മോഹന്‍ലാലിനരികിലേക്ക് മീനയെത്തി, 7 മാസത്തിന് ശേഷമുള്ള യാത്രയെക്കുറിച്ച് താരം പറഞ്ഞത് ഇങ്ങനെ

ജോര്‍ജ് കുട്ടിയും കുടുംബവും

ജീത്തു ജോസഫ് സംവിധാനം ചെയ്ത ദൃശ്യത്തിന് രണ്ടാം ഭാഗം ഒരുങ്ങുമ്പോള്‍ ജോര്‍ജ് കുട്ടിക്ക് എന്ത് സംഭവിച്ചുവെന്നാണ് എല്ലാവര്‍ക്കും അറിയേണ്ടത്. 7 വര്‍ഷത്തിന് ശേഷം ജോര്‍ജ് കുട്ടിയും സംഘവും എത്തുന്നതില്‍ ആരാധകരും ആകാംക്ഷയിലാണ്. തികച്ചും വ്യത്യസ്തമായാണ് രണ്ടാം ഭാഗം ഒരുക്കുന്നത്. കുടുംബകഥയാണ് ഇത്തവണത്തേത്. സസ്‌പെന്‍സ് ക്രൈം ചിത്രമായിരുന്നു ആദ്യം വന്നത്. റിയലിസ്റ്റിക് എന്റര്‍ടൈനറായാണ് രണ്ടാം ഭാഗം ഒരുങ്ങുന്നത്.

ഭാഗ്യലൊക്കേഷന്‍

ദൃശ്യം ചിത്രീകരിച്ചതോടെയായിരുന്നു തൊടുപുഴയിലെ ആ വീടും വൈറലായി മാറിയത്. ജോര്‍ജ് കുട്ടിയുടെ വീടും പുരയിടവുമൊക്കെ മോടി പിടിപ്പിക്കുന്നതിന്റെ തിരക്കിലാണ് അണിയറപ്രവര്‍ത്തകര്‍ എന്നുള്ള വിവരങ്ങളും ഇടയ്ക്ക് പുറത്തുവന്നിരുന്നു. 7 വര്‍ഷത്തിന് ശേഷമുള്ള മാറ്റങ്ങള്‍ വീട്ടിലും പ്രകടമാണ്. സാമ്പത്തികമായി ഉയര്‍ന്ന നിലയിലായതോടെയാണ് ജോര്‍ജ് കുട്ടി നിരവധി മാറങ്ങള്‍ നടത്തിയിരുന്നു. ദൃശ്യം വിജയമായി മാറിയതോടെയായിരുന്നു ചിത്രം തമിഴിലേക്ക് മൊഴി മാറ്റിയത്. തമിഴ് പതിപ്പിന്റെ ചിത്രീകരണവും ഇതേ വീട്ടില്‍ വെച്ചായിരുന്നു.

മീനയും മോഹന്‍ലാലും

മോഹന്‍ലാലും മീനയും ഒരുമിച്ചെത്തിയപ്പോഴൊക്കെ ആരാധകര്‍ ഇരുകൈയ്യും നീട്ടി സ്വീകരിച്ചിരുന്നു. നാളുകള്‍ക്ക് ശേഷമായാണ് ഇരുവരും വീണ്ടും ഒരുമിച്ച് അഭിനയിക്കുന്നത്. ലൊക്കേഷനിലേക്കെത്തിയതിനെക്കുറിച്ച് പറഞ്ഞ് മോഹന്‍ലാല്‍ നേരത്തെ എത്തിയിരുന്നു.അൻസിബ, എസ്തർ, സിദ്ദിഖ്, ആശാ ശരത്ത്, സായ്കുമാർ, മുരളി ഗോപി, ഗണേഷ് കുമാർ, സുമേഷ്, ആദം അയൂബ്, അഞ്ജലി നായർ, അജിത് കൂത്താട്ടുകുളം തുടങ്ങിയവരും ചിത്രത്തിനായി അണിനിരക്കുന്നുണ്ട്.

ഇപ്പോഴത്തെ അവസ്ഥ

സ്പേസിലേയ്ക്കുള്ള യാത്രയ്ക്ക് തയാറെടുക്കുന്ന ആളെപ്പോലെയാകും എന്നെ കാണുമ്പോൾ തോന്നുക. പക്ഷേ യുദ്ധത്തിനു പോകുന്ന അവസ്ഥയാണ് എന്റേത്. ഏഴ് മാസത്തിനുശേഷമുള്ള യാത്ര. ആളനക്കമില്ലാത്ത ഒറ്റപ്പെട്ട വിമാനത്താവളം കാണുമ്പോൾ അദ്ഭുതം തോന്നുന്നു. എന്നെപ്പോലെ ഈ വേഷം ധരിച്ച ആരെയും കാണാത്തതും എന്നെ ആശങ്കപ്പെടുത്തുന്നു. ധരിച്ചതിൽ ഒട്ടും യോജിക്കാത്ത ഒന്നാണ് ഈ വേഷം. ചൂടും ഭാരവും കൂടുതൽ. നമ്മൾ എസിയിൽ ഇരിക്കുകയാണെങ്കിൽപോലും വിയർത്തു കുളിക്കും.

Recommended Video

ദൃശ്യം 2 മോഹന്‍ലാലിന്‍റെ അടുത്ത സിനിമ | Filmibeat Malayalam

നന്ദി പറഞ്ഞാല്‍ മതിയാവില്ല

മുഖം പോലും ഒന്നു തുടക്കാൻ പറ്റാത്ത അവസ്ഥ. ഗ്ലൗസ് അണിഞ്ഞതുകൊണ്ടുളള ബുദ്ധിമുട്ടുകൊണ്ടാണത്. ഈ ദിവസങ്ങളിൽ ഉടനീളം പിപിഇ കിറ്റ് ധരിച്ച് ജോലി ചെയ്യുന്ന ആരോഗ്യപ്രവർത്തകർക്ക് എന്റെ സല്യൂട്ട്. ഈ വസ്ത്രത്തിന്റെ ബുദ്ധിമുട്ടിൽ നിൽക്കുമ്പോഴും ആ വേദനകൾ സഹിച്ച് അവർ നമുക്കായി കരുതൽ തരുന്നു. നിങ്ങളുടെ പ്രവർത്തനങ്ങൾക്ക് എത്ര നന്ദിപറഞ്ഞാലും മതിയാകില്ല.