Don't Miss!
- News കരിമ്പത്ത് ഒന്നേകാല് കിലോ കഞ്ചാവുമായി യുവതിയും യുവാവും അറസ്റ്റില്
- Lifestyle നിലവിളക്ക് തെളിയിക്കുന്നതിന് മുമ്പായി നിര്ബന്ധമായും ചെയ്യേണ്ട കാര്യങ്ങള്
- Sports IPL 2024: രാഹുല് 'ഷോ', സഞ്ജുവും റിഷഭും ഭയക്കണം! ലോകകപ്പില് രോഹിത്തിനൊപ്പം ഓപ്പണറോ?
- Automobiles മുങ്ങിത്താഴ്ന്ന ഥാറിനെ രക്ഷപ്പെടുത്തി മറ്റൊരു ഥാർ, ഞെട്ടിക്കുന്ന വൈറൽ വീഡിയോ കണ്ടോ
- Finance ദിവസവും 233 രൂപ മാറ്റിവയ്ക്കാമോ, 12 ലക്ഷം രൂപ കയ്യിലെത്തും, ഇതാണ് പോസ്റ്റ് ഓഫീസ് പദ്ധതി
- Travel കൊട്ടിയൂർ വൈശാഖോത്സവം 2024: ദർശനം പോലും പുണ്യം! അറിയാം പ്രധാന തിയതികളും വിശേഷ ദിവസങ്ങളും
- Technology വാങ്ങാൻ ഒരു നിമിഷം പോലും പാഴാക്കരുത്, മോട്ടറോളയുടെ ജീനിയസ് സ്മാർട്ട്ഫോണിന് 5000 രൂപ ഡിസ്കൗണ്ട്!
'ദുൽഖറിനെ കാണാത്ത ദേഷ്യത്തിൽ അവൾ നിവിന്റെ മുഖത്തടിച്ചു, അന്ന് ഞാൻ ഒരുപാട് ടെൻഷനടിച്ചു'; അഞ്ജലി!
ചെറിയ പ്രായത്തിൽ തന്നെ അമ്മയായി അഭിനയിക്കാൻ എല്ലാ നടിമാരും തയ്യാറായി കൊള്ളമെന്നില്ല. അവർക്കെല്ലാം ലക്ഷ്യം നായികവേഷമായിരിക്കും. തന്നെക്കാൾ മുതിർന്ന നടന്മാരുടെ അമ്മയാകുക എന്നത് ഇപ്പോഴത്തെ തലമുറയിലെ ഒരു യുവ നടിയും സമ്മതിക്കുന്ന കാര്യമല്ല.
അല്ലെങ്കിൽ അത്രത്തോളം ആവശ്യകതയുണ്ടാകണം. സ്കൂളിൽ പഠിക്കുന്ന കുട്ടിയുടെ അമ്മയായി കുറച്ച് സീൻ ചെയ്യേണ്ടി വരുമെന്ന് പറഞ്ഞാൽ തന്നെ നായികമാർ നെറ്റി ചുളിക്കും.
അങ്ങനൊരു കാലത്താണ് ദുൽഖർ സൽമാന്റെ അമ്മ വേഷം വരെ നടി അഞ്ജലി നായർ ചെയ്തത്. അഞ്ജലി വർഷങ്ങളായി തെന്നിന്ത്യൻ സിനിമയുടെ ഭാഗമാണ്. മലയാളത്തിൽ ഏറെയും സഹനടി വേഷങ്ങളാണ് അഞ്ജലി ചെയ്തിട്ടുള്ളത്.
പെർഫോം ചെയ്യാൻ എന്തെങ്കിലും ഉണ്ടായിരിക്കണം എന്നതിലപ്പുറം അമ്മയാണോ മകളാണോ എന്നത് നടി അഞ്ജലി നായർ വിഷയമാക്കുന്ന ഒന്നല്ല. അതിനാൽ തന്നെ ഒട്ടനവധി നല്ല കഥാപാത്രങ്ങൾ ചെയ്യാനും അഞ്ജലിക്ക് സാധിച്ചു.
സംവിധായകനും സെലിബ്രിറ്റി ഫോട്ടോഗ്രാഫറുമായ അനീഷ് ഉപാസനയെയാണ് അഞ്ജലി ആദ്യം വിവാഹം ചെയ്തത്. പിന്നീട് ഇരുവരും പിരിഞ്ഞു. ആ ബന്ധത്തിൽ ആവണി എന്നൊരു മകൾ അഞ്ജലിക്കുണ്ട്. അടുത്തിടെയാണ് അഞ്ജലി വീണ്ടും വിവാഹിതയായത്. ആ ബന്ധത്തിൽ ഒരു പെൺകുഞ്ഞും അഞ്ജലിക്ക് പിറന്നിട്ടുണ്ട്.
ഗർഭിണിയായശേഷം അഞ്ജലി അഭിനയത്തിൽ നിന്നും ചെറിയൊരു ഇടവേളയെടുത്തിരിക്കുകയാണ്. കഴിഞ്ഞ ദിവസം ഒരു യുട്യൂബ് ചാനലിൽ വിശേഷങ്ങൾ പങ്കുവെച്ച് കുടുംബസമേതം അഞ്ജലി എത്തിയിരുന്നു.
അതിനിടയിൽ മൂത്തമകൾ ആവണിയെ കുറിച്ച് സംസാരിക്കവെ അഞ്ജലി പറഞ്ഞ രസകരമായ കാര്യമാണ് ഇപ്പോൾ ശ്രദ്ധനേടുന്നത്. ദുൽഖറിനെ കാണാത്ത ദേഷ്യത്തിൽ നിവിന്റെ മുഖത്തടിച്ച മകളെ കുറിച്ചാണ് അഞ്ജലി സംസാരിച്ചത്.
'മിലി എന്ന സിനിമയുടെ സൈറ്റിൽ വെച്ച് മകളെ എടുത്തപ്പോഴായിരുന്നു നിവിൻ പോളിയുടെ മുഖത്ത് മകൾ അടിച്ചതെന്നാണ് അഞ്ജലി പറഞ്ഞത്. എന്റെ മകൾ ദുൽഖറിന്റെ ഫാൻ ഗേൾ ആയിരുന്നു. ഒരിടയ്ക്ക് ദുൽഖറിനെ കല്യാണം കഴിക്കണമെന്ന് നിരന്തരം പറയുമായിരുന്നു.'
'പിന്നെ അത് വിഷ്ണു ഉണ്ണി കൃഷ്ണനായി. വിഷ്ണുവിനോട് അവൾക്ക് പ്രണയം തോന്നിയത് കട്ടപ്പനയിലെ ഹൃത്വിക്ക് റോഷൻ കണ്ട ശേഷമാണ്. അത് വിഷ്ണുവിനും അറിയാം. അവൻ വിളിക്കുമ്പോൾ എന്നോട് ചോദിക്കും എന്റെ കാമുകി എവിടെയെന്ന്.'
'മിലിയുടെ ഷൂട്ടിങ് സമയത്ത് ഞാനും നിവിനും ആവണിയുമെല്ലാം കൂടി ലിഫ്റ്റിൽ കയറി ഷൂട്ടിങ് സെറ്റിലേക്ക് പോകാൻ. ആവണിയെ കണ്ടപ്പോൾ നിവിൻ എടുത്തു. അടുത്തതും ആവണി നിവിന്റെ മുഖത്ത് ഒറ്റ അടി.
'ബാംഗ്ലൂർ ഡെയ്സ് ഇറങ്ങിയ സമയമായിരുന്നു. ഞാൻ ദുൽഖറിനെ കാണണമെന്നല്ലോ പറഞ്ഞേ... ഇത് നിവിനല്ലേ എന്നും പറഞ്ഞാണ് ആവണി അടിച്ചത്. ശേഷം നിവിൻ എന്ത് വിചാരിക്കുമെന്ന് ഓർത്ത് എനിക്ക് ടെൻഷനുണ്ടായിരുന്നു. പക്ഷെ അദ്ദേഹത്തിന്റെ മകൻ ഇതിലും വികൃതിയുണ്ടെന്ന് പറഞ്ഞ് നിവിൻ അത് തമാശയായി എടുത്ത് തള്ളി.'
'പക്ഷെ എല്ലാവരുടേയും മുമ്പിൽ വെച്ച് അങ്ങനെ അടിച്ചത് കാരണം എനിക്ക് എന്തോപോലെയായിരുന്നു' അഞ്ജലി പറഞ്ഞു. 2021ൽ നവംബറിൽ ആയിരുന്നു സഹസംവിധായകനായ അജിത് രാജുവുമായി അഞ്ജലിയുടെ വിവാഹം നടന്നത്. ഇരുവരുടേയും രണ്ടാം വിവാഹമായിരുന്നു. മലയാളത്തിലും മറ്റ് തെന്നിന്ത്യൻ ഭാഷകളിലുമായി 125ലേറെ സിനിമകളുടെ ഭാഗമായിട്ടുണ്ട് അഞ്ജലി.
ദൃശ്യം 2വിലെ അഞ്ജലിയുടെ പോലീസ് വേഷം ഏറെ പ്രശംസ പിടിച്ചുപറ്റിയിരുന്നു. അഞ്ച് സുന്ദരികൾ, എബിസിഡി, ലൈല ഓ ലൈല , കമ്മട്ടിപ്പാടം, കനൽ, ഒപ്പം, പുലിമുരുകൻ, ടേക്ക് ഓഫ്, ദൃശ്യം 2, കാവൽ, അണ്ണാത്തെ തുടങ്ങിയവയാണ് അഞ്ജലിയുടെ പ്രധാന ചിത്രങ്ങൾ.
-
'ഇതാര് ഹാപ്പി ഹസ്ബെന്റ്സിലെ സലീം കുമാറോ അതോ താരദാസോ, ലക്ഷ്മിയെ മിഥുൻ പ്രണയിച്ചതിൽ അത്ഭുതപ്പെടാനില്ല'
-
ചെയ്യാവുന്നതൊക്കെ ചെയ്തിട്ടുണ്ടെന്ന് ഡോക്ടര് പറഞ്ഞു; അവസാനം ആ ശീലവും നിര്ത്തി; സലിം കുമാര്
-
'വനിത ഒരു ദ്രോഹി, കുടുംബത്തിന്റെ മാനം ഇല്ലാതാക്കുന്നു, ആക്ഷേപിക്കുന്നത് നിർത്തിയില്ലെങ്കിൽ പ്രത്യാഘാതം വരും'