന അമ്പിളി ദേവി 2001 സംസ്ഥാന സ്കൂള്‍ യുവജനോത്സവത്തില്‍ കലാതിലകം ആയതിനുശേഷമാണ് സിനിമകളിലേക്ക് എത്തിച്ചേരുന്നത്.

നൃത്ത മത്സരങ്ങളില്‍ ധാരാളം അവാർഡുകളും അംഗീകാരങ്ങളും നേടിയിട്ടുളള അമ്പിളിദേവി അഭിനയത്തിലൂടെ പ്രേക്ഷകരുടെ പ്രിയപ്പെട്ടവളാകാനും അധിക സമയം വേണ്ടി വന്നില്ല. 'സിനിമയായാലും സീരിയലായാലും കഴിവ് മാത്രം പോര ഭാഗ്യം കൂടി വേണമെന്ന് വിശ്വസിക്കുന്ന വ്യക്തിയാണ് ഞാന്‍.'

'പിന്നെ ഞാന്‍ സിനിമ ചെയ്യണമെന്ന് വിചാരിച്ച് അതിനായി ശ്രമിച്ചിട്ടൊന്നുമില്ല. എനിക്ക് പഠിത്തം മുമ്പോട്ട് കൊണ്ടുപോകണമെന്നായിരുന്നു ആഗ്രഹം. അങ്ങനെ പല അവസരങ്ങളും മാറ്റി വെച്ചു' എന്നാണ് മുമ്പൊരിക്കൽ കലാജീവിതത്തെ കുറിച്ച് സംസാരിക്കവെ അമ്പിളി ദേവി പറഞ്ഞത്.

2019ലാണ് അമ്പിളിയും ആദിത്യനും തമ്മിലുള്ള വിവാഹം നടന്നത്. ഇരുവരുടേതും പുനർവിവാഹമായിരുന്നു. അധികം വൈകാതെ അമ്പിളിക്കും ആദിത്യനും ഒരു മകൻ പിറന്നു. ശേഷം ഇരുവരും പിരിഞ്ഞു. വേർപിരിയുന്ന സമയത്ത് നിരവധി വിവാദങ്ങളും ഉണ്ടായിരുന്നു.