'ആദ്വിക എന്ന് വിളിക്കും', കൺമണിയുടെ പേരിടൽ ചടങ്ങ് ആഘോഷമാക്കി നടി അഞ്ജലി നായർ

മകളുടെ പേരിടൽ ചടങ്ങ് ഇരുവരും മറ്റ് കുടുംബാംഗങ്ങളും ചേർന്ന് ആഘോഷമാക്കിയിരിക്കുകയാണ്. അഞ്ജലിയുടെ മൂത്ത മകളുടെ പേര് അവ്നിയെന്നാണ്. മകളുടെ പേരിടൽ ചടങ്ങിൽ നിന്നുള്ള മനോഹരമായ ചിത്രങ്ങൾ സമൂഹ മാധ്യമങ്ങളിൽ വൈറലാണ്. പരസ്യ ചിത്ര സംവിധായകനും മലയാളം തമിഴ് സിനിമകളുടെ അസോസിയേറ്റ് ഡയറക്ടറുമാണ് അജിത്ത് രാജു. ഇരുവരുടെയും രണ്ടാം വിവാഹമായിരുന്നു ഇത്.

125 ഓളം സിനിമകളിൽ അഭിനയിച്ച അഞ്ജലിക്ക് 'ബെൻ' എന്ന സിനിമയിലെ അഭിനയത്തിന് മികച്ച സ്വഭാവ നടിക്കുള്ള സംസ്ഥാന സർക്കാരിന്റെ പുരസ്കാരവും ലഭിച്ചിട്ടുണ്ട്. മാനത്തെ വെള്ളിത്തേര് എന്ന ചിത്രത്തിലൂടെ ബാലതാരമായി സിനിമയിലെത്തിയ നടിയാണ് അഞ്ജലി. 2010 ൽ പുറത്തിറങ്ങിയ നെല്ല് എന്ന തമിഴ് സിനിമയിലൂടെയാണ് നായികയായുള്ള അരങ്ങേറ്റം.

ജീത്തു ജോസഫ് - മോഹൻലാൽ കൂട്ടുകെട്ടിൽ ആമസോൺ പ്രൈമിലൂടെയെത്തിയ 'ദൃശ്യം 2' എന്ന സിനിമയിൽ സരിത എന്ന കഥാപാത്രമായെത്തി അടുത്തിടെ ഏറെ ശ്രദ്ധേയയായ താരമാണ് അഞ്ജലി.

അഞ്ജലിയുടെ മകൾ ആവണിയും സിനിമയിൽ അഭിനയിച്ചിട്ടുണ്ട്. അഞ്ച് സുന്ദരികളിൽ അഞ്ജലിയുടെ മകളായി തന്നെയാണ് ആവണിയുടേയും അരങ്ങേറ്റം. നാലാം ക്ലാസുകാരിയായ ആവണി ഇതിനോടകം തന്നെ ഒരുപാട് സിനിമകളിൽ അഭിനയിച്ചിട്ടുണ്ട്. മകൾക്ക് ഇഷ്ടമുള്ളത് ചെയ്യാനാണ് താൻ പറയാറെന്നും ഒന്നിനും സമ്മർദ്ദം ചെലുത്താറില്ലെന്നും അഞ്ജലി പറയുന്നുണ്ട്.

'വെനീസിലെ വ്യാപാരി', 'മാറ്റിനി', 'അഞ്ച് സുന്ദരികൾ', 'പട്ടം പോലെ', 'എബിസിഡി', 'മുന്നറിയിപ്പ്', 'മിലി', 'കമ്മട്ടിപ്പാടം', 'ആന്മരിയ' കലിപ്പിലാണ്, പുലിമുരുകൻ, ഒപ്പം, ടേക്ക് ഓഫ്, ദൃശ്യം 2, കാവൽ തുടങ്ങിയ നിരവധി സിനിമകളിൽ അഭിനയിച്ചിട്ടുണ്ട്. മോഹൻലാൽ നായകനായെത്തിയ ആറാട്ടിലും അഞ്ജലി എത്തിയിട്ടുണ്ടായിരുന്നു.