'ഇത്ര ബുദ്ധിയില്ലാത്ത സാധനങ്ങളെയാണോ കൊണ്ടു നിർത്തുന്നത്'; മമ്മൂട്ടി ദേഷ്യപ്പെട്ടതിനെക്കുറിച്ച് അനുമോൾ

'ചാനലിൽ നിന്ന് എനിക്ക് ചീത്ത കേട്ടിട്ടുണ്ട്. അതും മമ്മൂക്ക ചീത്ത പറഞ്ഞിട്ടുണ്ട്. ഞാൻ കൈരളിയിൽ ജോലി ചെയ്യുമ്പോൾ അവിടത്തെ ചെയർമാൻ ആണല്ലോ. ഞാനെന്തോ ഒരു പാെട്ടത്തരം പറഞ്ഞു. അദ്ദേഹം ഞങ്ങളുടെ പ്രൊഡ്യൂസറെയും എല്ലാവരെയും ചീത്ത പറഞ്ഞു. ഇത്ര ബുദ്ധിയില്ലാത്ത സാധനങ്ങളെയൊക്കെയാണോ ഇവിടെ കൊണ്ട് നിർത്തുന്നത് എന്നൊക്കെ പറഞ്ഞു'

'അന്ന് ചീത്ത കേട്ടത് എനിക്കാണെന്ന് മമ്മൂക്കയ്ക്ക് അറിയാമായിരിക്കും. ഞാനങ്ങനെ ചോദിച്ചിട്ടൊന്നുമില്ല. ഞാൻ ഇടയ്ക്ക് കാണാറൊക്കെയുണ്ട്. സിനിമയെ പറ്റി എന്തെങ്കിലും പറഞ്ഞാൽ അതിന് പ്രതികരണം പറയും. മെസേജ് അയച്ചാൽ‌ മറുപടി തരും. അതൊക്കെ വലിയൊരി ക്വാളിറ്റി ആണ്'

Also Read: കുറച്ചു ദൂരം പോലും നടക്കാൻ കഴിയുമായിരുന്നില്ല, തിരിച്ചറിയാനും വൈകി; അസുഖത്തെ കുറിച്ച് പത്മപ്രിയ

'മമ്മൂട്ടിയോടൊപ്പം അഭിനയിച്ചതിന്റെ അനുഭവങ്ങളും നടി പങ്കുവെച്ചു. മമ്മൂക്ക അഭിനയിക്കുന്നത് ഞാൻ നോക്കി നിന്നിട്ടുണ്ട്. മമ്മൂക്ക റീ ടേക്കുകൾ എടുക്കുമോ. സംവിധായകൻ നിർദ്ദേശം പറയുമ്പോൾ എങ്ങനെയാണ് അത് കൈകാര്യം ചെയ്യുന്നത് എന്നൊക്കെ നോക്കി. ടാലന്റിനപ്പുറത്ത് ബാക്കിയുള്ള ആൾക്കാരോടുള്ള പെരുമാറ്റം, ഡെഡിക്കേഷനുമാെക്കെ കൊണ്ടാണ് ഇത്രയും കാലം ഇൻഡസ്ട്രിയിൽ നിൽക്കുന്നത്. മമ്മൂക്കയെ പോലെ ഒരാൾക്ക് ഷോട്ട് കഴിഞ്ഞാൽ കാരവാനിലിരിക്കാവുന്നതേ ഉള്ളൂ. പക്ഷെ അവിടെ തന്നെ നിൽക്കും'

Also Read: കാമുകനൊപ്പം അത്താഴം കഴിക്കാന്‍ അമ്മയെ ക്ഷണിച്ച് താരം ശ്രുതി ഹാസന്‍

മരിച്ചു പോയ അച്ഛനെ പറ്റിയും അനുമോൾ സംസാരിച്ചു. 'നാലാം ക്ലാസിൽ പഠിക്കുമ്പോഴാണ് അച്ഛൻ മരിക്കുന്നത്. വ്യക്തിപരമായി പറഞ്ഞാൽ അച്ഛന്റെ ഓർമ്മകൾ കുറവാണ്. ഉള്ള ഓർമ്മകൾ അച്ഛന്റെ ആശുപത്രിയിലെ അവസാന സമയങ്ങളാണ്. അതെന്തോ മനസ്സിൽ അങ്ങനെ നിലനിൽക്കുന്നു'

'ഫാമിലിയിൽ നിന്നായാലും നാട്ടിൽ നിന്നായും അച്ഛന്റെ ഒരുപാട് കഥകൾ കേൾക്കാം. ആ കഥകൾക്കൊക്കെ മനസ്സിൽ ഒരു ചിത്രം ഉണ്ടാക്കി വെച്ചിട്ടുണ്ട്. അച്ഛനുണ്ടായിരുന്നെങ്കിൽ ഞാൻ ചിലപ്പോൾ ഇങ്ങനെ ബോൾഡ് ആവില്ല. എല്ലാത്തിലും അച്ഛനെ ആശ്രയിക്കുമായിരിക്കും,' അനുശ്രീ പറഞ്ഞു.

Also Read: വിമർശിച്ചാൽ പ്രതികരണം എന്താവുമെന്ന് ചോദ്യം, ശ്രീനിവാസന്റെ കിടിലം മറുപടി; ധ്യാൻ ഇതിലും പൊളിയാണെന്ന് ആരാധകർ

വിവാഹം കഴിക്കാത്തതിനെക്കുറിച്ചും അനുമോൾ അഭിമുഖത്തിൽ സംസാരിച്ചു. വിവാഹത്തെ പറ്റി നിലവിൽ ആലോചിക്കുന്നില്ല. ആറു വർഷത്തോളം നീണ്ട പ്രണയം വിവാഹം വരെ എത്തിയിരുന്നു. എന്നാൽ അവസാന ഘട്ടത്തിൽ അത് വേണ്ടെന്ന് വെച്ചു. വിവാഹം തനിക്ക് പറ്റിയ പണിയല്ലെന്ന് തോന്നിയിട്ടുണ്ടെന്നും അനുമോൾ പറഞ്ഞു. യാത്രകൾ വളരെയധികം ഇഷ്ടപ്പെടുന്നു. ഒറ്റയ്ക്ക് യാത്ര ചെയ്യാനാണ് കൂടുതലിഷ്ടമെന്നും നടി പറഞ്ഞു. പാലക്കാട് വീട് പുതുക്കി പണിതതിന്റെ സന്തോഷത്തിലാണ് താനെന്നും നടി വ്യക്തമാക്കി.