'എന്റെ അഭിനയം ഓവറായിരുന്നു... അതുകൊണ്ട് മക്കൾ സിനിമ കാണാതിരിക്കാൻ ശ്രദ്ധിക്കും'; നടി ജോമോൾ പറയുന്നു!

പ്രണയിക്കുമ്പോൾ മതമൊന്നും ഒരിക്കലും പ്രശ്നമായിരുന്നില്ലെന്നും ജോമാൾ പറഞ്ഞിട്ടുണ്ട്. വിവാഹത്തിന് ജോമോളുടെ വീട്ടിൽ‌ നിന്നും എതിർപ്പുണ്ടായിരുന്നു. പിന്നീട് കുറേ വർഷങ്ങൾക്ക് ശേഷമാണ് പ്രശ്നങ്ങൽ മാറിയതും വീട്ടുകാരോട് യോ​ജിച്ചതും. ആര്യയും ആർജയുമാണ് താരത്തിന്റെ മക്കൾ. സോഷ്യൽമീഡിയയിൽ സജീവമായ താരം വീട്ടു വിശേഷങ്ങളും കുക്കിങ് വിശേഷങ്ങളുമെല്ലാം ആരാധകർക്കായി സോഷ്യൽമീഡിയ വഴി പങ്കുവെക്കാറുണ്ട്. സിനിമയിൽ സജീവമല്ലെങ്കിലും എല്ലാ താരങ്ങളുമായും ജോമോൾ സൗഹൃദം കാത്ത് സൂക്ഷിക്കുന്നുണ്ട്. നായിക ആയ അരങ്ങേറിയപ്പോൾ മുതൽ നിരവധി നല്ല ചിത്രങ്ങളുടെ ഭാ​ഗമാകാൻ ജോമോളിന് അവസരം ലഭിച്ചിരുന്നു. അക്കാലത്ത് ജോമോൾ നായികയായ സിനിമകളെല്ലാം വിജയമായിരുന്നു. പഞ്ചാബി ​ഹൗസ്, മയിൽപ്പീലിക്കാവ് എന്നിവ അത്തരം ചിത്രങ്ങളിൽ ചിലത് മാത്രം.

ജോമോളിന് നിരവധി റിപ്പീറ്റ് വാല്യുവുള്ള സിനികളുടെ ഭാ​ഗമാകാൻ കഴിഞ്ഞതിനാൽ‌ അന്നും ഇന്നും മലയാളി മനസിൽ അടുത്ത വീട്ടിലെ കുട്ടി ഇമേജാണ് ജോമോൾക്കുള്ളത്. നിറം, പഞ്ചാബി ഹൗസ്, ദീപസ്തംഭം മഹാശ്ചര്യം, തില്ലാന തില്ലാന എന്നിവയെല്ലാം അതിൽ ഉൾപ്പെടും. മലയാളത്തിലെ എക്കാലത്തേയും എവർ​ഗ്രീൻ ഹിറ്റ് ചിത്രം നിറത്തിലെ രണ്ട നായികമാരിൽ ഒരാൾ ജോമോളായിരുന്നു. ജോമോൾ അവതരിപ്പിച്ച വർഷ എന്ന കഥാപാത്രത്തിന് ഇന്നും ആരാധകരുണ്ട്. ഇപ്പോൾ ജോമോളിന്റെ പഴയൊരു അഭിമുഖ വീഡിയോയാണ് സോഷ്യൽമീഡിയയിൽ വൈറലാകുന്നത്. സിനിമയുടെ ഭാ​ഗമായതിനെ കുറിച്ചും അനുഭവങ്ങളുമാണ് ജോമോൾ കൈരളി ടിവിയിലെ ജെബി ജം​ഗ്ഷൻ പരിപാടിയിൽ‌ പങ്കെടുത്ത് വിവരിക്കുന്നത്. 'സിനിമയിൽ അഭിനയിക്കാൻ പോയതിനാൽ സ്കൂൾ ജീവിതവും കോളജ് ജീവിതവും അധികം ആസ്വദിക്കാൻ സാധിച്ചിരുന്നില്ല. പ്ലസ് ടുവിൽ സയൻസായിരുന്നതിനാൽ ഷൂട്ടിങും പഠിത്തവും ഒരുമിച്ച് കൊണ്ടുപോകാൻ ഏറെ പാടുപെട്ടു.'

Recommended Video

Santhosh Varkey Talks About Nithya Menon | FilmiBeat Malayalam

'കോളജിൽ‌ എത്തിയപ്പോൾ പഠിത്തത്തിൽ മുന്നിലായിരുന്നില്ലെങ്കിലും എല്ലാ കലാപരിപാടികൾക്കും ഞാൻ മുന്നിലുണ്ടായിരുന്നു. അതൊക്കെ അന്ന് വളരെ മനോഹരമായിരുന്നു. അഭിനയിക്കാൻ പോകുന്നതിനാൽ പഠനത്തിൽ അധ്യാപകരും സുഹൃത്തുക്കളും സഹായിച്ചിരുന്നു. ഞാൻ അഭിനയിച്ച സിനിമകൾ ഇപ്പോൾ ഞാൻ‌ കാണാറില്ല. ആവശ്യമില്ലാതെ ഒരുപാട് എക്സ്പ്രഷനൊക്കെ ഇട്ട് ഞാൻ നശിപ്പിച്ചിട്ടുണ്ട്. നല്ല ഓവർ ആക്ടിങ്ങായിരുന്നു. അന്നത്തെ എന്റെ വസ്ത്രധാരണവും മേക്കപ്പും എല്ലാം കാണുമ്പോൾ എനിക്ക് എന്തോപോലെ തോന്നും. ഞാനും കാണാറില്ല... മക്കളെ കാണിക്കാറുമില്ല. അവരത് കണ്ടാൽ ചിലപ്പോൾ കരഞ്ഞുകൊണ്ട് ഓടിയേക്കും. ഞാൻ കാണിക്കാത്തതിനാൽ അവർക്ക് എന്റെ സിനിമകളെ കുറിച്ച് വലിയ ധാരണയൊന്നും ഇല്ല' ജോമോൾ പറയുന്നു.