അമ്മയാകാൻ തയ്യാറെടുത്ത് മേഘ്ന, 4 മാസം ഗർഭിണി, ചിരഞ്ജീവി യാത്രയായത് ആ സ്വപ്നം ബാക്കിയാക്കി

രണ്ട് വർഷത്തെ പ്രണയത്തിന് ശേഷമാണ് മേഘനയും ചിരഞ്ജീവിയും ജീവിതത്തിൽ ഒന്നിക്കുന്നത്. ആട്ടഗര എന്ന ചിത്രത്തിലാണ് ഇരുവരും ഒന്നിച്ച് അഭിനയിക്കുന്നത്. അവിടെ നിന്നാണ് താരങ്ങൾ തമ്മിലുള്ള ബന്ധം തുടങ്ങുന്നത്. ആദ്യം അടുത്ത സുഹൃത്തുക്കളാവുകയായിരുന്നു. പിന്നീട് ആ സൗഹൃദം പ്രണയത്തിലും വിവാഹത്തിലും എത്തുകയായിരുന്നു.

Recommended Video

ഭർത്താവിന് അന്ത്യചുംബനം നൽകി നടി മേഘ്‌ന രാജ് | FilmiBeat Malayalam

2018 ഏപ്രിൽ 29 നാണ് കോറിമംഗലം സെന്റ് ആന്റണീസ് ചർച്ചിൽ വെച്ചായിരുന്നു ആദ്യം വിവാഹം നടക്കുന്നത്. പിന്നീട് മെയ് 2 ന് ഹിന്ദു ആചാരവിധി പ്രകാരം വീണ്ടും വിവാഹിതരാവുകയായിരുന്നു. ബെംഗളൂരുവിലെ പാലസ് ഗ്രൗണ്ടിൽ വെച്ചായിരുന്നു ഹിന്ദു ആചാരവിധി പ്രകാരമുള്ള വിവാഹ ചടങ്ങുകൾ നടന്നത്. വിവാഹത്തിന് ശേഷവും മേഘ്ന സിനിമയിൽ സജീവമായിരുന്നു.

ഞായറാഴ്ചയായിരുന്നു താരത്തിന്റെ അന്ത്യം. ശ്വാസതടസം അനുഭവപ്പെട്ടതിനെ തുടർന്ന് ശനിയാഴ്ച ആശുപത്രിയിൽ പ്രവേശിപ്പിക്കുകയായിരുന്നു. പ്രായം കുറവായതിനാൽ ഹൃദ്രോഗമാണെന്ന് കുടുംബം കരുതിയില്ല. എന്നാൽ പിന്നീട് ഹൃദയാഘാതമാണെന്ന് കണ്ടെത്തുകയായിരുന്നു. അദ്ദേഹത്തിന്റെ ജീവൻ രക്ഷിക്കാൻ ഡോക്ടർമാർ പരമാവധി ശ്രമിച്ചുവെങ്കിലും ഫലം കണ്ടെത്താനായില്ല.39ാം വയസ്സിലായിരുന്നു മരണം സംഭവിക്കുന്നത്.കന്നഡയില്‍ ഇരുപതിലധികം സിനിമകളില്‍ അഭിനയിച്ചിട്ടുളള താരമാണ് ചിരഞ്ജീവി സര്‍ജ. നടൻ അര്‍ജുന്‍ ചിരഞ്ജീവി സര്‍ജയുടെ അമ്മാവനാണ്. നടൻ ധ്രുവ സര്‍ജ സഹോദരൻ.

തെന്നിന്ത്യൻ പ്രേക്ഷകരുടെ പ്രിയ താരമാണ് മേഘ്ന രാജ്. 2009 ൽ തെലുങ്ക് സിനിമയിലൂടെ വെള്ളിത്തിരയിൽ എത്തിയ താരം മലയാളികളുടേയും പ്രിയങ്കരിയാവുകയായിരുന്നു. 2010 ൽ വിനയൻ സംവിധനം ചെയ്ത യക്ഷിയും ഞാനും എന്ന ചിത്രത്തിലൂടെയാണ് മോളിവുഡിൽ എത്തിയത്. പിന്നീട് ആഗസ്റ്റ് 15, ബ്യൂട്ടിഫുൾ എന്നിങ്ങനെ മികച്ച ചിത്രങ്ങളുടെ ഭാഗമാകുകയായിരുന്നു.സീബ്രാ വരകൾ ആണ് മേഘ്ന അവസാനം അഭിനയിച്ച മലയാളചിത്രം. വിവാഹത്തിന് ശേഷം കന്നഡ സിനിമകളിൽ മാത്രമാണ് നടി പ്രത്യക്ഷപ്പെട്ടത്.