കുഞ്ഞ് ലൂക്കയുടെ മാമോദീസ ചിത്രങ്ങള്‍ പങ്കുവെച്ച് മിയ, മനോഹര ചിത്രങ്ങള്‍ ഏറ്റെടുത്ത് ആരാധകര്‍

കൂടാതെ ഗര്‍ഭിണിയായ ശേഷമുളള സന്തോഷങ്ങളും നടി പങ്കുവെച്ചിരുന്നില്ല. മുന്‍പ് ഗോവിന്ദ് പത്മസൂര്യയുടെ ഒരു വീഡിയോ കണ്ട് മിയ ഗര്‍ഭിണിയാണെന്ന് പലരും പറഞ്ഞെങ്കിലും നടിയുടെ ഭാഗത്തുനിന്ന് പ്രതികരണമൊന്നും ഉണ്ടായിരുന്നില്ല. തുടര്‍ന്ന് കുഞ്ഞ് പിറന്ന സന്തോഷം നടി പങ്കുവെച്ചപ്പോള്‍ പലരും ഞെട്ടിയിരുന്നു. എന്നാല്‍ ആ സമയത്ത് തന്നെ നടിയെ അഭിനന്ദിച്ചും മറ്റുചിലര്‍ എത്തി. മറ്റുതാരങ്ങളില്‍ നിന്നെല്ലാം വ്യത്യസ്തമായി ഗര്‍ഭകാല വിശേഷങ്ങള്‍ ഒന്നും പങ്കുവെക്കാതിരുന്നതിനാണ് പലരും മിയയെ അഭിനന്ദിച്ചത്.

ആണ്‍കുഞ്ഞാണ് മിയയുടെയും അശ്വിന്‌റെയും ജീവിതത്തിലേക്ക് എത്തിയത്. ലൂക്ക ജോസഫ് ഫിലിപ്പ് എന്നാണ് കുഞ്ഞിന് നടിയും കുടുംബവും പേരിട്ടത്. കുഞ്ഞ് ലുക്കയ്‌ക്കൊപ്പമുളള മിയയുടെ ചിത്രങ്ങള്‍ മുന്‍പ് സോഷ്യല്‍ മീഡിയയില്‍ വൈറലായിട്ടുണ്ട്. ഇപ്പോഴിതാ മിയ പങ്കുവെച്ച ലൂക്കയുടെ മാമോദീസ ചിത്രങ്ങളും ഏറ്റെടുത്തിരിക്കുകയാണ് ആരാധകര്‍. 'ബാപ്പ്റ്റിസം സീരിസ് ഇവിടെ തുടങ്ങുന്നു' എന്ന ക്യാപ്ഷനിലാണ് മകനും അശ്വിനുമൊപ്പമുളള ചിത്രങ്ങള്‍ മിയ ഇന്‍സ്റ്റഗ്രാമില്‍ പോസ്റ്റ് ചെയ്തിരിക്കുന്നത്.

ഓണസമയത്തും കുടുംബത്തിനൊപ്പമുളള ചിത്രങ്ങള്‍ പങ്കുവെച്ച് നടി സോഷ്യല്‍ മീഡിയയില്‍ എത്തിയിരുന്നു. അതേസമയം കഴിഞ്ഞ വര്‍ഷം സെപ്റ്റംബര്‍ 12നാണ് ബിസിനസുകാരനായ അശ്വിന്‍ ഫിലിപ്പുമായുളള നടിയുടെ വിവാഹം കഴിഞ്ഞത്. എറണാകുളം സ്വദേശിയാണ് അശ്വിന്‍. വിവാഹ ശേഷം സിനിമ വിടില്ലെന്നും തുടര്‍ന്ന് അഭിനയിക്കുമെന്നും മിയ മുന്‍പ് അറിയിച്ചിരുന്നു. അഭിനയം തുടരുന്നതില്‍ അശ്വിന് പ്രശ്‌നങ്ങളില്ലെന്നാണ് നടി പറഞ്ഞത്.

ഒരു സ്‌മോള്‍ ഫാമിലി എന്ന രാജസേനന്‍ ചിത്രത്തിലൂടെയാണ് മിയ സിനിമയില്‍ എത്തിയത്. പിന്നീട് നായികയായും സഹനടിയായുമെല്ലാം മോളിവുഡില്‍ സജീവമായി താരം. മമ്മൂട്ടി, മോഹന്‍ലാല്‍, ജയറാം, സുരേഷ് ഗോപി, പൃഥ്വിരാജ്, കുഞ്ചാക്കോ ബോബന്‍, ആസിഫ് അലി ഉള്‍പ്പെടെയുളള മുന്‍നിര താരങ്ങളുടെ സിനിമകളില്‍ നടി അഭിനയിച്ചു. 2019ല്‍ പുറത്തിറങ്ങിയ ഡ്രൈവിംഗ് ലൈസന്‍സ് മിയയുടെ കരിയറില്‍ വഴിത്തിരിവായിരുന്നു. ലാല്‍ ജൂനിയര്‍ സംവിധാനം ചെയ്ത ചിത്രത്തിലെ ഏല്‍സ കുരുവിള മിയയുടെതായി ഏറെ ശ്രദ്ധിക്കപ്പെട്ടു.

പൃഥ്വിരാജ്-ജയസൂര്യ-ലാല്‍ കൂട്ടുകെട്ടില്‍ ഇറങ്ങേണ്ട ചിത്രമായിരുന്നു അത്, മമ്മൂട്ടി എത്തിയത് ഇങ്ങനെ

വിവാഹ ശേഷം ഗാര്‍ഡിയന്‍ എന്ന ചിത്രം നടിയുടെതായി പുറത്തിറങ്ങിയിരുന്നു. സൈജു കുറുപ്പ് നായകവേഷത്തില്‍ എത്തിയ സിനിമയില്‍ ഐപിഎസ് ഉദ്യോഗസ്ഥയായാണ് മിയ എത്തിയത്. കോബ്ര, ഇന്‍ഡ്രു നേട്രു നാളെ, സി ഐഡി ഷീല തുടങ്ങിയവയാണ് മിയയുടെ പുതിയ സിനിമകള്‍. സീരിയലുകളിലൂടെയാണ് നടിയുടെ തുടക്കം. സീരിയലുകളില്‍ തിളങ്ങിയ ശേഷം സിനിമകളില്‍ സജീവമാവുകയായിരുന്നു മിയ.

സാമന്ത-നാഗചൈതന്യ ഡിവോഴ്‌സ് അഭ്യൂഹങ്ങള്‍ക്ക് മുന്‍പ് തെന്നിന്ത്യയെ ഞെട്ടിച്ച വിവാഹ മോചനങ്ങള്‍