'പെണ്ണിന്റെ നിറം, വിവാഹശേഷമുള്ള ബന്ധങ്ങൾ എന്നിവയിൽ നിന്നും മാറി സീരിയലുകളുടെ കണ്ടന്റ് മെച്ചപ്പെടണം'; ​ഗൗതമി

ഇപ്പോഴിത മലയാളം ടിവി സീരിയലുകൾക്കും സെൻസറിങ് വേണമെന്നും കണ്ടന്റുകളുടെ നിലവാരം മെച്ചപ്പെടണമെന്നും പറയുകയാണ് ​ഗൗതമി നായർ.

പെണ്ണിന്റെ നിറം, വിവാഹശേഷമുള്ള ബന്ധങ്ങൾ എന്നിവയിൽ നിന്നും മാറി നല്ല കണ്ടന്റുകൾ സീരിയലാക്കാൻ അണിയറപ്രവർത്തകർ തയ്യാറാകണമെന്നും ഇത്തരം സീരിയലുകൾ കുട്ടികളെ സ്വാധീനിക്കുമെന്നും ​ഗൗതമി ഐ ആം വിത്ത് ധന്യ വർമ എന്ന യൂട്യൂബ് ചാനലിന് നൽകിയ അഭിമുഖത്തിൽ സംസാരിച്ച് പറഞ്ഞു.

'ഞാൻ വളരെ ഹൈപ്പർ ആക്ടീവാണ്. അതുകൊണ്ട് തന്നെ മെഡിറ്റേഷനൊന്നും ചില സമയത്ത് ശരിയാവാറില്ല. എന്നെ സംബന്ധിച്ച് എന്നെ കാംഡൗൺ ചെയ്യാൻ പെട്ടന്ന് സാധിക്കുന്നത് സിനിമയ്ക്കും മ്യൂസിക്കിനുമാണ്. 2021ൽ പാനിക്ക് അറ്റാക്ക് വരുന്ന അവസ്ഥയിലെത്തിയിരുന്നു.'

'ആ സമയത്ത് ഞാൻ എന്റെ സുഹൃത്തിനെ വിളിച്ച് സംസാരിച്ചതോടെ ഞാൻ അതിൽ നിന്നും പതിയെ മുക്തയായി. കൊവിഡ് സമയത്ത് എനിക്ക് സ്ട്രെസ് ഉണ്ടായിരുന്നില്ല. ആ സമയത്ത് എനിക്ക് ജോലിയുണ്ട്.'

'എന്റെ വയറ് അപ്സെറ്റാകുമ്പോൾ എനിക്ക് മനസിലാകും എനിക്ക് ആങ്സൈറ്റി പ്രശ്നങ്ങൾ ആരംഭിച്ചുവെന്ന്. എനിക്ക് എന്നോട് എപ്പോഴും സത്യസന്ധതയോടെ ഇരിക്കണമെന്ന നിർബന്ധമുണ്ട്. ആരും പെർഫക്ടല്ല. മെന്റൽ ഡിസോ‍‍ഡറുകൾ എല്ലാം ഒരിക്കലും ഭ്രാന്ത് അല്ല.'

'വയറിനും കിഡ്നിക്കും എല്ലാം പ്രശ്നം വരുമ്പോൾ ഡോക്ടറെ കാണുന്നപോലെ തന്നെ വളരെ സിംപിളാണ് മനസിന് പ്രശ്നം വരുമ്പോൾ ഡോക്ടറെ കാണുന്നതും. അത് അങ്ങനെ എടുത്താൻ മതി.'

'മാത്രമല്ല ചില ടിവി സീരിയലുകളും ആളുകളെ വല്ലാതെ സ്വാധീനിക്കുന്നുണ്ട്. സിനിമകൾക്ക് സെൻസർ ബോർഡുണ്ട്. പക്ഷെ അത് ടിവി സീരിയലുകൾക്ക് ഇല്ല.'

'ഒട്ടനവധി വിഷയങ്ങൾ സമൂഹത്തിലുണ്ട് എന്നിട്ടും എന്തിനാണ് ടിവി സീരിയലുകൾ എപ്പോഴും പെണ്ണിന്റെ നിറം, വിവാഹശേഷമുള്ള ബന്ധങ്ങൾ എന്നിവയെ മാത്രം അടിസ്ഥാനപ്പെടുത്തി ചിത്രീകരിക്കുന്നത്. ഇ‌തെല്ലാം ഒന്നല്ലെങ്കിൽ മറ്റൊരു തരത്തിൽ ടോക്സിക്കാണ്. ഞാനും ഇന്റർനാഷണൽ ടിവി സീരിയലുകൾ കാണാറുണ്ട്.'

'പക്ഷെ ഇവിടുത്തെ സീരിയലുകളുടെ കണ്ടന്റ് കുറച്ച് കൂടി മെച്ചപെടേണ്ടതുണ്ട്. മുതിർന്നവർ കാണുമ്പോൾ കുട്ടികളും സീരിയലുകൾ കാണാനും അത് അവരെ സ്വാ​ധീനിക്കാനും കാരണമാകും. ആദ്യത്തെ വിവാഹബന്ധം പിരിഞ്ഞതിൽ എനിക്കിപ്പോൾ സങ്കടമല്ല.'

'അ​ദ്ദേഹത്തോട് ഒപ്പമുള്ള എന്റെ ജീവിതം സന്തോഷം നിറഞ്ഞതായിരുന്നു. മറ്റാരെങ്കിലും വിചാരിച്ചാൽ നമ്മളെ എല്ലാത്തിൽ നിന്നും തടയാൻ പറ്റില്ല. അതിന് നമ്മൾ തന്നെ വിചാരിക്കണം' ​ഗൗതമി നായർ പറഞ്ഞു. ജൂഡ് ആന്റണിയുടെ 2018 ആണ് ഇനി റിലീസിനെത്താനുള്ള ​ഗൗതമിയുടെ സിനിമ.