ഞാനൊരു തയ്യൽക്കാരിയുടെ മകൾ!! നടി മറീനയുടെ ഹൃദയസ്പർശിയായ കുറിപ്പ് വൈറൽ

തയ്യൽക്കാരിയുടെ മകൾ

അമ്മയ്ക്കൊപ്പമുളള ചിത്രം പങ്കുവെച്ചു കൊണ്ടായിരുന്നു മറീനയുടെ തുറന്നു പറച്ചിൽ. ഞാനൊരു തയ്യൽക്കാരിയുടെ മകളാണ്. അമ്മ പുതിയ തയ്യൽ കട തുടങ്ങുകയാണ്. എനിയ്ക്ക് പണി കുറഞ്ഞപ്പോൾ അമ്മയ്ക്ക് വീണ്ടും പണിയായി. അമ്മ പുതിയ തയ്യൽ കട തുടങ്ങുകയാണ്. അതിനാൽ എല്ലാവരുടേയും സ്നേഹവും പ്രാർഥനയും വേണമെന്ന് ഇൻസ്റ്റഗ്രാം പോസ്റ്റിൽ താരം പറയുന്നു.

തോൽക്കുന്നുണ്ടെങ്കിൽ തോറ്റ് പോട്ടേ

രാത്രി ഉളക്കമിളച്ചിരുന്ന് തയ്യൽ ജോലികൾ ചെയ്തിരുന്നാണ് അമ്മ തന്നെ വളർത്തിയതെന്ന് അഭിമാനത്തോടെ താരം പറയുകയാണ്. തോൽക്കുന്നെങ്കിൽ തോറ്റ് പോകട്ടെ. പക്ഷെ അഭിമാനം നഷ്ടപ്പെടുത്തരുതെന്നാണ് അമ്മ പഠിപ്പിച്ചിട്ടുള്ളത്. എല്ലാ പെൺകുട്ടികളും ഇതുപോലെയൊരു അമ്മയെ അർഹിക്കുന്നുണ്ട് . അമ്മയൊരു പോരാളിയായിരുന്നു.ഇപ്പോഴും അങ്ങനെ തന്നെയാണ് എന്ന് പറഞ്ഞാണ് മറീന ഇൻസ്റ്റഗ്രാം പോസ്റ്റ് അവസാനിപ്പിക്കുന്നത്.

ആശംസകളുമായി ആരാധകർ

അമ്മയ്ക്കും താരത്തിനും ആശംസകളുമായി നിരവധി പേർ രംഗത്തെത്തിയിട്ടുണ്ട്. മറീനയെ കുറിച്ച് ഓർത്ത് അഭിമാനം തോന്നുവെന്നും ആരാധകർ പറയുന്നു. സെലിബ്രിറ്റികളുടെ കൂട്ടത്തിൽ ജാഡയില്ലാത്തവരുമുണ്ടെന്നുളളതിന്റെ തെളിവാണ് ണരീനയുടെ പോസ്റ്റെന്നും ആരാധകർ പറയുന്നു. പുതിയ സംരംഭത്തിന് എല്ലാവിധ ആശംസകളും നേരുന്നുണ്ടെന്നും ആരാധകർ പറയുന്നു.

ചെറുതും വലുതുമായ കഥാപാത്രങ്ങൾ

2014 മുതലാണ് മറീന സിനിമയിൽ സജീവമാകുന്നത്. ചെറിയകഥാപാത്രങ്ങളിലൂടെ എത്തുകയും പിന്നീട് ക്യാരക്ട്ർ റോളുകളിൽ പ്രത്യക്ഷപ്പെടുകയും ചെയ്തിരുന്നു. ഹാപ്പി വെഡിഭ്, ചങ്ക്സ, ഇര എന്നീ ചിത്രങ്ങളിലെ കഥാപാത്രങ്ങൾ ശ്രദ്ധിക്കപ്പെട്ടിരുന്നു. സിനിമ കൂടാതെ ഷോർട് ഫിലിമുകളിലും താരം സജീവമാണ്. താരത്തിന്റെ ഹ്രസ്വചിത്രങ്ങൾ പ്രേക്ഷകരുടെ ഇടയിൽ ശ്രദ്ധിക്കപ്പെടാറുണ്ട്.