'ബിഗ്രേഡ്' സിനിമയാണെന്ന് അറിഞ്ഞില്ല, പറഞ്ഞത് ശ്രീദേവി ചിത്രത്തിന്റെ രണ്ടാംഭാഗം, വെളിപ്പെടുത്തി ചാർമിള

''ജീവിതത്തിലെ പ്രതിസന്ധി ഘട്ടങ്ങളിൽ ചാർമിളയെ താൻ കണ്ടിട്ടുണ്ട്. അത്രയും വിഷമത്തിൽ ഇരിക്കുമ്പോഴും എല്ലവരോടും ഒരു പുഞ്ചിരിയോട് കൂടിയെ സംസാരിക്കാറുള്ളൂ. ഇത് എങ്ങനെയാണ് സാധിക്കുന്നത്? അത് ജീവിതത്തിൽ നിന്ന് കുട്ടിയ ശക്തിയാണോ അല്ലെങ്കിൽ മറ്റുള്ള അഭിനയം പോലെ വെറുതെ അഭിനയിച്ച് കാണിക്കുന്നതാണോ'' എന്നായിരുന്നു ശ്രീജയുടെ ചോദ്യം. ജീവിതത്തിലെ വിഷമങ്ങൾ നിറഞ്ഞ സാഹചര്യങ്ങളെ നേരിട്ടത് പ്രാർത്ഥനയിലൂടെയാണെന്നാണ് ചാർമിള പറയുന്നത്.

നടിയുടെ വാക്കുകൾ ഇങ്ങനെ....'' ഞാൻ നന്നായി പ്രാർത്ഥിക്കാൻ തുടങ്ങി. ഈശ്വരനോടാണ് നന്ദി പറയാനുള്ളത്. കൂടുതൽ പ്രാർത്ഥിക്കാൻ തുടങ്ങിയതിന് ശേഷം അതിന് ഒരു സത്യമുളളതായി തോന്നി. ഞാൻ സ്ഥിരമായി പള്ളിയിൽ പോകുന്ന ആളല്ല. എന്നാൽ എല്ലാ ദിവസവും രാത്രി പ്രാർത്ഥിക്കും. അതിന് ശേഷമാണ് ഉറങ്ങാറുള്ളത്. പ്രതിസന്ധി ഘട്ടങ്ങളിൽ കൂടുതൽ പ്രാർത്ഥിക്കുമെന്നും ചാർമിള പറയുന്നു.

ജീവിതത്തെ വളരെ പോസിറ്റീവ് ആയി കാണുന്ന ആളാണെന്നു ചാർമിള പറയുന്നു. ചെറുപ്പത്തിൽ ഒരു തരത്തിലുമുള്ള ബുദ്ധിമുട്ടുകളും ഇല്ലായിരുന്നു. പ്രണയ തകർച്ച നേരിടുന്നുണ്ട്. അത് ആദ്യമായിട്ടായിരുന്നു . എന്നാൽ എന്‌റെ കുടുംബ പശ്ചാത്തലം വളരെ നല്ലതായിരുന്നു. അച്ഛൻ നല്ല പൈസ ഉണ്ടാക്കിയിരുന്നു. അതിനാൽ തന്നെ വലിയ ഉത്തരവാദിത്വം ഇല്ലായിരുന്നു എന്നും ചാർമിള പറയുന്നു.

ബ്രിഗേഡ് സിനിമയിൽ അറിയാതെ എത്തിപ്പോയതാണെന്നും നടി അഭിമുഖത്തിൽ പറഞ്ഞു. ബ്രിട്ടാസിന്റെ ചോദ്യത്തിനായിരുന്നു നടി ഉത്തരം നൽകിയത്. അതിൽ പശ്ചാത്താപം ഉണ്ടെന്നും ചാർമിള പറയുന്നു.'' തമിഴിലെ സിഗപ്പു റോജക്കളുടെ രണ്ടാം ഭാഗമാണെന്നാണ് എന്നോട് അന്ന് പറഞ്ഞത്. ശ്രീദേവിയും കമൽഹാസനും അഭിനയിച്ച ചിത്രം. അതിൽ ശ്രീദേവി ചെയ്ത കഥാപാത്രം ചെയ്യാൻ ആർക്കായാലും താൽപര്യം ഉണ്ടാവും. എന്നാൽ എന്റെ സീനിൽ ഒരു പ്രശ്നവും ഇല്ല. ഫ്ലാഷ്ബാക്ക് സീനിലാണ് എന്തോ പ്രശ്നമുണ്ടായതെന്നാണ് ആ സിനിമയെ കുറിച്ച് ചാർമിള'' പറയുന്നത്.

Recommended Video

മനസ്സ് തുറന്ന് ചാർമിള , നടിക്ക് പറയാനുള്ളത് കാണാം | filmibeat Malayalam

''കൂടാതെ തങ്ങളുടെ കുടുംബ സുഹൃത്തായ മമ്മി സെഞ്ചറിയാണ് ഈ സിനിമ എടുത്തത്. കുറെ വർഷങ്ങളായി ഇവരെ അറിയാം. അതിനാൽ തന്നെ കുടുതൽ ഒന്നും സിനിമയെ കുറിച്ച് ചോദിച്ചിരുന്നില്ല. പോയി അഭിനയിക്കുകയായിരുന്നു. ഇന്ന് അതിൽ തനിക്ക് പശ്ചാത്താപം ഉണ്ട്. ഇന്ന് ഞാൻ ചോദിച്ചിട്ടേ പോയി അഭിനയിക്കുകയുള്ളൂവെന്നും ചാർമിള'' പറയുന്നു.