സമയം രാത്രി 12 മണി! എത്തിയത് ഗൂഗിൾ മാപ്പ് നോക്കി, പ്രേതഭവനത്തിലെ രാത്രിയെ കുറിച്ച് നടി ലക്ഷ്മി

ഭർത്താവിനും സുഹൃത്തുക്കൾക്കുമൊപ്പമായിരുന്നു ആ കൊടൈക്കാനാൽ യാത്ര. പ്ലാൻ ചെയ്ത യാത്രയായിരുന്നു അത്. താ ൻ മാത്രമായിരുന്നു യാത്രയിലെ ഒരു സ്ത്രീ. ഗൂഗിൾ മാപ്പിന്റെ സഹായത്തോടെ തങ്ങൾ കോട്ടേജ് കണ്ടെത്തുകയായിരുന്നു. ഒരു പ്രേതം ഭവനം പോലെയായിരുന്നു അത്. കോട്ടേജ് ഇതു തന്നെയാണോ എന്ന് ഉറപ്പു വരുത്താൻ മൂന്ന് തവണ ഗൂഗിൾ മാപ്പിന്റെ സഹായം തേടിയിരുന്നു. അപ്പോഴെല്ലാം എത്തിച്ചേർന്നത് ഇതേ സ്ഥലത്ത് തന്നെയായിരുന്നു.‌

ഭീതി പരത്തുന്ന ഒരു സന്ദർഭമായിരുന്നു അത്. കൂടെയുളളവരിവും ഭയമുണ്ടായി. ഞങ്ങളുടെ സുഹൃത്തിന്റെ സഹായത്തോടെയാണ് ഈ കോട്ടേജ് ബുക്ക് ചെയ്തത്. തങ്ങൾ സ്ഥലത്ത് എത്തിയപ്പോൾ രാത്രി 12 മണിയായിരുന്നു. ആ സമയത്ത് സുഹൃത്തിനെ ഫോണിൽ ബന്ധപ്പെടാൻ ശ്രമിച്ചുവെങ്കിലും അദ്ദേഹം ഫോൺ എടുത്തില്ല ഉറങ്ങിയത് കൊണ്ടാകണമെന്ന് കരുതി.

ആ കോട്ടേജ് ഒട്ടും സുരക്ഷിതമല്ലാത്ത സ്ഥലമാണെന്ന് തങ്ങൾക്ക തോന്നിയതുകൊണ്ട് രാത്രി വണ്ടിയിൽ തന്നെ കിടന്ന് ഉറങ്ങുകയായിരുന്നു. തെട്ട് അടുത്ത ദിവസം സുഹൃത്ത് വിളിച്ചപ്പോഴാണ് കാര്യം മനസ്സിലായത്. ഒട്ടും സുരക്ഷിതമല്ലാത്ത കോട്ടേജായിരുന്നു അതെന്നാണ് അറിയാൻ സാധിച്ചത. ശരിയ്ക്കും ടെൻഷനടിച്ച യാത്രയായിരുന്നു അത്. ഇപ്പോഴും അന്ന് അനുഭവിച്ച ടെൻഷൻ തനിയ്ക്ക് മറക്കാൻ സാധിച്ചിട്ടില്ലെന്നും താരം പറയുന്നു.

യാത്രകൾ ഇഷ്ടപ്പെട്ടു തുടങ്ങിയത് അസ്സർ ജീവിതത്തിലേയ്ക്ക് വന്നതിൽ പിന്നെയാണെന്നും ലക്ഷ്മി പറഞ്ഞു. ഒരുപാട് ഇഷ്ടപ്പെട്ട് പ്രണയിച്ച് കഷ്ടപ്പെട്ടുള്ള വിവാഹമായിരുന്നു തങ്ങളുടേത്. എന്റെ ഇഷ്ടക്കാരനോടൊപ്പം യാത്ര പോകാൻ എനിയ്ക്ക് വളരെ ഇഷ്ടമാണ്. വിവാഹ ശേഷമാണ് കൂടുതൽ യാത്രകൾ നടത്തിയിട്ടുള്ളത്. അഡ്വഞ്ചർ ട്രിപ്പിനോട് വലിയ താൽപര്യമില്ല, എന്നാൽ അഡ്വഞ്ചർ ട്രിപ്പുകൾ നടത്തിയിട്ടുണ്ടെന്നും ലക്ഷ്മി പറഞ്ഞു . ഇപ്പോൾ മകളേയും കൂടി പരിഗണിച്ചാണ് യാത്രകൾ പ്ലാൻ ചെയ്യുന്നത്.

ഹിമാലയം യാത്രയാണ് എന്റെ ഡ്രീം പ്രോജക്ട്. അസ്സറിനോടൊപ്പമുള്ള യാത്ര. ഇപ്പോൾ സോഷ്യൽ മീഡിയയിലും മറ്റും വൈറലാകുന്നത് ബൈക്കിൽ ഹിമാലയ വരെ പോയ ആളുകളുടെ അനുഭവകഥയാണ്. ഇതു കൊണ്ടല്ല. എന്നാൽ ഹിമാലയം കയറണം എന്നുള്ളത് തന്റെ ഏറ്റവും വലിയ ആഗ്രഹമാണെന്നും ലക്ഷ്മി അഭിമുഖത്തിൽ പറഞ്ഞു