ബോയ്ഫ്രണ്ടിന്റെ വീടിന്റെ പാല് കാച്ചലിൽ തിളങ്ങി ആര്യ, അമ്മായിയച്ഛന്‌ മിനി ബാറിനുള്ള സെറ്റും സമ്മാനം നൽകി താരം!

ഷിബ്‌ലയും ഭർത്താവ് വിജിത്തും ആ​ര്യയുടെ അടുത്ത സുഹൃത്തുക്കളാണ്. തങ്ങൾ ഫാമിലി പോലെയാണെന്നും ആര്യ വീഡിയോയിൽ പറയുന്നുണ്ട്. അടുത്തിടെയാണ് ഷിബ്‌ലയും ഭർത്താവ് വിജിത്തും പുതിയ ഫ്ലാറ്റ് വാങ്ങി താമസം ആരംഭിച്ചത്.

അതിന്റെ പാല് കാച്ചൽ ചടങ്ങിൽ ക്ഷണിക്കപ്പെട്ട കുറച്ച് അതിഥികൾ മാത്രമാണ് പങ്കെടുത്തത്. അതിൽ ഒരാളായിരുന്നു ആര്യ. വീർ അഭിമന്യു തന്റെ ബോയ്ഫ്രണ്ടായതിനാൽ ഷിബ്‌ല തന്റെ അമ്മായിയമ്മയും വിജിത്ത് തന്റെ അമ്മായിച്ഛനുമാണെന്നെല്ലാം തമാശയായി ആര്യ പറയുന്നുണ്ട്. നടനും ബി​ഗ് ബോസ് താരവുമായ അനൂപും പാല് കാച്ചൽ ചടങ്ങിൽ അതിഥിയായി എത്തിയിരുന്നു.

കക്ഷി അമ്മിണിപ്പിള്ള എന്ന സിനിമയിലൂടെ ശ്രദ്ധേയയായ ഫറ ഷിബ്‌ല ബോഡി പോസിറ്റിവിറ്റി എന്ന സന്ദേശവുമായി ചെയ്ത ഫോട്ടോ ഷൂട്ടും ഏറെ ചർച്ച ചെയ്യപ്പെട്ടിരുന്നു. കൊച്ചി കാക്കനാടാണ് ഇരുവരുടേയും പുതിയ ഫ്ലാറ്റ് സഫലമായത്. ലിവിങ്, ഡൈനിങ്, കിച്ചൻ, രണ്ട് കിടപ്പുമുറികൾ എന്നിവയാണ് 1300 സ്ക്വയർഫീറ്റ് ഫ്ലാറ്റിലുള്ളത്.

ഇന്റീരിയർ തന്നെ അതിശയിപ്പിച്ചുവെന്ന് ആര്യ വീഡിയോയിൽ പറയുന്നുണ്ട്. തന്റെ ഫ്ലാറ്റിന്റെ ഹോം ടൂറിന് മുമ്പ് ഷിബ്‌ലയുടെ ഫ്ലാറ്റിന്റെ ഹോം ടൂർ താൻ പ്രേക്ഷകരെ കാണിച്ചിരിക്കുമെന്നും ആര്യ വീഡിയോയിൽ പറയുന്നുണ്ട്.

ആര്യയുടെ മകൾ റോയയും ഒപ്പമുണ്ടായിരുന്നു. 'ഞങ്ങൾ പത്ത് വർഷത്തോളം വാടക വീടുകളിലായിരുന്നു താമസം. ദീർഘ കാലയളവിൽ അതൊരു വലിയ നഷ്ടമാണെന്ന് ഞങ്ങൾക്ക് മനസിലായി. അങ്ങനെയാണ് സ്വന്തമായി ഫ്ലാറ്റ് വാങ്ങാൻ തീരുമാനിച്ചത്.'

'അങ്ങനെ ഈ മെയ്‌ മാസം ഞങ്ങൾ അൺഫർണിഷ്ഡ് ആയിരുന്ന പുതിയ ഫ്ലാറ്റിലേക്ക് താമസം മാറി. ഇവിടെ ഒതുങ്ങി കൂടിക്കൊണ്ടാണ് ഫർണിഷിങ് ചെയ്തത്. അതുകൊണ്ട് ശൂന്യമായിരുന്നിടം ഇപ്പോഴുള്ള വീടായി മാറിയ ആ മാജിക് ശരിക്കും ആസ്വദിക്കാനായി' എന്നാണ് മനോരമ ഓൺലൈനിനോട് സംസാരിച്ച് ഷിബ്‌ല പറ‍ഞ്ഞത്.

ഷിബ്‌ലയുടെ ഭർത്താവ് വിജിത്ത് മിനി ബാറിനുള്ള ഇടം ഫ്ലാറ്റിൽ ഒരുക്കിയിട്ടുണ്ട്. അവിടേക്ക് ഉപയോ​ഗപ്രദമാകുന്ന ഐസ് ബക്കറ്റ്, ഷേക്കർ, ആഷ്ട്രെ എന്നിവയടങ്ങിയ വലിയൊരു ​ഗിഫ്റ്റാണ് ആര്യ പാല് കാച്ചലിന് എത്തിയപ്പോൾ നൽകിയത്. ​

'ദുസ്വഭാവം എൻ​ഗറേജ് ചെയ്യാനുള്ള ​ഗിഫ്റ്റാണ്' കിട്ടിയത് എന്നാണ് ആര്യയുടെ സമ്മാനം കണ്ട് ഷിബ്‌ല പറഞ്ഞ കമന്റ്. ഇതൊന്നും ഉപയോ​ഗിക്കാൻ വേണ്ടി തന്നതല്ലെന്നും എല്ലാം ഡെക്കറേറ്റീവ് പീസസ് മാത്രമാണെന്നും ആര്യ പറഞ്ഞു.