മേനക പനി പിടിച്ച് കിടക്കുകയായിരുന്നു! വെള്ളം കുടിക്കാൻ പോയപ്പോൾ കണ്ടു, മേനക-സുരേഷ് പ്രണയം ഇങ്ങനെ

എന്റെ മോഹം പൂവണിഞ്ഞു എന്ന സിനിമയുടെ സെറ്റിൽ വെച്ചാണ് മേനകയെ ആദ്യം കാണുന്നത് എന്നായിരുന്നു അവരുടെ വിചാരം. എന്നാൽ അതിനു മുൻപും മേനകയെ താൻ കണ്ടിരുന്നു. അതൊരു കൗതുകകരമായ കൂടിക്കാഴ്ചയായിരുന്നു. സ്റ്റാർ ആന്റ് സ്റ്റൈലിനു നൽകിയ അഭിമുഖത്തിലാണ് മേനകയെ ആദ്യമായി കണ്ടതിനെ കുറിച്ച് സുരേഷ് കുമാർ പറ‍ഞ്ഞത്.

മേനക സിനിമയിൽ എത്തിയ സമയമായിരുന്നു അത്. കരൈയെ തൊടാത്ത അലൈകൾ എന്ന സിനിമയെ കുറിച്ച് സംസാരിക്കാൻ വേണ്ടിയായിരുന്നു മേനകയുടെ വീട്ടിൽ‌ എത്തിയത്. താനും സംവിധായകൻ പ്രിയദർശനും കൂടിയായിരുന്നു അന്ന് മേനകയെ കാണാൻ എത്തിയത്. രണ്ടു പേർക്കും സിനിമ എടുക്കണമെന്ന മോഹവുമായി നടക്കുന്ന കാലഘട്ടമായിരുന്നു.

സിനിമയുടെ കഥ കേട്ടത് മേനകയുടെ അച്ഛനായിരുന്നു 500 രൂപ അ‍ഡ്വാൻസും വാങ്ങിയിരുന്നു. പക്ഷെ കഥാപാത്രത്തിനോട് താൽപര്യം തോന്നത്തതിനാൽ മേനക അത് ചെയ്യാൻ തയ്യാറായിരുന്നില്ല. പനി പിടിച്ച് അകത്തെ മുറിയിൽ കിടക്കുകയായിരുന്നു മേനക. അതുകൊണ്ട് തന്നെ സുരേഷിനെ മേനക കണ്ടതുമില്ല. എന്നാൽ വെള്ളം കുടിക്കാനായി അടുത്ത മുറിയിൽ എത്തിയ മേനകയെ സുരേഷ് കണ്ടിരുന്നു.

ആദ്യമായി എടുക്കാൻ തീരുമാനിച്ച പടത്തിന്റെ നായികയായാണ് നിന്നെ തേടിയെത്തിയത്. ആ പടം കരതൊട്ടില്ലെങ്കിലും അവസാനം നീയെന്റെ നായികയായി-എന്ന് സുരേഷ് മേനകയോട് പറഞ്ഞിരുന്നു.ആ കണ്ടുമുട്ടലിന് ശേഷം എത്രയോ കഴിഞ്ഞ് പൂച്ചക്കൊരു മൂക്കുത്തിയുടെ രണ്ടാം ഷെഡ്യൂള്‍ നടക്കുമ്പോഴാണ് ഇരുവരും പ്രണയത്തിലാകുന്നത്. പ്രണയം വരുന്ന വഴികള്‍ എത്ര സങ്കീർണ്ണമാണ്.